రాష్ట్రీయం
పగబట్టిన వరుణుడు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 14: హైదరాబాద్‌ను వర్షాలు ముంచెత్తుతున్నాయి. గత 15 రోజులుగా దాదాపు నగరం యావత్తూ వానలతో బెంబేలెత్తిపోతోంది. ఈ సీజన్‌లో తెలంగాణలోని ఇతర జిల్లాలతో పోలిస్తే హైదరాబాద్‌లోనే వర్షాలు ఎక్కువగా కురిశాయి. తెలంగాణలో ఏ ప్రాంతంలో లేనివిధంగా ఇక్కడ వానలు కురుస్తున్నాయి. వానల వల్ల ప్రధాన రోడ్లలో, కూడళ్లలో నీళ్లు పెద్దమొత్తంలో నిలిచిపోయి, వాహనాల రాకపోకలకు ఇబ్బంది తప్పడం లేదు. జూబ్లిహిల్స్, బంజారాహిల్స్, కూకట్‌పల్లి, ఖైరతాబాద్, చాదర్‌ఘాట్, నాగోల్, ఉప్పల్, ఎల్‌బి నగర్ తదితర ప్రాంతాల్లో వాహనాల స్తంభన రొటీన్ అయపోయంది. ఈ ప్రాంతాల్లో ఒక కిలోమీటర్ దూరం వెళ్లేందుకు అరగంట నుండి రెండు గంటల సమయం పడుతోంది. మూసీలో సాధారణ సమయం కంటే వరద ఎక్కువగా ఉంటోంది. నగరంలోని వివిధ ప్రాంతాల నుండి మూసిలో కలిసే చిన్న చిన్న వాగులు కూడా పొంగిపొర్లుతున్నాయి.
అక్టోబర్ ఒకటి నుండి ఇప్పటి వరకు హైదరాబాద్‌లో 51 మీల్లీమీటర్ల వర్షపాతం నమోదుకావలసి ఉండగా, 228 మిల్లీమీటర్లు కురిసింది. రాష్ట్రంలో ఏ ఇతర ప్రాంతంలో కూడా ఇంత వర్షం నమోదు కాలేదు. కరీంనగర్‌లో 46 మీల్లీమీటర్లు నమోదు కావలసి ఉండగా, 113 మిల్లీమీటర్ల వర్షపాతం నమోదైంది. ఖమ్మం మినహాయించి మిగతా అన్ని జిల్లాల్లో కూడా సాధారణం కన్నా అధిక వర్షపాతం నమోదైంది. హైదరాబాద్ కాంక్రీట్ మయం కావడంతో వేడి ఎక్కువగా ఉంటోంది. పగటివేళ సూర్యరశ్మికి సిమెంట్ భవనాలు, సిమెంట్‌రోడ్లు వేడెక్కి, వాతావరణం వేడిగా మారుతోంది. ఈ వేడి సాయంత్రానికి మేఘాల్లోకి చేరి వర్షం కురుస్తోంది. క్యుములోనింబస్ మేఘాలు ఎక్కువగా ఏర్పడటంతో హైదరాబాద్‌పై వర్షం ఎక్కువగా ఉంటోందని వాతావరణ శాఖ అధికారులు తెలిపారు.
వచ్చే 24 గంటల్లో ఉరుములు, మెరుపులో కూడిన వర్షాలు కురిసే అవకాశం ఉందని ఐఎండి హైదరాబాద్ కేంద్రం డైరెక్టర్ వైకె రెడ్డి తెలిపారు. ఇలాఉండగా బంగాళాఖాతంలో వచ్చే రెండురోజుల్లో అల్పపీడన ద్రోణి ఏర్పడే అవకాశం ఉందని ఐఎండి హెచ్చరించింది. తర్వాత ఇది వాయుగుండంగా మారవచ్చని వెల్లడించారు. దాంతో దీపావళి తర్వాత మళ్లీ తెలంగాణ, ఏపీలో భారీ వర్షాలు తప్పవని వాతావరణ శాఖ అధికారులు చెబుతున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.