రాష్ట్రీయం
కొలిక్కిరాని ఆస్తుల విభజన
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 1: ఆంధ్రప్రదేశ్, తెలంగాణ రాష్ట్రాల విభజన జరిగి మూడేళ్లు పూర్తయినా ప్రభుత్వ రంగ సంస్థల ఆస్తుల విభజన ప్రక్రియ కొలిక్కిరాలేదు. ఎక్కడి వివాదాలు అక్కడే ఉన్నాయి. పరిష్కారం చూపేందుకు నియమించిన షీలా బేడీ కమిటీకి కాలపరిమితి పూర్తయిన తర్వాత నాలుగుసార్లు కొనసాగింపు ఇచ్చినా ఏమాత్రం ప్రయోజనం కనిపించడం లేదు. ఒక్కోచోట ఒక్కో రకమైన వివాదం తలెత్తడంతో దానిని పరిష్కరించడం షీలా బేడీ కమిటీకి సవాల్‌గా మారింది. ఈ ఏడాది సెప్టెంబర్ 1 నుంచి నాలుగోసారి కమిటీని కేంద్రం పొడిగించింది. ఈ కమిటీ గడచిన మంగళ, బుధవారాల్లో సమావేశమైనా కొన్ని ప్రభుత్వ కార్పొరేషన్లు, సంస్థల ఆస్తుల విభజనపై స్పష్టత రాలేదు. గిరిజన కార్పొరేషన్, మహిళా సహకార ఆర్థిక సంస్థ అధికారులతో సమావేశమైన కమిటీ సుధీర్ఘంగా చర్చించినా ఆస్తుల విభజనపై ఒక నిర్ణయానికి రాలేకపోయారు. ఆస్తుల విభజనలో సమాన వాటా కావాలని ఎపి కోరుతుంటే, ఎపి పునర్విభజన చట్టాన్ని అనుసరించి ఆస్తులను పంచాలని తెలంగాణ కోరుతోంది. ఉద్యోగుల విభజన పూర్తయినప్పటికీ ఆస్తుల విభజనలో మాత్రం ముందుకు కదలడం లేదు. ఇప్పటి వరకు 69 ప్రభుత్వ సంస్థల్లో ఆస్తుల విభజన పూర్తయ్యింది. కాగా ఆర్టీసి, ఎపిజెన్‌కో, సిపిడిసిఎల్, ఎపి ఫుడ్స్, గిరిజన కార్పొరేషన్ వంటి కొన్ని సంస్థల్లో మాత్రం ఇరు రాష్ట్రాల మధ్య తేడాలు వస్తున్నాయి. ఇక ఉద్యోగుల విషయానికొస్తే మొత్తం ఏడు వే ల మంది ఉద్యోగులు ఉంటే గత మూడేళ్ల నుంచి 3,800 మంది పదవీ విరమణ చేశారు. మిగిలిన వారు షీలా బేడీ కమిటీ నివేదిక కోసం ఎదురు చూస్తున్నారు. ఆర్‌టిసి ఆస్తుల ప్రక్రియపై ఇంకా వివాదం కొనసాగుతోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.