రాష్ట్రీయం
వచ్చే పార్లమెంటు సమావేశాల్లో బిసి బిల్లుకు ఆమోదం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 1: ఈ ఏడాది నవంబర్‌లో జరిగే పార్లమెంటు సమావేశాల్లో బిసి బిల్లుకు ఆమోదం లభిస్తుందని కేంద్ర హోంశాఖ సహాయ మంత్రి హన్సరాజ్ గంగారాం అహిర్ భరోసా ఇచ్చారు. బిసిల పట్ల కేంద్రప్రభుత్వం సానుకూలంగా ఉందని, ప్రధాని నరేంద్రమోదీ కూడా బిసిల డిమాండ్ల పట్ల చిత్తశుద్ధితో ఉన్నారని అన్నారు. త్వరలోనే బిసిల సమస్యలపై జాతీయ స్థాయిలో అఖిలపక్ష సమావేశం ఏర్పాటు చేసేందుకు కూడా కేంద్రం సిద్ధంగా ఉందని ఆయన వెల్లడించారు. ఆదివారం నాడిక్కడ ఒక హోటల్‌లో ఒబిసి ఉద్యోగ సంఘాలు, బిసి సంఘాలు సంయుక్తంగా నిర్వహించిన ఒబిసి సంఘాల సమావేశంలో కేంద్రమంత్రి పాల్గొన్నారు. జాతీయ బిసి కమిషన్ సిఫార్సులను అమలు చేసేందుకు కేంద్రం కృత నిశ్చయంతో ఉందని అన్నారు. ఒబిసిలను వివిధ రాష్ట్రాల్లో ప్రస్తుతం ఉన్న మాదిరిగా వర్గీకరించి అందరికీ సమన్యాయం చేయాలని కేంద్రం భావిస్తోందని అన్నారు. బిసిలు ఇతర కులాలతో పోల్చుకోకుండా, తమకు ఏది అవసరమో దాని సాధన కోసం ఐక్యంగా పోరాడాలని పిలుపునిచ్చారు. కేంద్ర బడ్జెట్‌లో బిసిలకు తగినన్ని నిధులు కేటాయిస్తామని, బిసి ఉద్యోగుల పదోన్నతులు, రిజర్వేషన్ల కోసం తన వంతు కృషి చేస్తానని హన్సరాజ్ హామీ ఇచ్చారు. బిసిల ఆకాంక్షలకు ప్రధాని మోదీ సానుకూలంగా ఉన్నారని, బిసి వర్గానికి చెందిన మోదీ దేశానికి ప్రధానిగా ఉండడం అదృష్టమని తెలిపారు. ఈ సమావేశంలో పాల్గొన్న రాష్ట్ర మంత్రి ఈటల రాజేందర్ మాట్లాడుతూ బిసిలు ఐక్య పోరాడి తమ సమస్యలను సాధించుకోవాలని అన్నారు. చేతి వృత్తుల వారికి తగిన సహాయం చేస్తే తప్ప వారు అభివృద్ధి చెందరని తెలిపారు. తెలంగాణ రాష్ట్రం బడుగులకు నిలయం ఉందని, వారిని ఆదుకునేందుకు తమ ప్రభుత్వం అనేక సంక్షేమ కార్యక్రమాలు అమలు చేస్తోందని అన్నారు. బిజెపి రాష్ట్ర అధ్యక్షుడు కె.లక్ష్మణ్ మాట్లాడుతూ బిసిలకు బిజెపి అండగా ఉంటుందని చెప్పారు. బిసిల డిమాండ్లపై బిజెపి దేశాధ్యక్షుడు అమిత్‌షాతో చర్చిస్తానని అన్నారు. డాక్టర్ బూర నర్సయ్యగౌడ్ మాట్లాడుతూ మహిళా బిల్లులో బిసి మహిళలకు ప్రత్యేక కోటా ఇవ్వాలని డిమాండ్ చేశారు. బిసి సంక్షేమ సంఘం తెలంగాణ రాష్ట్ర అధ్యక్షుడు జాజుల శ్రీనివాస్‌గౌడ్ మాట్లాడుతూ బిసిల డిమాండ్ల కోసం రాజీ లేని పోరాటం కొనసాగిస్తామని వెల్లడించారు. ఇంకా పలువురు బిసి సంఘాల నేతలు, ప్రతినిధులు ఈ సమావేశంలో పాల్గొని ప్రసంగించారు.
చిత్రం..ఒబిసి సంఘాల సమావేశంలో మాట్లాడుతున్న కేంద్ర హోంశాఖ సహాయ మంత్రి హన్సరాజ్ గంగారాం అహిర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.