రాష్ట్రీయం
ఉసురుతీసిన అప్పు
S ,7 à 8 RSCA (si SASPAS) et 6 cialis pharmacie cialis rapports de stage.
పెరవలి, అక్టోబర్ 30: అప్పుల బాధ తాళలేక ఇద్దరు పిల్లలు సహా భార్యాభర్తలు సామూహికంగా గోదావరిలో దూకి ఆత్మహత్యకు పాల్పడ్డారు. కుటుంబ సభ్యులు అదృశ్యమవ్వడం, నదివద్ద లభించిన వారి బైక్, చెప్పులు, ఆధార్ కార్డులు, ఆత్మహత్యకు పాల్పడుతున్నట్టు రాసిన లేఖ ఆధారంగా మాత్రమే వారు నదిలో దూకి ఆత్మహత్య చేసుకున్నారని భావిస్తున్నారు. పశ్చిమ గోదావరి జిల్లా పెరవలి మండలం కానూరుకు చెందిన చిరు వ్యాపారి బొబ్బిలి శివనాగరాజు (36), అతని భార్య నాగవరలక్ష్మి (30), కుమార్తెలు బాలమాణిక్య చంద్రిక (12), అమృతహాసిని (10) ఆదివారం రాత్రి నుంచి అదృశ్యమయ్యారు.
పెనుగొండ మండలం సిద్ధాంతం గోదావరి నదిపై ఉన్న బ్రిడ్జివద్ద పార్క్‌చేసివున్న బైక్, అక్కడే ఉన్న చెప్పులు, ఆధార్ కార్డులు, లేఖను సోమవారం ఉదయం హైవే పెట్రోలింగ్ పోలీసులు గుర్తించడంతో ఘటన వెలుగులోకి వచ్చింది. పెరవలి పోలీసులకు నాగ వరలక్ష్మి రాసినట్టుగా ఉన్న లేఖలో అప్పుల బాధ పడలేక ఆత్మహత్యకు పాల్పడుతున్నట్టు ఉంది. ఉపాధి నిమిత్తం ఇతర దేశాలకు వెళ్లడానికి రూ.1.8 లక్షలు అప్పుచేశామని, ఏజెంటు మోసం చేయడంతో అప్పుల పాలయ్యామని లేఖలో పేర్కొన్నారు. అప్పు ఇచ్చినవారి వేధింపులు ఎక్కువయ్యాయని, లైంగిక వేధింపులు కూడా ఎక్కువవ్వడంతో భరించలేక ఆత్మహత్యకు పాల్పడుతున్నట్టు లేఖలో పేర్కొన్నారు. పిల్లలను వేధిస్తారని వారిని కూడా తమతో తీసుకెళ్తున్నట్టు లేఖలో ఉంది. ఆదివారం రాత్రి ఇల్లు వదిలివెళ్లిన కుటుంబం ఆచూకీ సోమవారం రాత్రి వరకు తెలియరాలేదు. బైక్‌ను పెనుగొండ పోలీసులు స్వాధీనం చేసుకున్నారు. ఈ సందర్భంగా పెనుగొండ సిఐ రాయుడు విజయ్‌కుమార్ మాట్లాడుతూ నదిలో దూకారా లేదా అనే విషయమై విచారణ చేస్తున్నామని తెలిపారు. కాగా సోమవారం రాత్రి వరకు ఎటువంటి మృతదేహాలు లభ్యం కాలేదు.
ఆత్మహత్యకు పాల్పడిన కుటుంబం (ఫైల్ ఫొటో)
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.