రాష్ట్రీయం
ధర పెరిగిన సదావర్తి!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, సెప్టెంబర్ 18: సదావర్తి ట్రస్టు భూముల వ్యవహారంలో ఆంధ్ర ప్రభుత్వం ఆలోచనలు తలకిందులయ్యాయి. చౌకగా సదావర్తి భూములను అందించాలన్న ప్రభుత్వ యోచన తలకిందులై న్యాయస్థానాల చుట్టూ తిరిగి చివరికి 60.30 కోట్ల రూపాయిలకు భూములు అమ్ముడుపోయాయి. సుమారు గంటపాటు పోటాపోటీగా సాగిన బహిరంగ వేలంలో సదావర్తి భూములు మూడింతలు ఎక్కువ ధర పలికాయి. సుప్రీంకోర్టు ఆదేశాల మేరకు సోమవారం చెన్నైలో నిర్వహించిన వేలం పాటలో సదావర్తి భూములు ఏకంగా 60 కోట్ల 30 లక్షల రూపాయిల ధర పలికాయి. వేలంలో 83.11 ఎకరాల భూమిని కడప జిల్లాకు చెందిన సత్యనారాయణ బిల్డర్స్ దక్కించుకుంది. సత్యనారాయణ బిల్డర్స్ తరఫున ప్రొద్దుటూరు ఆస్పత్రి అభివృద్ధి కమిటీ చైర్మన్ బద్వేలు శ్రీనివాసరెడ్డి వేలంలో పాల్గొన్నారు. కాగా ఆ సంస్థలో ప్రొద్దుటూరు మాజీ ఎమ్మెల్యే, టిడిపి నేత వరదరాజుల రెడ్డి కుమారుడు కొండారెడ్డితో పాటు పలువురు భాగస్వామ్యులున్నారు. 27 కోట్ల 45 లక్షల నుంచి ప్రారంభమైన వేలం పాట ముందునుంచీ పోటాపోటీగా సాగింది. టెండర్లలో 54 కోట్లకు బ్రహ్మానంద కోట్ చేశారు. అయితే బహిరంగ వేలంలో మాత్రం 60 కోట్ల 30 లక్షలకు సత్యనారాయణ బిల్డర్సు భూములను దక్కించుకుంది. గతంతో పోలిస్తే దాదాపు మూడురెట్లు అంటే 37 కోట్ల 90 లక్షలు అధిక ధర పలికింది. వేలం ప్రక్రియ మొత్తాన్ని సుప్రీంకోర్టుకు నివేదిస్తామని దేవాదాయ శాఖ కమిషనర్ అనురాధ తెలిపారు.
చెన్నై టి.నగర్‌లోని టిటిడి సచాచార కేంద్రంలో సోమవారం ఉదయం సదావర్తి భూముల అమ్మకానికి వేలం ప్రక్రియ నిర్వహించారు. టెండర్ కమ్ సీల్డు కవర్ కమ్ బహిరంగ వేలం పద్ధతిన 83.11 ఎకరాల భూముల అమ్మకానికి మళ్లీ వేలం నిర్వహించారు. దేవాదాయ కమిషనర్ అనురాధ నేతృత్వంలోని భూముల వేలం కొనసాగింది. మరోవైపు సుప్రీంకోర్టు ఆదేశాల మేరకు బహిరంగ వేలానికి ఎమ్మెల్యే ఆర్కే హాజరయ్యారు. కాగా సదావర్తి సత్రం పేరిట ఉన్న 83.11 ఎకరాల భూముల అమ్మకానికి ఆంధ్ర ప్రభుత్వం గత ఏడాది మార్చి 28న చెన్నైలో బహిరంగ వేలం నిర్వహించింది. అపుడు జరిగిన వేలం ప్రక్రియ లోపభూయిష్టంగా జరిగిందని, సర్కారు పెద్దలు ఆ భూములను దక్కించుకోవడానికి ప్రయత్నాలు చేశారని వైకాపా ఎమ్మెల్యే ఆళ్ల రామకృష్ణారెడ్డి (ఆర్కే) హైకోర్టుకు వెళ్లడంతో ఏడాదిన్నరగా దీనిపై వివాదం కొనసాగింది. అయితే సదావర్తి సత్రం భూములుగా పేర్కొంటున్నవి అసలు తమ ఆస్తి అని ఏపీ ప్రభుత్వం పేర్కొనగా, ఆంధ్రకు ఎలాంటి అధికారం లేదని వేలం ప్రక్రియను నిలుపుదల చేయాలంటూ తమిళనాడు ప్రభుత్వం సుప్రీంకోర్టును ఆశ్రయించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.