రాష్ట్రీయం
టిఆర్‌ఎస్ నేతలతోనే ఆర్‌ఎస్‌ఎస్‌లు
S ,7 à 8 RSCA (si SASPAS) et 6 cialis pharmacie cialis rapports de stage.
ఖమ్మం, సెప్టెంబర్ 21: తెలంగాణలో టిఆర్‌ఎస్ కార్యకర్తలతో రైతు సమన్వయ సమితులను (ఆర్‌ఎస్‌ఎస్) ఏర్పాటు చేయడంతో అసలైన రైతులకు అన్యాయం జరిగే అవకాశం ఉందని, టిఆర్‌ఎస్ ప్రభుత్వం అనుసరిస్తున్న ప్రజా వ్యతిరేక విధానాలపై ప్రజలను చైతన్యం చేయనున్నట్లు ఏఐసిసి కార్యదర్శి, రాష్ట్ర ఇంచార్జ్ కుంతియా, కాంగ్రెస్ పార్టీ రాష్ట్ర అధ్యక్షుడు ఉత్తమ్‌కుమార్‌రెడ్డి పేర్కొన్నారు. రాష్ట్ర ప్రభుత్వం చేపట్టిన భూసర్వేలలో నిజమైన రైతులకు అన్యాయం జరగకుండా చూడాల్సిన బాధ్యత ప్రతి కాంగ్రెస్ కార్యకర్తపై ఉందన్నారు. గురువారం ఖమ్మంలో జరిగిన ఇందిరమ్మ రైతుబాట చైతన్య సదస్సులో వారు మాట్లాడుతూ రాష్ట్రప్రభుత్వం ఏకపక్షంగా వ్యవహరిస్తూ ప్రజల విశ్వాసాన్ని కోల్పోయిందన్నారు. తామేదో గొప్పగా చేస్తున్నామని చెప్పుకుంటున్న భూరికార్డుల సవరణ కాంగ్రెస్ ప్రభుత్వం ఏనాడో చేసిందన్నారు. ఏడు దశాబ్దాల క్రితమే దళిత, గిరిజన, బడుగు, బలహీన వర్గాలకు భూహక్కులను కల్పించిందన్నారు. నేడు ముఖ్యమంత్రి కెసిఆర్ బలవంతపు భూసేకరణ చేస్తున్నారని ఆరోపించారు. అధికారంలోకి వచ్చిన టిఆర్‌ఎస్ ప్రభుత్వం మూడేళ్ళకాలంలో ప్రజలను అనేక రకాలుగా మోసం చేసిందన్నారు.దళితులకు మూడెకరాల భూమి ఇస్తానన్న ప్రభుత్వం మూడున్నర లక్షల దళిత కుటుంబాలు అర్హులుగా ఉన్నప్పటికీ, కేవలం మూడువేల మందికి ఇచ్చి చేతులు దులుపుకుందన్నారు. డబుల్‌బెడ్‌రూమ్ ఇళ్ల ఊసేలేదని, నిరుద్యోగ సమస్య పరిష్కరించడంలో ఘోరంగా విఫలమైందన్నారు. రాష్ట్ర ప్రభుత్వం వ్యవసాయాన్ని సంక్షోభంలో నెట్టివేసిందని, రైతు రుణమాఫీ ఏకకాలంలో చేయకపోవడంతో వారిచ్చిన రుణం వడ్డీకే సరిపోయిందన్నారు. రైతు పండించిన పంటకు గిట్టుబాటుధర అడిగిన పాపానికి రైతులను జైళ్ళలో పెట్టించిన ఘనత కెసిఆర్‌కే దక్కిందన్నారు. కమీషన్లకు కక్కుర్తి పడి ప్రాజెక్టుల రీడిజైన్ పేరుతో యాబైవేల కోట్లను దుర్వినియోగం చేసిందన్నారు.
చిత్రం..ఖమ్మంలో ఇందిరమ్మ రైతుబాట సదస్సులో మాట్లాడుతున్న కుంతియా
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.