రాష్ట్రీయం
ఎన్‌హెచ్‌పై మృత్యుఘోష
S ,7 à 8 RSCA (si SASPAS) et 6 cialis pharmacie cialis rapports de stage.
మునగాల, అక్టోబర్ 1: ఆర్టీసీ బస్సు మితిమీరిన వేగం ఆరుగురి ప్రాణాలను హరించింది. సూర్యాపేట జిల్లా మునగాల మండల పరిధిలోని మొద్దులచెర్వు గ్రామశివారులో 65వ నెంబరు జాతీయ రహదారిపై ఆదివారం తెల్లవారుజామున ప్రమాదం చోటుచేసుకుంది.
ఆంధ్రప్రదేశ్ కృష్ణాజిల్లా ఆవనిగడ్డ డిపోకు చెందిన ఎపి 16జెడ్ 0216 నెంబరుగల ఆర్టీసీ లగ్జరీ బస్సు 36మంది ప్రయాణికులతో శనివారం రాత్రి 10 గంటలకు హైదరాబాద్‌కు బయలుదేరింది. తెల్లవారుజామున రెండు గంటల సమయంలో మొద్దుల చెర్వు సమీపంలో హైదరాబాద్ వైపు వెళ్తున్న లారీ పంక్చర్ కావడంతో రోడ్డుపక్కన ఆపి టైరు మార్చుతున్నారు. అదే సమయంలో ఆర్టీసీ బస్సు అతివేగంతో వస్తూ మరో బస్సును ఓవర్‌టెక్ చేయబోయ ఆగివున్న లారీని ఢీకొట్టింది. ప్రమాదంలో కోదాడ డిపో ఆర్టీసి డ్రైవర్‌గా పనిచేస్తున్న సూర్యాపేట జిల్లా కేంద్రానికి చెందిన గునగంటి సత్తయ్య (57), ఖమ్మం జిల్లా తళ్లంపాడు మండలం మల్లారం గ్రామానికి చెందిన కోటారి రాణి (37) అక్కడిక్కడే మృతిచెందారు. హుజూర్‌నగర్‌కు చెందిన లారీ డ్రైవర్ వేముల ఏడుకొండలు (48), కృష్ణా జిల్లా ఆవనిగడ్డకు చెందిన రిటైర్డ్ ఆర్టీసి డ్రైవర్ ఎం మురళీప్రసాద్ (60), బంతి కుటుంబరావు (60), హైదరాబాద్‌కు చెందిన మాతంగి వరప్రసాద్ (63) చికిత్స పొందుతూ కోదాడ, సూర్యాపేట ప్రభుత్వ ఆసుపత్రుల్లో మృతిచెందారు. కాగా, ప్రమాదంలో బస్సులో ప్రయాణిస్తున్న 13 మందికి తీవ్ర గాయాలయ్యాయ. తొలుత వారిని సూర్యాపేట, కోదాడ ప్రాంతీయ ఆసుపత్రులకు తరలించి అక్కడి నుంచి మెరుగైన చికిత్స కోసం హైదరాబాద్‌కు తరలించారు. సమాచారం తెలుసుకున్న ఎస్పీ ప్రకాశ్ జాదేవ్, డిఎస్పీ రమణారెడ్డి, కోదాడ గ్రామీణ సిఐ జి.రవి, ఎస్‌ఐ గడ్డం నగేష్ ప్రమాద స్థలాన్ని పరిశీలించారు. కోదాడ డిఎస్పీ రమణారెడ్డి కేసు నమోదు చేసుకొని దర్యాప్తు చేస్తున్నారు.
చిత్రాలు.. లారీని ఆర్టీసీ బస్సు ఢీకొట్టిన దృశ్యం. *నుజ్జునుజ్జయన లగ్జరీ బస్సు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.