రాష్ట్రీయం
కారుపై పడిన మరో కారు
S ,7 à 8 RSCA (si SASPAS) et 6 cialis pharmacie cialis rapports de stage.
పెద్దపల్లి రూరల్, అక్టోబర్ 2: రాజీవ్ రహదారి నెత్తురోడింది. ఒక వ్యక్తి నిర్లక్ష్యం ఒక కుటుంబం మరణ శాసనానికి కారణమైంది. తాగిన మత్తులో అతి వేగంగా కారు నడుపుతూ డివైడర్‌ను ఢీకొట్టడంతో ఎదురుగా వస్తున్న మరో కారుపై పడింది. ఈ సంఘటనలో ఒకే కుటుంబానికి చెందిన ఐదుగురు ప్రాణాలు కోల్పోయారు. సినిమా పక్కీలో ఆదివారం అర్ధరాత్రి రాజీవ్ రహదారిపై జరిగిన ఈ ఘటన చూపరులను కలచివేయగా, ఒక కుటుంబం మృత్యు ఒడిలోకి వెళ్లింది. పెద్దపల్లి జిల్లా పెద్దపల్లి మండలం అందుగులపల్లి గ్రామ సమీపంలో జరిగిన రోడ్డు ప్రమాదంలో ముగ్గురు అక్కడికక్కడే మృత్యువాత పడగా మరో ఇద్దరు తీవ్ర గాయాలతో ఆస్పత్రిలో చికిత్స పొందుతూ మరణించారు. మరో ఇద్దరు ఆస్పత్రిలో చికిత్స పొందుతున్నారు. ఒక కారు డివైడర్‌ను ఢీకొట్టి ఎదురుగా వస్తున్న మరో కారుపై పడడంతో ఈ ప్రమాదం సంభవించింది. బసంత్‌నగర్‌కు సుదర్శన్ రెడ్డి అనే వ్యక్తి ఇండికా విస్టాలో కరీంనగర్ నుంచి గోదావరిఖని వైపు వెళ్తుండగా, అందుగులపల్లి శివారులోని పెట్రోల్ బంక్ వద్ద రాజీవ్ రహదారి డివైడర్‌ను ఢీకొట్టాడు. అతి వేగంగా నడపడం వల్ల కారు ఎగిరిపోయి ఎదురుగా వస్తున్న వెర్నా కారుపై పడింది. ఈ సంఘటనలో కొమురం భీం జిల్లా కాగజ్ నగర్ నుంచి వెర్నా కారులో కరీంనగర్ వైపు వస్తున్న ముస్లిం కుటుంబ సభ్యులలో అజీం (35), హర్షియా సుల్తానా (30), కూతురు మెహవిష్ (5), అరిఫా (2), అజీం మరుదలు హాప్రిన్ మృత్యువాత పడ్డారు. మృతుని సోదరుడు నజీర్‌తో పాటు ఏడేళ్ల పాప తీవ్ర గాయాలతో ప్రాణాపాయ స్థితిలో ఆస్పత్రిలో చికిత్స పొందుతున్నారు. ఈ ప్రమాదానికి కారణమైన సుదర్శన్ రెడ్డి తీవ్ర గాయాలతో ఆస్పత్రిలో చికిత్స పొందుతున్నాడు. సుదర్శన్ రెడ్డి అతిగా మద్యం సేవించి కారు అతి వేగంగా నడపడం వల్ల ఈ ప్రమాదం జరిగిందని పోలీసులు తెలిపారు.
చిత్రం..రోడ్డు ప్రమాదంలో నుజ్జునుజ్జయిన కారు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.