రాష్ట్రీయం
గోదావరిలో మహానది
S ,7 à 8 RSCA (si SASPAS) et 6 cialis pharmacie cialis rapports de stage.
రాజమహేంద్రవరం, అక్టోబర్ 17: గోదావరి నదితో మహానదిని అనుసంధానం చేసే ప్రాజెక్టుకు రూపకల్పన జరుగుతోంది. ఇందుకు సంబంధించి కేంద్ర ప్రభుత్వం తాజా డిటైల్డ్ ప్రాజెక్టు రిపోర్టు (డిపిఆర్)పై కసరత్తుచేపట్టింది. గత ఏడాది ఇందుకు సంబంధించి డిపిఆర్ తయారుచేశారు. కేంద్ర ప్రభుత్వం నదుల అనుసంధానం ప్రాజెక్టులను వేగవంతం చేయడంతో డిపిఆర్‌కు రూపకల్పనకు రంగం సిద్ధమైంది. కొత్త డిపిఆర్‌లో కేవలం నిధుల అంచనా వ్యయం మాత్రమే మారుతుందని తెలుస్తోంది. కేంద్ర నదుల అనుసంధాన ప్రాజెక్టులో భాగంగా మహానది, గోదావరి, పెన్నా, కావేరి నదుల అనుసంధానం జరగనుంది. ఇందుకు సంబంధించి డిపిఆర్ కేంద్రం తయారుచేస్తోంది. గతంలో డిపిఆర్ తయారు చేసినప్పటికీ మరింత ఎక్కువ నీటిని గోదావరి నదిలోకి తీసుకొచ్చేందుకు అవసరమైన పరిశీలన చేస్తోంది. భువనేశ్వర్‌లోని జాతీయ జల వనరుల మండలి డిపిఆర్ అందిన వెంటనే నిర్మాణ పనులు చేపట్టనుంది. మహానది నుంచి 12,165 మిలియన్ క్యూబిక్ మీటర్ల నీటిని గోదావరి నదిలో కలపడం ఈ పథకం ప్రధాన ఉద్ధేశ్యం. ఈ పథకంవల్ల ఎపి, ఒడిస్సా రాష్ట్రాల్లో 3.50 లక్షల హెక్టార్ల భూమికి సాగునీరు అందిస్తారు. 366 మిలియన్ క్యూబిక్ మీటర్ల జలాలను తాగునీటి నిమిత్తం మళ్లిస్తారు. 436 క్యూబిక్ మీటర్లు పారిశ్రామిక అవసరాలకు వినియోగించుకోవచ్చు. మహానది నుంచి గోదావరి నదికి ఈ జలాలను కాల్వల ద్వారా చేర్చేందుకు 1073 మిలియన్ క్యూబిక్ మీటర్ల జలాలు సరఫరా నష్టం పోను నికరంగా గోదావరి నదిలోకి 6500 మిలియన్ క్యూబిక్ మీటర్ల జలాలు చేరతాయి. ఒడిస్సా రాష్ట్రంలోని మహానదిపై నిర్మించిన మణిభద్ర డ్యాం నుంచి గోదావరి నది వరకు మొత్తం 822 కిలో మీటర్ల మేర కాల్వల వ్యవస్థను నిర్మిస్తారు. ఒడిస్సా రాష్ట్రంలోని నయాగర్ ప్రాంతం నుంచి కాల్వల వ్యవస్థ మొదలై కుర్ధా, గంజాం, గజపతి జిల్లాల మీదుగా ఎపిలోకి ప్రవేశిస్తుంది. ఆంధ్రప్రదేశ్‌లో ప్రవేశించిన తర్వాత శ్రీకాకుళం, విజయనగరం, విశాఖ జిల్లాల మీదుగా తూర్పు గోదావరి జిల్లాలోకి ప్రవేశిస్తుంది. ధవళేశ్వరంలోని సర్ ఆర్ధర్ కాటన్ బ్యారేజికి ఎగువన 15 కిలోమీటర్ల వద్ద అంటే దాదాపు తొర్రేడు వద్ద మహానది జలాలు గోదావరిలో అనుసంధానం అవుతాయి. మణిభద్ర ప్రాజెక్టు వద్ద కాల్వల వ్యవస్థ మొదలయ్యే చోట 70 మెగావాట్ల పవర్‌హౌస్‌ను కూడా నిర్మిస్తారు. గత డిపిఆర్ ప్రకారం ఈ ప్రాజెక్టుకు రూ.18,000 కోట్లు ఖర్చవుతుందని అంచనావేశారు. జాతీయ జల వనరుల మండలి మహానది డిపిఆర్ కోసం ఎదురు చూస్తోంది. 822 కిలో మీటర్ల కాల్వల వ్యవస్థ కోసం సుమారు 22 వేల ఎకరాల భూమి అవసరం అవుతుంది. ఒడిస్సా రాష్ట్రంలో 340 కిలో మీటర్ల మేర కాల్వలు ఉంటాయి. మిగిలిన కాల్వలన్నీ వంశదార మీదుగా శ్రీకాకుళం, విజయనగరం జిల్లాల్లో ఉంటాయి. గోదావరి నుంచి ఈ నీటిని కృష్ణా, అక్కడ నుంచి నెల్లూరులోని పెన్నా నదికి, అక్కడ నుంచి సోమశిల ప్రాజెక్టు ద్వారా తమిళనాడు, కర్ణాటకలోని కావేరి నదికి అనుసంధానం చేస్తారు. మహానదితో గోదావరి అనుసంధానం వల్ల నదీ బేసిన్లన్నీ సమతుల్యత సాధిస్తాయి. ఒక బేసిన్ నుంచి మరో బేసిన్‌కు జలాలను సర్దుబాటు చేయడానికి అవకాశం ఉంటుంది. దీనివల్ల ఏ బేసిన్‌లో వర్షాభావ పరిస్థితులున్నప్పటికీ నీటిని సర్దుబాటు చేసుకుని, నికరంగా నీటిని పంపిణీ చేసుకునే వీలు లుగుతుంది. గోదావరి, మహానది, కృష్ణా, కావేరి, పెన్నా బేసిన్లలో నీటికి ఎటువంటి ఇబ్బంది తలెత్తదు. ఈ నదుల బేసిన్ల అనుసంధాన ప్రక్రియ వల్ల విశేషమైన అభివృద్ధికి అవకాశముంటుందని జాతీయ వాటర్ డవలప్‌మెంట్ ఏజెన్సీ (ఎన్‌డబ్ల్యుడిఎ) అధ్యయనం చేసింది. ఈ అధ్యయనం ఆధారంగానే నదుల అనుసంధానం నిర్ణయాన్ని చేపట్టారు. ఎన్‌డబ్ల్యుడిఎ వార్షికంగా 12,200 మిలియన్ క్యూబిక్ మీటర్ల జలాలను గోదావరి నదికి అనుసంధానం చేయొచ్చని అంచనావేసింది. నదుల అనుసంధానంవల్ల ఆయా ప్రాంతాల్లో 85శాతం కొత్త ఆయకట్టును సృష్టించవచ్చని అంచనావేశారు. ట్రాపెజొడాల్ రూపంలో (సన్నగా మొదలై వెడల్పుగా సాగే) మహానది నుంచి గోదావరి నదికి కాల్వను నిర్మిస్తారు. ఏదేమైనప్పటికీ మహానది గోదావరి నదీ అనుసంధాన కొత్త డిపిఆర్ డిసెంబర్‌కల్లా పూర్తి కానుందని తెలుస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.