రాష్ట్రీయం
రైల్వేలో హోదా పెంపు
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, అక్టోబర్ 1: రైల్వే స్టేషన్‌ల్లోని మేనేజర్ల హోదా పెరిగింది. ఇక నుంచి మేనేజర్‌కు బదులుగా స్టేషన్ డైరెక్టర్‌గా పిలుస్తారు. అయితే ఏ-వన్ రైల్వేస్టేషన్‌గా గుర్తింపుపొందిన స్టేషన్ మేనేజర్లను మాత్రమే స్టేషన్ డైరెక్టర్‌గా హోదా పెంచారు. ఈ అరుదైన అవకాశం విశాఖ రైల్వేస్టేషన్‌కు దక్కింది. ప్రయాణికులకు వౌలిక వసతులు కల్పించడంలో ముందుండడంతోపాటు స్వచ్ఛస్టేషన్‌గా అవార్డును పొందగలిగింది. అలాగే స్నేహపూర్వక పర్యాటక స్టేషన్‌గా ఇటీవల రాష్ట్ర ప్రభుత్వం నుంచి గుర్తింపు లభించింది. అన్నింటికంటే సరకు రవాణా, ప్రయాణికులను గమ్యస్థానాలకు చేర్చడం, ప్లాట్‌ఫారాల టికెట్ల విక్రయాలు, టికెట్ లేని ప్రయాణికుల నుంచి అపరాధ రుసుం వసూళ్ళు వంటి వాటితో ఏడాదికి ఆరు వేల కోట్లకు పైగానే వాల్తేరు డివిజన్ ఆదాయాన్ని సంపాదించగలుగుతుంది. అయితే ఏ-వన్ స్టేషన్‌గా గుర్తింపు పొందడానికి వార్షిక ఆదాయం రూ.60 కోట్లు ఉంటే సరిపోతుంది. ఇలా.. అన్నింటా ప్రథమ స్థానంలో నిలిచిన విశాఖ రైల్వేస్టేషన్‌కు కొత్తగా స్టేషన్ మేనేజర్ స్థాయిని పెంచారు. భారతీయ రైల్వే పరిధిలో 16 రైల్వేజోన్లు, దాదాపు 50 డివిజన్లు ఉండగా, వీటి పరిధిలోకి వచ్చే ఏ-వన్ రైల్వేస్టేషన్లు దాదాపు 200 వరకు ఉండవచ్చని వాల్తేరు డివిజన్ అధికారులు చెబుతున్నారు. అయితే, ఇందులో ఈస్ట్‌కోస్ట్ రైల్వే జోన్‌కు సంబంధించి కేవలం విశాఖపట్నం, భువనేశ్వర్, పూరి రైల్వేస్టేషన్లు మాత్రమే ఏ-వన్ పరిధిలోకి వచ్చాయి. ఇందుకు సంబంధించి రైల్వే అధికారిక ప్రకటన కూడా చేసింది. గ్రూప్-బికి చెందిన అధికారులే ఏ-వన్ రైల్వేస్టేషన్లకు స్టేషన్ డైరెక్టర్లుగా నియమించాలని కూడా రైల్వే నిర్ణయించింది. స్మార్ రైల్వేస్టేషన్‌గా అభివృద్ధి చెందుతున్న విశాఖ రైల్వేస్టేషన్‌ను భద్రతాపరంగా అత్యధిక ప్రాధాన్యం ఇస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.