రాష్ట్రీయం
మార్చినాటికి 5లక్షల ఇళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, అక్టోబర్ 5: రాష్ట్రంలో వచ్చే మార్చి నాటికి ఎన్టీఆర్ రూరల్ హౌసింగ్ పథకం కింద 5లక్షల ఇళ్ల నిర్మాణాలను పూర్తిచేయాలని ప్రభుత్వ ప్రధాన కార్యదర్శి దినేష్‌కుమార్.. గృహ నిర్మాణ శాఖ అధికారులను ఆదేశించారు. గురువారం వెలగపూడి సచివాలయంలో ఎన్టీఆర్ గ్రామీణ గృహ నిర్మాణంపై ఆయన సమీక్షించారు. ఈ సందర్భంగా ప్రధాన కార్యదర్శి (సిఎస్) మాట్లాడుతూ నిర్దేశిత లక్ష్యాలకు అనుగుణంగా గృహ నిర్మాణాలను సకాలంలో పూర్తి చేసేందుకు చర్యలు తీసుకోవాలన్నారు. ఈ విషయంలో నిర్లక్ష్యం, అలసత్వం వహిస్తే ఎంతమాత్రం సహించేది లేదని ఆయన స్పష్టం చేశారు. మార్చిలోగా 5లక్షల ఇళ్ల నిర్మాణాలను పూర్తిచేయాలన్నారు. కొన్ని జిల్లాల్లో లక్ష్యాలకు
అనుగుణంగా ఇళ్ల నిర్మాణం పూర్తికాకపోవడంపై సిఎస్ ఒకింత అసహనం వ్యక్తం చేశారు. అనంతపురం జిల్లాలో అత్యధికంగా 6వేల 883 ఇళ్లు పూర్తికావాల్సి ఉండటంతో ఆ జిల్లా కలెక్టర్ వీరపాండ్యన్‌తో సిఎస్ దినేష్‌కుమార్ ఫోన్‌లో మాట్లాడి త్వరితగతిన వాటిని పూర్తిచేయాలని ఆదేశించారు. నిర్మాణం పూర్తయిన ఇళ్లన్నిటికీ జియో ట్యాగింగ్ పూర్తిచేసి గృహ నిర్మాణ లబ్ధిదారులకు 7 దశల్లో బిల్లులు చెల్లించే ప్రక్రియను పూర్తిచేయాలని ఆదేశించారు. లేబర్ కాంపొనెంట్ కింద కేంద్ర ప్రభుత్వం నుండి నేరుగా నిధులు వస్తున్నందున, ఉపాధి హామీ కింద గృహ నిర్మాణ పథకంలో లేబర్ కాంపొనెంట్ కింద చెల్లించాల్సిన సొమ్మును లబ్ధిదారులకు పనిచేసిన 15 రోజుల్లోగా చెల్లించాలన్నారు. ఈ విషయంలో జాప్యం చేస్తే ఎంతమాత్రం సహించేది లేదని స్పష్టం చేశారు. ఎన్టీఆర్ స్పెషల్ హౌసింగ్ (హుద్‌హుద్ సైక్లోన్) కింద విశాఖపట్నం, విజయనగరం, శ్రీకాకుళం జిల్లాల్లో 252 కోట్లతో మంజూరు చేసిన 9వేల 170 గృహాలను నవంబరు నెలాఖరులోగా పూర్తిచేయాలని సిఎస్ ఆదేశించారు. ఈ సమావేశంలో గృహ నిర్మాణ శాఖ చీఫ్ ఇంజనీర్ మల్లికార్జునరావు, ఆ శాఖ జిఎంలు భాస్కర్, సాయినాధ్, ఇఇలు, తదితరులు పాల్గొన్నారు.
చిత్రం..అధికారులతో సమీక్షిస్తున్న ప్రధాన కార్యదర్శి దినేష్‌కుమార్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.