రాష్ట్రీయం
సింగరేణి ఎన్నికల్లో గుబాళించిన ‘గులాబీ’
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 5: రాష్ట్రంలో అతి పెద్ద ప్రభుత్వరంగ సంస్థ సింగరేణి కాలరీస్‌లో గుర్తింపు కార్మిక సంఘం కోసం గురువారం జరిగిన ఎన్నికల్లో అధికార టిఆర్‌ఎస్ అనుబంధ కార్మిక సంఘం తెలంగాణ బొగ్గుగని కార్మిక సంఘం విజయ బావుటా ఎగురవేసింది. ఉత్తర తెలంగాణలోని ఆరు జిల్లాలు, 12 శాసన నియోజక వర్గాల పరిధిలో విస్తరించిన సింగరేణికి చెందిన 52,534 మంది కార్మికులు పాల్గొనే ఈ ఎన్నికలు టిఆర్‌ఎస్ ప్రభుత్వ పనితీరుకు రెఫరాండంగా, భవిష్యత్ రాష్ట్ర రాజకీయాలకు ధికుస్సూచిగా పాలక, ప్రతిపక్ష పార్టీలు భావించాయి. పైగా టిఆర్‌ఎస్ అనుబంధ కార్మిక సంఘానికి ముఖ్యమంత్రి కూతురు, నిజామాబాద్ ఎంపి కవిత స్వయంగా గౌరవాధ్యక్షురాలిగా ఉండటంతో ఈ ఎన్నికలను ముఖ్యమంత్రి కెసిఆర్ ప్రతిష్టాకరంగా తీసుకున్నారు. టిఆర్‌ఎస్ అనుబంధ కార్మిక సంఘంతో తలపడటానికి విపక్షాలన్నీ ఏకమై కూటమి కట్టినా గులాభి ప్రభంజనాన్ని అడ్డుకోలేకపోయాయి. సిపిఐ అనుబంధ
కార్మిక సంఘం ఎఐటియుసి, కాంగ్రెస్ అనుబంధ కార్మిక సంఘం ఐఎన్‌టియుసి, టిడిపి కార్మిక సంఘం టిఎన్‌టియుసి మూడు సంఘాలు కూటమిగా ఏర్పడి ఎన్నికల్లో తలపడినా అధికార కార్మిక సంఘాన్ని ఎదుర్కొలేకపోవడం గమనర్హం. ఈ ఎన్నికల్లో మొత్తం 16 కార్మిక సంఘాలు బరిలో నిలిచినప్పటికీ ప్రధాన పోటీ ప్రస్తుత గుర్తింపుకార్మిక సంఘం టిబిజికెఎస్‌కు (టిఆర్‌ఎస్ అనుబంధం), ఎఐటియుసి నేతృత్వంలోని కూటమికి మధ్యననే ప్రధాన పోటీ జరిగింది. డిపెండెంట్ ఉద్యోగాల నియామకాలకు కోర్టు బ్రేక్ వేయడంతో దీనినే ప్రధాన ఎన్నికల అస్త్రంగా టిబిజికెఎస్ వ్యతిరేక ఎఐటియుసి కూటమి ఎంచుకుంది. కోర్టు బ్రేక్ వేసినా డిపెండెంట్‌లకు కారుణ్య నియామకాల రూపంలో ఉద్యోగాలు ఇస్తామని ముఖ్యమంత్రి కెసిఆర్ హామీ ఇచ్చారు. ఈ ప్రధాన హామీతో పాటు సింగరేణి కార్మికులకు ముఖ్యమంత్రి ప్రకటించిన వరాలు విపక్ష కార్మిక సంఘాల కూటమిని కంగుతినిపించింది. ఏ హామీ నెరవేర్చాలన్నా అది ఒక అధికారంలో ఉన్న ప్రభుత్వానికే సాధ్యమవుతుందన్న వాస్తవిక పరిస్థితికి కార్మికులు మొగ్గు చూపడంతో ప్రతిష్టాకర సింగరేణి ఎన్నికలు టిఆర్‌ఎస్ విజయం నల్లేరు మీద నడకగా మారి విజయ దుందుభి మోగించింది. కొత్తగూడెం కార్పొరేట్, సింగరేణి కార్యాలయం (హైదరాబాద్), ఇల్లందు, మణుగూరు, భద్రాద్రి కొత్తగూడెం, బెల్లంపల్లి, శ్రీరాంపూర్‌లలో టిబిజికెఎస్ విజయం సాధించగా, భూపాలపల్లిలో మాత్రమే ఎఐటియుసి ఆధిక్యతను సాధించినట్టు రాత్రి పొద్దుపోయే వరకు అందిన సమాచారం. మొత్తం 11 డివిజన్లకుగాను 8 డివిజన్లలో టిబిజికెఎస్ స్పష్టమైన ఆధిక్యతను సాధించింది.
సింగరేణి ఎన్నికల ఫలితాలు ఇలా వున్నాయ
సంవత్సరం యూనియన్ మెజార్టీ
1998 ఏఐటియుసి 31,938
2001 ఏఐటియుసి 21,599
2003 ఐఎన్‌టియుసి 30,291
2007 ఏఐటియుసి 30,385
2012 టిబిజికెఎస్ 23,311
2017 టిబిజికెఎస్ గెలుపు
చిత్రం..కొత్తగూడెంలో తెలంగాణ బొగ్గు గని కార్మిక సంఘం (టిజిబికెఎస్) విజయోత్సవం
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.