రాష్ట్రీయం
ఎన్నికల బరిలో దిగుతాం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 2: వచ్చే సార్వత్రిక ఎన్నికల్లో బరిలోకి దిగేందుకు సర్వం సన్నద్ధం చేసుకుంటున్న జనసేన బలాబలాలకు అనుగుణంగానే ముందుకు సాగాలని నిర్ణయించుకున్నట్టు తెలుస్తోంది. రెండు తెలుగు రాష్ట్రాల్లో కలిపి 294 స్థానాలు ఉండగా, ఆంధ్రాలో 175, తెలంగాణలో 119 అసెంబ్లీ స్థానాల్లో పార్టీకి గట్టి పట్టు ఉంటుందని భావిస్తున్న నియోజకవర్గాలను గుర్తించారు. ప్రతి నియోజకవర్గంలో మిగిలిన పార్టీలు బూత్ స్థాయిలో కమిటీలను ఏర్పాటు చేసుకోగా, జనసేన మాత్రం జిల్లా స్థాయి కమిటీల ఎంపిక ప్రక్రియలో ఉంది. అయినా ప్రజలు కోరుకుంటే కమిటీలతో సంబంధం లేకుండా గెలిచే అవకాశాలు ఉంటాయనే సిద్ధాంతాన్ని పార్టీ నమ్ముకున్నట్టు తెలుస్తోంది. ఈ క్రమంలోనే రెండు తెలుగు రాష్ట్రాల్లో కలిపి కనీసం 100 నుండి గరిష్టంగా 175 స్థానాలకు పోటీ చేయాలని యోచిస్తున్నట్టు సమాచారం. రెండు రాష్ట్రాల్లో చెరో 50 నియోజకవర్గాల్లో బలపడినా, అధికారంలో ఉన్న ప్రభుత్వాలను నిలదీసే పరిస్థితి ఉంటుందని జనసేన భావిస్తోంది. ఖచ్చితంగా అన్ని సీట్లకూ పోటీచేస్తామని చెప్పి, అందుకు భిన్నంగా వ్యవహరించే బదులు ముందుగానే పార్టీ యంత్రాంగాన్ని కొన్ని సీట్లకే పోటీచేస్తామనే సందేశాన్ని ఇవ్వడం మంచిదనే యోచనలో జనసేన అధినేత పవన్‌కల్యాణ్ ఉన్నట్టు తెలిసింది.
సమాచార సాంకేతిక పరిజ్ఞానం, పార్టీకి దిశ-దశను ఇచ్చే యంత్రాంగాన్ని, మంత్రాంగాన్ని సమకూర్చుకున్న పవన్ కల్యాణ్ అనుబంధ కమిటీలపై దృష్టిసారించారు. ప్రధానంగా యువజన విభాగాలు, మహిళా విభాగాలను ఏర్పాటు చేస్తున్నారు. వీటి తర్వాత వెనుకబడిన వర్గాలు, ఎస్సీ, ఎస్టీల కమిటీలను ఏర్పాటు చేయనున్నారు. మరో పక్క రెండు రాష్ట్రాల్లో కీలకమైన ప్రజా సమస్యలను గుర్తించడం, వాటి పరిష్కారంపై నిపుణులతో చర్చలు నిర్వహించడం తద్వారా వారి అభిప్రాయాలకు అనుగుణంగా పార్టీ విధానాన్ని రూపొందించడంపై జనసేన దృష్టిసారించింది. అందరి అభిప్రాయాలను పరిగణనలోకి తీసుకుని ఏకాభిప్రాయంతో ముందుకు సాగేందుకు కొద్ది మంది నిపుణులతో ఇప్పటికే పవన్‌కల్యాణ్ చర్చలు ప్రారంభించారు. అలాగే జాతీయ, అంతర్జాతీయ సమస్యలు, రైతాంగ సమస్యలు, కుల-మత సంబంధ అంశాలు, వివిధ సంక్షేమ పథకాలు, అంతర్జాతీయంగా వివిధ దేశాలతో మైత్రీబంధం వంటి అంశాలపై కూడా ఈ చర్చలు కొనసాగుతున్నాయి. ఇంత వరకూ ప్రభుత్వాలు చేసిన పొరపాట్లు, భవిష్యత్‌లో వాటిని సరిదిద్దడం వంటి అంశాలపై కూడా పవన్ దృష్టిసారించారు. మరో పక్క స్థానిక సమస్యలను గుర్తించడం, ప్రజల సహకారంతో పరిష్కరించడం, లేకుంటే వాటి పరిష్కారానికి అనుసరించాల్సిన వ్యూహంపై కూడా ఆయన చర్చిస్తున్నారు. ఎన్నికలు సమయం ఆసన్నం కావడంతో ప్రజల వద్దకు పార్టీ విధానాలతో చేరువయ్యే మార్గాలపై కూడా ఆయన అభిప్రాయ సేకరణ చేస్తున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.