రాష్ట్రీయం
షేక్‌లకు ‘పిడి’ షాక్!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 5: హైదరాబాద్ పాతబస్తీలో ఎట్టకేలకు కాంట్రాక్టు పెళ్లిళ్లకు బ్రేక్ పడింది. పాతబస్తీలోని చాంద్రాయణగుట్ట, బార్కస్, సలార్ తదితర ప్రాంతాల్లో రోజూ ఎక్కడో ఓ చోట కాంట్రాక్టు పెళ్లి జరిగేది. కాంట్రాక్టు పెళ్లిళ్లు కుదర్చుతున్న బ్రోకర్లు, పెళ్లిళ్లు నిర్వహిస్తున్న ఖాజీలు, వీరికి ఆశ్రయం కల్పిస్తున్న లాడ్జీల యజమానులు కొందరిపై పీడీ యాక్టు పెట్టడంతో పాతనగరం ఒక్కసారిగా ఉలికిపడింది. దీంతో ఏజెంట్లు, బ్రోకర్లు, అజ్ఞాతంలోకి వెళ్లినట్టు సమాచారం. గల్ఫ్ దేశాల నుంచి అరబ్బులను హైదరాబాద్‌కు రావద్దంటూ ఏజెంట్లు ఒమన్, సౌదీ అరేబియా, దుబాయి, కువైట్ దేశాల
అరబ్బులకు సమాచారం ఇచ్చినట్టు తెలిసింది. అదేవిధంగా సౌత్‌జోన్ పోలీసులు పలువురు ఖాజీలతోపాటు బ్రోకర్లపై రౌడీషీట్ తెరవడం పాతబస్తీలో సంచలనంగా మారింది. కాంట్రాక్టు పెళ్లిళ్లను పూర్తిస్థాయిలో అదుపు చేసేందుకు రాజకీయ పార్టీలకు అతీతంగా అందరూ ఏకతాటిపైకి రావడంతో పోలీసులు ప్రత్యేక శ్రద్ధ వహిస్తున్నారు. అరబ్బులకు ఆశ్రయం కల్పిస్తున్న లాడ్జీలు, ప్రైవేట్ గెస్ట్‌హౌస్‌ల యజమానులను పోలీసు ఉన్నతాధికారులు గట్టిగా హెచ్చరించడంతో అక్రమ పెళ్ళిళ్లకు సహకరించమని, లాడ్జీలు అద్దెకు ఇవ్వమని యజమానులు స్పష్టం చేశారు. కాగా ఇటీవల అక్రమ పెళ్లిళ్లకు సహకరించిన ముగ్గురు మహిళా ఏజెంట్లపై పీడీ యాక్టు ప్రయోగించడంతో మిగతా వారిలో గుబులు మొదలైంది. పోలీస్ జాబితాలో నగరవ్యాప్తంగా 35 మంది ఏజెంట్లు అజ్ఞాతంలోకి వెళ్లినట్టు సమాచారం. పోలీసులు ప్రత్యేక బృందాలుగా ఏర్పడి వారి కోసం గాలింపు చర్యలు చేపట్టారు. పాతబస్తీ, నగరశివారుల్లో నిఘా పెంచారు.
..పేదరికమే కారణమా?
హైదరాబాద్ పాతబస్తీ కేంద్రంగా ఏళ్లతరబడి కాంట్రాక్టు పెళ్లిళ్లు సాగుతున్నాయి. అరబ్బు షేకులకు మైనార్టీ తీరని అమ్మాయిలను అంటగట్టడం పేరికమా? ఏజెంట్ల ప్రోద్భలమా? అనే మీమాంస పాతబస్తీవాసులను వెంటాడుతోంది. అయితే పేదరికం నుంచి బయటపడాలనే ఆలోచనతో అధికశాతం ఆడపిల్లల తల్లిదండ్రులే ఈ పెళ్లిళ్లకు అంగీకరిస్తున్నారని బ్రోకర్లు చెబుతున్నారు. ఏజెంట్లు, ఖాజీలకు ఇది లాభసాటిగా మారడంతో కాంట్రాక్టు పెళ్ళిళ్లు యదేఛ్ఛగా జరుగుతున్నాయని కొందరు ఆవేదన వెలిబుచ్చుతున్నారు. కాగా గత నెల 20,26 తేదీల్లో కాంట్రాక్టు పెళ్లిళ్లకు సహాయపడుతున్న ఏజెంట్లు, అరబ్‌షేక్‌లతో సహా ముంబయి చీఫ్ ఖాజీ ఫరీద్ అహ్మద్ ఖాన్, పాతబస్తీ ఖాజీ అబ్దుల్లా రిఫాయి అలియాస్ ఓల్టా ఖాజీలను సౌత్ జోన్ పోలీసులు అరెస్టు చేసి రిమాండ్‌కు తరలించిన విషయం విధితమే. కాంట్రాక్టు పెళ్ళిళ్ల విషయమై మరింత సమాచారం రాబట్టేందుకు పోలీసులు తమ కస్టడీకి తీసుకున్న పలువురు ఏజెంట్లు, ఖాజీలను విచారించగా..తాము బాలికల తల్లిదండ్రుల అనుమతితోనే పెళ్లిళ్లు నిర్వహిస్తున్నట్టు తెలిపారు. అరబ్బు షేకులు ఇచ్చే డబ్బుతో పేద కుటుంబాలు బాగుపడతాయనే ఉద్దేశంతోనే తాము కాంట్రాక్టు పెళ్ళిళ్లకు సహకరిస్తున్నామని ఓ ఖాజీ పోలీసులకు వివరించినట్టు తెలిసింది. ఇదిలావుండగా ముంబయి చీఫ్ ఖాజీ ఏటా వెయ్యికి పైగా వివాహాలు జరిపించినట్టు పోలీసులు గుర్తించారు. వీటిలో నాలుగు నుంచి ఐదు వందల వివాహాలు కాంట్రాక్టు పెళ్లిళ్లేనని పోలీసులు అనుమానిస్తున్నారు. ముంబయిలోని అతడి కార్యాలయంలో రికార్డులు స్వాధీనం చేసుకునేందుకు పోలీసులు యత్నిస్తున్నారు. ఏదీఏమైనా పాతబస్తీలో జరుగుతున్న కాంట్రాక్టు పెళ్ళిళ్లకు పూర్తి స్థాయిలో బ్రేక్ వేసేందుకు కృషి సల్పుతున్న సౌత్ జోన్ పోలీసుల కృషిని పలువురు ప్రశంసిస్తున్నారు. బాల్యవివాహాలను రూపుమాపాల్సిందేనని కోరుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.