రాష్ట్రీయం
పాలమూరుకు దీపావళి కానుక
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 14: పాలమూరు జిల్లాకు మరీ ముఖ్యంగా కల్వకుర్తి అసెంబ్లీ నియోజకవర్గానికి దీపావళి పండగ నాలుగు రోజుల ముందే వస్తోంది. 30 ఏళ్ల నుండి కల్వకుర్తి ఎత్తిపోతల పథకం పేరు పేపర్లలలో వస్తోందే తప్ప, నీళ్లు మాత్రం కల్వకుర్తికి రాలేదు. ముఖ్యమంత్రి కెసిఆర్ తీసుకున్న చొరవ, నీటిపారుదల మంత్రి టి. హరీష్‌రావు కృషితో కృష్ణా జలాలు కల్వకుర్తి ఎత్తిపోతల పథకం ద్వారా అసెంబ్లీ నియోజకవర్గానికి వస్తున్నాయి. కల్వకుర్తి ఎత్తిపోతల పథకం ప్రారంభం నుంచి 122 కిలోమీటర్ల వద్ద కల్వకుర్తి అసెంబ్లీ సెగ్మెంట్ ప్రారంభమవుతుంది. సరిగ్గా ఇదే స్థలంలో ఆదివారం హరీశ్‌రావు కృష్ణానీటిని కల్వకుర్తికి విడుదల చేస్తున్నారు. అందుకే ఆదివారం కల్వకుర్తి ప్రజలకు సువర్ణాక్షరాలతో లిఖించదగ్గరోజుగా మిగిలిపోతోంది. కల్వకుర్తి నియోజకవర్గంలో సాగునీరు ఇచ్చేందుకు ఇప్పటి వరకు అడ్డంకిగా ఉన్న ఆవంచ అక్విడక్ట్ పనులు పూర్తి కావడంతో కల్వకుర్తి నియోజకవర్గంలోని నాగిరెడ్డిపల్లి వరకు సాగునీరు ఇచ్చేందుకు వీలవుతోంది. తక్షణమే 30 వేల ఎకరాలకు సాగునీరు అందిస్తున్నారు. మిగిలిన మరికొన్ని కాలువ పనులుపూర్తవగానే ఇంకో 70 వేల ఎకరాలకు సాగునీరు అందుతుంది. గత ప్రభుత్వ హయాంలో ఈ ప్రాజెక్టు నిర్లక్ష్యానికి గురైంది. భూసేకరణ జరగకపోవడం, అటవీ అనుమతులు పొందకపోవడం, బిల్లుల చెల్లింపులు సకాలంలో చెల్లించకపోవడం, కేంద్ర జలసంఘం లేవనెత్తిన సాంకేతిక అంశాలపై సమాధానం ఇవ్వకపోవడం, ప్రాజెక్టుల డిజైన్లను సకాలంలో పూర్తి చేయకపోవడం తదితర కారణాలవల్ల పనులు ముందుకు సాగలేదు. గత మూడేళ్లలో 123 జిఓ కింద భూసేకరణ జరిగింది. గతంలో భూసేకరణకు ఎకరాకు 30 వేల రూపాయలు చెల్లించగా, ఇప్పుడు ఎకరాకు ఐదులక్షల రూపాయలు చెల్లిస్తున్నారు. గ్రీన్‌ఛానల్ రూపంలో నిధులు విడుదల చేశారు. హరీష్‌రావు చూపిన శ్రద్దతో ఆవంచ అక్విడక్ట్ పనులను మూడునెలలలోపే పూర్తి చేశారు. దాంతో కల్వకుర్తి నియోజకవర్గం పరిధిలోకి సాగునీటిని విడుదల చేసేందుకు వీలవుతోంది.
తెలంగాణ రాష్ట్రం ఏర్పాటు తర్వాత కల్వకుర్తి ఎత్తిపోతల పథకం నీటి కేటాయింపు 25 టిఎంసిల నుండి 40 టిఎంసిలకు పెంచారు. ఇందుకోసం 2016 లోనే జీఓ జారీ చేశారు. దాంతో కాలువ చివరలో డి-82 ద్వారా మరో 38 వేల ఎకరాలకు సాగునీరు అందేందుకు వీలవుతోంది. ప్యాకేజీ 29 కింద టెయిల్‌ఎండ్ డిస్ట్రిబ్యూటరీ తవ్వకం పూర్తయితే మొత్తం నాలుగు లక్షల ఎకరాలకు సాగు నీరు అందుతుంది. అంటే మొత్తం ఈ ఎత్తిపోతల ద్వారా 4 లక్షల ఎకరాలకు సాగునీరు అందించేందుకు ఏర్పాట్లు చేశారు.
కల్వకుర్తి ఎత్తిపోతలకు 2014 జూన్ వరకు కాంగ్రెస్ హయాంలో 2716 కోట్ల రూపాయలు ఖర్చు చేయగా, గత మూడేళ్లలో టిఆర్‌ఎస్ హయాంలో 1121 కోట్ల రూపాయలు ఖర్చు చేశారు. 2017-18 బడ్జెట్‌లో 1000 కోట్ల రూపాయలు కేటాయించారు. 2017-18 రబీలో 2.50 లక్షల ఎకరాలకు సాగునీరు ఇవ్వాలని నిర్ణయించారు. 2018 ఖరీఫ్ వరకు మొత్తం నాలుగు లక్షల ఎకరాలకు సాగునీటిని ఇచ్చేందుకు ప్రణాళిక రూపొందించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.