రాష్ట్రీయం
డేటాకు సెక్యూరిటీ
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, సెప్టెంబర్ 29: ప్రపంచవ్యాప్తంగా పెరుగుతున్న సైబర్ దాడుల నుండి ప్రభుత్వ సమాచారాన్ని కాపాడేందుకు, ప్రజలకు ఎటువంటి ఇబ్బందులు రాకుండా చూసేందుకు అత్యుత్తమ టెక్నాలజీతో ఆంధ్రప్రదేశ్ సైబర్ సెక్యూరిటీ ఆపరేషన్ సెంటర్ ఏర్పాటు చేయాలని ఐటి శాఖ మంత్రి నారా లోకేష్ సూచించారు. సైబర్ నేరాలపై శుక్రవారం సచివాలయంలో నిర్వహించిన సమీక్షలో మాట్లాడుతూ ప్రపంచవ్యాప్తంగా సైబర్ నేరాలు పెరిగిపోతున్నాయని, సెకనుకు 12మంది సైబర్ నేరాలకు గురవుతున్నారన్నారు. ర్యాన్సమ్‌వేర్ ద్వారా సైబర్ దాడితో ప్రభుత్వాల దగ్గరున్న సమాచారాన్ని హ్యాక్ చేసే ప్రయత్నాలు నిరంతరం జరుగుతున్నాయన్నారు. ఇన్ఫర్మేషన్ టెక్నాలజీ వినియోగంలో ఏపీ ప్రభుత్వం అందరికంటే ముందు ఉందన్నారు. దీనివల్ల సైబర్ అటాక్స్ జరిగే ప్రమాదం కూడా ఎక్కువేనన్నారు. సాఫ్ట్‌వేర్ సెక్యూరిటీ, డేటా సెక్యూరిటీ ప్రధాన లక్ష్యాలుగా ఆంధ్రప్రదేశ్ సైబర్ సెక్యూరిటీ ఆపరేషన్ సెంటర్ ఏర్పాటు చేయాలన్నారు. సైబర్ సెక్యూరిటీ కోసం ఇతర దేశాల్లో రూపొందించిన విధి విధానాలు, మన రాష్ట్ర పరిస్థితులు అంచనా వేసి, వీలైనంత త్వరగా ఆంధ్రప్రదేశ్ సైబర్ సెక్యూరిటీ ఆపరేషన్ సెంటర్ ఏర్పాటు పూర్తి చేయాలని అధికారులను ఆదేశించారు. బ్లూవేల్స్‌లాంటి ప్రమాదకర గేమ్స్ మరికొన్ని వచ్చే ప్రమాదం కూడా ఉందని, ఇలాంటి సైబర్ ప్రమాదాలను ముందుగానే అంచనావేసి నివారించే స్థాయిలో సెంటర్ ఉండాలన్నారు. సైబర్ క్రైమ్స్ నియంత్రణకు పోలీస్ శాఖ సలహాలు తీసుకుని, సైబర్ సెక్యూరిటీ విధి విధానాలను రూపొందించాలని మంత్రి లోకేష్ సూచించారు.
చిత్రం..ఐటి శాఖ అధికారులతో నిర్వహించిన సమీక్షలో మాట్లాడుతున్న మంత్రి లోకేష్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.