రాష్ట్రీయం
కల్పవృక్ష వాహనంపై మలయప్ప
S ,7 à 8 RSCA (si SASPAS) et 6 cialis pharmacie cialis rapports de stage.
తిరుపతి, సెప్టెంబర్ 26: శ్రీవారి నవరాత్రి బ్రహ్మోత్సవాల్లో భాగంగా నాలుగోరోజు మంగళవారం ఉదయం శ్రీ మలయప్పస్వామివారు ఉభయ దేవేరులతో కలిసి కల్పవృక్ష వాహనంపై శ్రీ రామజన్నార్ స్వామివారి అలంకారంలో ఆలయ మాడ వీధుల్లో విహరించి భక్తులకు దర్శనమిచ్చారు. ఉదయం 9గంటలకు స్వామివారు కల్పవృక్షవాహనంపై ముందు కదులుతుండగా వాహనం ముందు గజరాజులు, వృషభ, అశ్వ, పదాతి దళాలు ముందుకు సాగాయి. భక్తజన బృందాలు, చెక్క్భజనలు భక్తి పారవశ్యంతో స్వామివారిని కీర్తిస్తు నర్తించారు. జీయ్యంగార్ల గోష్ఠితో స్వామివారిని కీర్తిస్తుండగా, మంగళవాయిద్యాల నడుమ స్వామివారి వాహన సేవ కోలాహలంగా జరిగింది. స్వామివారికి భక్తులు అడుగడుగునా కర్పూరహారతులు పట్టారు. సురులు, అసురులు అమృతం కోసం సాగించిన క్షీరసాగర మధనంలో ఉద్భవించిన వస్తువుల్లో కల్పవృక్షం కూడా ఒకటి. ఈ చెట్టు నీడన చేరిన వారికి ఆకలిదప్పులుండవు. పూర్వజన్మ స్మరణ కూడా కలుగుతుందని భక్తుల ప్రగాఢ విశ్వాసం. అంతేకాదు ఇతర వృక్షాలు తాము కాచిన ఫలాలు మాత్రమే ప్రసాదిస్తాయి. అలాకాక కల్పవృక్షం వాంఛిత ఫలాలన్నింటిని ప్రసాదిస్తుంది. అటువంటి కల్పవృక్ష వాహనాన్ని అధిరోహించి నాలుగో రోజు ఉదయం తిరుమాడ వీధుల్లో భక్తులకు తనివితీరా దర్శనమిచ్చారు. అంటే కల్పవృక్ష వాహనంపై స్వామివారిని దర్శించుకున్న భక్తుల వాంఛలను తీరుస్తాడన్నది ప్రతీతి. రాత్రి సర్వభూపాల వాహనంపై సర్వేశ్వరుడు మాడ వీధుల్లో విహరిస్తూ భక్తులను అనుగ్రహించారు.
చిత్రాలు..తిరుమలలో మంగళవారం ఉదయం కల్పవృక్ష వాహనంపై భక్తులకు అభయప్రదానం చేస్తున్న మలయప్ప
*మంగళవారం రాత్రి సర్వభూపాల వాహనంపై మాడ వీధుల్లో ఊరేగుతున్న మలయప్పస్వామి
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.