రాష్ట్రీయం
దిక్కుచూపిన కోకపేట!
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 15: హైదరాబాద్ నగరంలో అత్యంత ఖరీదైన కోకపేట భూములపై యాజమాన్య హక్కులు ప్రభుత్వానివేనని సుప్రీంకోర్టు ఇటీవల తేల్చిచెప్పడంతో ఖజానాకు కాసుల వర్షం కురవబోతుంది. గతంలో వేలం వేసిన భూములతో పాటు, ఇంకా వేలం వేయని భూముల విలువ దాదాపు రూ.14 వేల నుంచి 15 వేల కోట్లు ఉంటుందని అంచన. హైదరాబాద్‌ను విశ్వనగరంగా తీర్చిదిద్దడానికి చేపట్టే వౌలిక సదుపాయాలకు సుమారు రూ.30 వేల కోట్లు ఖర్చు అవుతుందని అంచన వేయగా, ఇందులో సగానికి సగం నిధులు కోకపేట భూములను తాజాగా వేలం వేస్తే సమకూరుతుందని ప్రభుత్వం లెక్కలు వేస్తోంది. వాస్తవానికి హైదరాబాద్‌ను విశ్వనగరంగా తీర్చిదిద్దే ప్రాజెక్టులకు అవసరమయ్యే నిధుల సేకరణ, రుణం ఇచ్చిన ఆర్థిక సంస్థలకు చెల్లించాల్సిన అసలు, వడ్డీ కలిపితే ప్రభుత్వానికి తలకుమించిన భారమే. అయితే తాజాగా కోకపేట భూములపై సుప్రీంకోర్టు ఇచ్చిన తీర్పుతో హైదరాబాద్ నగరంలో వౌలిక సదుపాయాలకు అయ్యే వ్యయంలో సగం నిధులు కోకపేట భూముల వేలంతోనే సమకూరే అవకాశం ఉండటంతో ఆ దిశగా ప్రభుత్వం సన్నాహాలు చేస్తోంది.
కాంగ్రెస్ హయాంలో 2006-07లో ఉమ్మడి రాష్ట్రంలో భూముల ధరలకు రెక్కలు వచ్చాయి. అదే బూమ్‌లో రంగారెడ్డి జిల్లా కోకపేటలో ప్రభుత్వానికి చెందిన 573 ఎకరాలను హైదరాబాద్ మెట్రో డవలప్‌మెంట్ అథారిటీకి (హెచ్‌ఎండిఎ), 50 ఎకరాలను ఇన్‌ఫర్మేషన్ టెకాల్నజీ సెజ్‌కు కేటాయించింది. హెచ్‌ఎండిఎకు కేటాయించిన భూములను వేలం వేయడం ద్వారా వచ్చే నిధులతో హైదరాబాద్ నగరంలో వౌలిక సదుపాయాల కల్పనకు వినియోగించుకోవాలని ప్రభుత్వం సూచించింది. ఈమేరకు హెచ్‌ఎండిఎ తనకు బదలాయించిన 573 ఎకరాలలో మొదటి విడతలో 166 ఎకరాలను వేర్వేరు స్లాట్స్‌గా చేసి వేలం వేయగా ఒక్కో ఎకరాకు కనిష్టంగా రూ. 8 కోట్ల నుంచి గరిష్టంగా 14.5 కోట్లు పలికింది. వేలంలో స్థలాలు దక్కించుకున్న 15 సంస్థలు మూడు నాలుగు వాయిదాల్లో గడువులోగా చెల్లించి వీటిని తమ పేరిట రిజిస్ట్రేషన్ చేయించుకునే విధంగా ఒప్పందాలు చేసుకున్నాయి. అయితే చెల్లించాల్సిన మొత్తం రూ.1760 కోట్లకుగాను కేవలం రూ.660 కోట్లు మాత్రమే చెల్లించాయి. ఇంతలో ప్రభుత్వం వేలం వేసిన భూమితో పాటు కోకపేట పరిసర ప్రాంతాలకు చెందిన 1635 ఎకరాలకు తాము యజమానులమని కెఎస్‌పి అలీ అనే వ్యక్తి కోర్టును ఆశ్రయించారు. తమకు చెందని భూమిని ప్రభుత్వం వేలం వేసిందని, అందువల్ల తాము చెల్లించిన డబ్బును వడ్డీ సహా తిరిగి చెల్లించేలా ఆదేశాలు ఇప్పించాలంటూ వేలంలో పాల్గొన్న సంస్థలు కూడా కోర్టును ఆశ్రయించాయి. హెచ్‌ఎండికి బదలాయించిన భూములకు యజమాని, హక్కులు ప్రభుత్వానికే ఉన్నాయని సుప్రీంకోర్టు ఇటీవల తీర్పు చెప్పింది. వేలంలో కొనుగోలు చేసిన సంస్థలు ఒప్పందం మేరకు గడువులోగా ప్రభుత్వానికి డబ్బులు చెల్లించకపోవడంతో, ఇప్పుడు వీటిని రద్దు చేయాలని ప్రభుత్వం
భావిస్తుంది. కోర్టు తీర్పు నేపథ్యంలో హెచ్‌ఎండిఎ, రెవిన్యూ, మున్సిపల్ అధికారులతో మున్సిపల్ మంత్రి కెటిఆర్ ఇటీవల సమావేశమై చర్చించారు. కోర్టు తీర్పు ప్రభుత్వానికి అనుకూలంగా రావడంతో గతంలో వేలం వేసిన భూములతో పాటు మిగిలిన 407 ఎకరాలను కూడా తాజాగా వేలం వేస్తే ఎకరాకు కనిష్టంగా రూ. 25 కోట్ల చొప్పున సుమారు రూ. 14 నుంచి 15 వేల కోట్ల వరకు ఆదాయం వస్తుందని అధికారులు అంచన వేసారు. ఈ మొత్తాన్ని హైదరాబాద్ నగరాన్ని విశ్వనగరంగా తీర్చిదిద్దడానికి చేపడుతున్న పనులకు వినియోగించుకొని మిగతా మొత్తాన్ని ఆర్థిక సంస్థల నుంచి రుణం తెచ్చుకోవాలని ప్రభుత్వం యోచిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.