రాష్ట్రీయం
కల్వకుర్తి ఒడిలో కృష్ణమ్మ పరుగులు
S ,7 à 8 RSCA (si SASPAS) et 6 cialis pharmacie cialis rapports de stage.
మహబూబ్‌నగర్, అక్టోబర్ 15: కల్వకుర్తి ప్రాంత రైతులకు మూడు రోజులు ముందుగానే దీపావళి పండుగ వచ్చిందని, దశాబ్దాల తరబడి ఎదురు చూస్తున్న కృష్ణాజలాలు తమ బీడువారి నెర్రలు బారిన పొలాల్లోకి కృష్ణమ్మ పరవళ్లు తొక్కడం అంటేనే అంతకన్నా పండుగ మరేముంటుందని ఇది రైతులకు దీపావళి ధమాకానేనని భారీ నీటిపారుదలశాఖ మంత్రి తన్నీరు హరీశ్ రావు అన్నారు. ఆదివారం నాగర్‌కర్నూల్ జిల్లా కల్వకుర్తి నియోజకవర్గం ఎలికట్టతండా సమీపంలో కల్వకుర్తి ఎత్తిపోతల పథకం నుండి వస్తున్న కృష్ణాజలాలకు మంత్రి జలపూజ చేసి నీటిని కల్వకుర్తి వైపు వదిలారు. అనంతరం కల్వకుర్తిలో ఏర్పాటు చేసిన బహిరంగ సభలో ఆయన ప్రసంగిస్తూ రైతులకు కృష్ణాజలాలను తీసుకువస్తుంటే కాంగ్రెస్ నాయకులకు మాత్రం అసూయ, అసహనంతో రగిలిపోతున్నారని అన్నారు. కల్వకుర్తి ప్రాజెక్టు ద్వారా రైతులకు సాగునీరు ఇస్తే తమ రాజకీయం ఏమైపోతుందోనని వారు అసహనం ప్రదర్శిస్తున్నారని ఎద్దేవా చేశారు. 1984లో కల్వకుర్తి ప్రాజెక్టుకు జిఓ వచ్చిందని కానీ పనలు మాత్రం చేయలేదని ఆరోపించారు. కెసిఆర్ ఉద్యమంలోకి దిగిన తరువాత పనులు ప్రారంభిస్తున్నట్లు శిలాఫలకాలు వేసి వదిలేశారని ఆరోపించారు. ఏనాడు కూడా కాంగ్రెస్, టిడిపి నాయకులకు రైతులకు సాగునీరు ఇవ్వాలనే ఆలోచనే లేదని విమర్శించారు. కల్వకుర్తి ప్రాజెక్టు ద్వారా
కల్వకుర్తి రైతాంగానికి ఈ ఏడాది 32 వేల ఎకరాలకు సాగునీరు ఇవ్వడానికి ఎంతో కష్టపడ్డామని తెలిపారు. కాంగ్రెస్ హయాంలో భీమా, నెట్టెంపాడు, కల్వకుర్తి, కోయిల్‌సాగర్ ప్రాజెక్టు పనులు కేవలం 50 శాతం మాత్రమే చేశారని ఆ పనులు కూడా సగం సగం చేసి వదిలేశారని ఆగ్రహం వ్యక్తం చేశారు. పోతిరెడ్డిపాడు నుండి కృష్ణాజలాలను అక్రమంగా దాదాపు 55 వేల క్యూసెక్కుల నీటిని తరలించుకుపోతుంటే చేతులు కట్టుకుని కూర్చున్న కాంగ్రెస్ నాయకులు తమ చిత్తశుద్ధిని శంకిస్తారా అంటూ మండిపడ్డారు. కల్వకుర్తి ప్రాజెక్టును పూర్తి చేయడానికి మరో రూ.1000 కోట్లు బడ్జెట్‌లో కేటాయించామని తెలిపారు. పాలమూరు ప్రాజెక్టుతో పాటు ఉమ్మడి మహబూబ్‌నగర్ జిల్లాలోని ఆన్‌గోయింగ్ ప్రాజెక్టుల ద్వారా దాదాపు 20 లక్షల ఎకరాలకు సాగునీరు అందించి తీరుతామని ఆయన స్పష్టం చేశారు. కృష్ణా జలాలతో రైతుల కాళ్లు కడగాలనే లక్ష్యంతో తెలంగాణ ప్రభుత్వం ముందుకెళ్త్తోందని, ఆ దిశగా తామంతా పని చేస్తున్నామని చెప్పారు. సభలో మంత్రులు జూపల్లి కృష్ణారావు, లక్ష్మారెడ్డి, ప్రణాళికా సంఘం వైస్ చైర్మన్ నిరంజన్‌రెడ్డి, ఎమ్మెల్సీ కసిరెడ్డి నారాయణరెడ్డి, ఎమ్మెల్యేలు మర్రి జనార్దన్‌రెడ్డి, శ్రీనివాస్‌గౌడ్, గువ్వల బాల్‌రాజ్, ఆల వెంకటేశ్వర్‌రెడ్డి తదితరులు పాల్గొన్నారు.
చిత్రం..కల్వకుర్తి సమీపంలోని ఎల్లికట్టతండా దగ్గర కృష్ణా నీటిని విడుదల చేసి
జల పూజ చేస్తున్న మంత్రి హరీశ్‌రావు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.