రాష్ట్రీయం
రొట్టెల పండుగకు జనసందోహం
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, అక్టోబర్ 4: నెల్లూరు బారాషహీద్ దర్గాలో జరుగుతున్న రొట్టెల పండగకు బుధవారం లక్షల సంఖ్యలో భక్తులు హాజరయ్యారు. ఈనెల ఒకటి నుండి ప్రారంభమైన ఈ గంధ మహోత్సవానికి ఇప్పటిదాకా సుమారు ఎనిమిది లక్షల మంది వరకూ భక్తులు హాజరై ఉంటారని అధికారులు అంచనా వేస్తున్నారు. నాల్గవ రోజైన బుధవారం రాష్ట్రానికి చెందిన పలువురు మంత్రులు ఈ పండుగకు హాజరై ప్రత్యేక ప్రార్ధనల్లో పాల్గొన్నారు. సినీ నటుడు అలీ కూడా ఈ పండగకు హాజరయ్యారు. రాష్ట్ర మంత్రి అమర్‌నాథ్‌రెడ్డి కార్యక్రమానికి హాజరై రాష్ట్ర పారిశ్రామికాభివృద్ధి కాంక్షిస్తూ రొట్టెను స్వీకరించారు. అలాగే మంత్రులు సోమిరెడ్డి చంద్రమోహన్‌రెడ్డి, పొంగూరు నారాయణ కుటుంబ సమేతంగా హాజరై రొట్టెలు అందుకున్నారు. స్థానిక ఎంపి మేకపాటి రాజమోహన్‌రెడ్డి రాష్ట్ర సుభిక్షంగా ఉండాలని కోరుకుంటూ రొట్టెను స్వీకరించగా, కావలి ఎమ్మెల్యే రామిరెడ్డి ప్రతాప్‌కుమార్‌రెడ్డి మద్యనిషేధం కోరుతూ ఓ యాత్రికురాలి నుండి రొట్టెను స్వీకరించడం విశేషం. శ్రీకాకుళం ఎంపి కింజారపు రామ్మోహన్‌నాయుడు, నెల్లూరు జడ్పీ చైర్మన్ బొమ్మిరెడ్డి రాఘవేంద్రరెడ్డి జిల్లాకు చెందిన పలువురు ఎమ్మెల్యేలు దర్గాను సందర్శించి ప్రత్యేక ప్రార్ధనల్లో పాల్గొన్నారు. ప్రముఖ సినీ నటుడు అలీ దర్గాను సందర్శించి ప్రార్ధనల్లో పాల్గొన్నారు. గంధ మహోత్సవం గురువారంతో ముగియనుండడంతో బుధవారం ఉదయం నుండే నెల్లూరుకు ఇతర ప్రాంతాల నుండి యాత్రికుల రాక ఎక్కువైంది. బుధవారం ఒక్కరోజే సుమారు 2 లక్షల మంది భక్తులు హాజరయ్యారు. గురువారం మరో 2 లక్షల మంది హాజరవుతారని అధికారులు అంచనా వేస్తున్నారు. భక్తుల తాకిడి అధికమవుతుందనే అంచనాల నేపథ్యంలో అధికారులు పూర్తి స్థాయి ఏర్పాట్లు చేశారు. ఉపరాష్టప్రతి ఎం.వెంకయ్యనాయుడు బుధవారం నెల్లూరుకు రావడంతో ఓ వైపు రొట్టెల పండగ తాకిడి, మరోవైపు వి ఐపిల రాకతో పోలీసులు భారీ బందోబస్తు ఏర్పాటు చేశారు. ఉపరాష్టప్రతి పాల్గొనే కార్యక్రమం ఏర్పాటు చేసిన సభాస్థలి దర్గాకు సమీపంలో ఉండడంతో యాత్రికులను వేరే మార్గం ద్వారా దర్గా వద్దకు పోలీసులు పంపే ఏర్పాట్లు చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.