రాష్ట్రీయం
తెలుగుదనం ఉట్టిపడేలా..
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 28: ప్రపంచ తెలుగు మహాసభలను ఘనంగా నిర్వహించాలని, అంతర్జాతీయంగా తెలంగాణ ఖ్యాతి వెల్లివిరిసేలా చూడాలని ప్రభుత్వ సలహాదారు (సాంస్కృతిక వ్యవహారాలు) కెవి రమణాచారి పేర్కొన్నారు. ప్రపంచ తెలుగు మహాసభల నిర్వహణపై సచివాలయంలో శనివారం ఉన్నతస్థాయి సమావేశం నిర్వహించారు. తెలంగాణ ఆవిర్భావం తర్వాత మొట్టమొదటిసారి నిర్వహిస్తున్న ప్రపంచ తెలుగు మహాసభలు ‘నభూతో నభవిష్యతి’ అన్న చందంగా నిర్వహంచాలని సిఎం కెసిఆర్ నిర్ణయించారన్నారు. సిఎం ఆశయాలమేరకు ఘనంగా సమావేశాలను నిర్వహించేందుకు ఏర్పాట్లు చేస్తున్నామన్నారు. ప్రపంచ తెలుగు మహాసభల వెబ్‌సైట్‌ను సిఎం ఇప్పటికే ప్రారంభించారని గుర్తుచేశారు. హైదరాబాద్‌లోని లాల్‌బహదూర్ స్టేడియంలో ప్రధాన ఉత్సవాలు జరుగుతాయని, మొత్తం ఏడు వేదికలను ఏర్పాటు చేయాలని నిర్ణయించామన్నారు. రాష్టవ్య్రాప్తంగా వ్యాపార, వాణిజ్య సముదాయాలకు తెలుగులో పేర్లు ఉండేలా కార్మిక శాఖ చర్యలు తీసుకోవాలని రమణాచారి సూచించారు. ప్రపంచ తెలుగు మహాసభలకు విస్తృతంగా ప్రచారం కల్పించాల్సిన అవసరం ఉందన్నారు. తెలుగు ప్రజలు ఎక్కువ సంఖ్యలో ఉన్న రాష్ట్రాలకు ‘కోర్ కమిటీ’ సభ్యులు వెళతారని,
ఆయా రాష్ట్రాల్లో తెలుగు ప్రజల ప్రతినిధులు, ముఖ్యులతో చర్చించాలని నిర్ణయించామన్నారు. ఎల్‌బి స్టేడియంలో నిర్వహించాల్సిన కార్యక్రమాలపై ఇప్పటికే నిర్ణయాలు తీసుకున్నామని గుర్తు చేశారు. రవీంద్రభారతిలో ప్రపంచ తెలుగుమహాసభల కార్యాలాన్ని ప్రారంభించామని, ఎవరైనా సూచనలు, సలహాలు ఇవ్వాలనుకుంటే ఈ కార్యాలంతో సంప్రదించవచ్చని రమణాచారి సూచించారు.
ప్రభుత్వ ప్రధాన కార్యదర్శి ఎస్‌పి సింగ్ ఈ సందర్భంగా మాట్లాడుతూ, ప్రపంచ తెలుగు మహాసభలకు హాజరయ్యే ప్రతినిధులకు ఎలాంటి ఇబ్బంది లేకుండా చూడాలని ఉన్నతాధికారులకు సూచించారు. ఈ సభల ఏర్పాట్లపై శాఖలవారీగా సమీక్ష నిర్వహించాలని ఆ యా శాఖల అధికారులను ఆదేశించారు. శాఖల వారీగా ప్రత్యేక ప్రణాళికలను రూపొందించి వెంటనే తనకు అందించాలని ఆదేశించారు. వివిధ దేశాల నుండి 500 మంది ప్రతినిధులు, వివిధ రాష్ట్రాల నుండి 1000 మంది ప్రతినిధులు హాజరవుతారని భావిస్తున్నామన్నారు. తెలంగాణకు చెందిన ఉపాధ్యాయులు, భాషా పండితులు, ఆచార్యులు, భాషాభిమానులు దాదాపు 5000 మంది హాజరవుతారన్నారు. నగరంలో స్వాగత తోరణాలను ఏర్పాటు చేయాలని సంబంధిత శాఖల అధికారులను సింగ్ ఆదేశించారు. రాష్ట్ర వ్యాప్తంగా విద్యా సంస్థల్లో వ్యాసరచన, వక్తృత్వ పోటీలు నిర్వహించి ఒక పండగ వాతావరణం నెలకొల్పాలన్నారు.
ఈ సమావేశంలో కోర్ కమిటీ సభ్యులు డాక్టర్ నందిని సిధారెడ్డి, దేశపతి శ్రీనివాస్, ప్రొఫెసర్ ఎస్‌వి సత్యనారాయణ, ఆయాచితం శ్రీధర్ వివిధ శాఖల ఉన్నతాధికారులు హాజరయ్యారు.
చిత్రం..ప్రపంచ తెలుగు మహాసభల నిర్వహణపై ఉన్నతస్థాయ సమీక్షలో సిఎస్ ఎస్‌పి సింగ్ తదితరులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.