రాష్ట్రీయం
3న కృష్ణా లెక్కలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 28: ఆంధ్ర, తెలంగాణకు ప్రాణాధారమైన శ్రీశైలం, నాగార్జునసాగర్ జలాశయాల్లో మొత్తం 530 టిఎంసి సామర్థ్యానికి 475 టిఎంసి నీటి లభ్యత ఉండడంతో ఈ ఏడాది నీటి వినియోగంపై కృష్ణాబోర్డు కసరత్తు ప్రారంభించింది. నవంబర్ 3 శనివారం ఇక్కడ కృష్ణా బోర్డు సమావేశమై నీటి కేటాయింపులను ఖరారు చేయనుంది. ఈ విషయాన్ని బోర్డు కార్యదర్శి పరమేశన్ రెండు రాష్ట్రాలకు తెలియచేశారు. నీటి లభ్యత సంతృప్తికరంగా ఉండటం, రబీ పంటకు తగినన్ని నీటి విడుదల చేస్తారనే నమ్మకంతో రెండు రాష్ట్రాల్లో రైతుల ఆశలు చిగురించాయి. తమ రాష్ట్రాల పరిధిలో ఆయకట్టుకు నీటి విడుదల కోసం ఆంధ్ర, తెలంగాణ తాజాగా ఇండెంట్‌ను పంపించాయి. ఈ సమావేశంలో 2017-18 అంటే వచ్చే ఏడాది జూన్, జూలై వరకు ప్రస్తుత నీటి లభ్యత, మంచినీరు, సాగునీటి అవసరాలు, విద్యుదుత్పత్తి, ఆవిరి నష్టం తదితర అంశాలను పరిగణనలోకి తీసుకుని కేటాయింపులు చేస్తారు. కాగా తెలంగాణ ప్రభుత్వం తమకు 150 టిఎంసి వరకు నీటి కేటాయింపులు జరపాలని తాజాగా కోరినట్లు తెలిసింది. గతంలో 138.5 టిఎంసి నీటిని కోరుతూ లేఖ రాసింది. పట్టిసీమ నుంచి కృష్ణాబేసిన్‌కు గోదావరి నీటిని మళ్లించడం వల్ల నాగార్జునసాగర్‌లో అదనంగా 45 టిఎంసి వాడుకోవడానికి అనుమతించాలని తెలంగాణ ప్రభుత్వం ఈ సారి కృష్ణాబోర్డును గట్టిగా కోరనుంది. ఎలిమినేటి మాధవరెడ్డి ప్రాజెక్టు ద్వారా శ్రీశైలం ఎడమ గట్టు కాల్వ (ఎస్‌ఎల్‌బిసి)కి 30 టిఎంసి నీటిని కేటాయించాలని, 115.3 టిఎంసి మంచినీటి, సేద్యం నీటి అవసరాలకు కేటాయించాలని కోరింది. ఇందులోనే
నాగార్జునసాగర్ ఎడమ కాల్వ జోన్-1కు 34.5 టిఎంసి, జోన్-2కు 20 టిఎంసి, 14 టిఎంసి హైదరాబాద్ మంచి నీటి అవసరాలు, 15 టిఎంసి మిషన్ భగీరథ, 25 టిఎంసి కల్వకుర్తి స్కీం కింద మంచినీటి, సాగునీటి అవసరాలకు కేటాయించాలని తెలంగాణ ప్రభుత్వం కోరింది.
కాగా రెండు జలాశయాలు నిండినందు వల్ల తమ రాష్ట్రానికి 270 టిఎంసి నీటిని కేటాయించాలని ఆంధ్ర ప్రభుత్వం కృష్ణా బోర్డుకు లేఖ రాసింది. పోతిరెడ్డి పాడుకు 84 టిఎంసి, హంద్రీనీవా మచ్చుమర్రికి 25 టిఎంసి, నాగార్జునసాగర్ కుడికాల్వకు 96 టిఎంసి, ఆంధ్ర పరిధిలో ఉన్న ఎడమ కాల్వకు 27 టిఎంసి, కృష్ణా డెల్టాకు 38 టిఎంసి నీటిని కేటాయించాలని కోరారు. రెండు రాష్ట్రాల మధ్య నీటి వివాదాలు తలెత్తకుండా ఉమ్మడి ప్రాజెక్టులైన శ్రీశైలం, నాగార్జునసాగర్ ప్రాజెక్టుల నిర్వహణను బోర్డు స్వీకరించాలని, ఇక్కడ పనిచేస్తున్న ఉద్యోగులను బోర్డు పరిధిలోకి తేవాలని ఏపీ కోరింది. మంచినీటి, సాగునీటి అవసరాల తర్వాత విద్యుత్ అవసరాలను గుర్తించాలని కోరింది. విద్యుదుత్పత్తి చేస్తే వాటి ద్వారా ఏమేరకు నీటిని విడుదల చేయాలి, ఇందులో ఏ రాష్ట్రం వాటా ఎంతో ఖరారు చేయాలని కూడా ఆంధ్ర ప్రభుత్వం కృష్ణాబోర్డును కోరింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.