రాష్ట్రీయం
కొలువులపై అదే మాట
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, అక్టోబర్ 30: రాష్ట్రంలో 1.12 లక్షల ఉద్యోగాల భర్తీకి ప్రభుత్వం కట్టుబడి ఉందని ముఖ్యమంత్రి కె చంద్రశేఖరరావు పేర్కొన్నారు. సోమవారం శాసనసభలో ప్రశ్నోత్తర కార్యక్రమంలో ఆయన మాట్లాడుతూ ప్రభుత్వం చెప్పిందానికి కట్టుబడి ఉంటుందని, అవసరమైతే ఒక వెయ్యి ఉద్యోగాలు ఎక్కువే భర్తీ చేస్తామని తెలిపారు. ఈ సందర్భంగా ఆయన పబ్లిక్ సర్వీసు కమిషన్ చైర్మన్ గంటా చక్రపాణికి, ఎస్సీ గురుకుల పాఠశాలల సొసైటీ కార్యదర్శి డాక్టర్ ప్రవీణ్‌కుమార్‌కు ప్రశంసల జల్లు కురిపించారు. అంబేద్కర్ ఓవర్సీస్ విద్యానిధికి సంబంధించి గువ్వల బాలరాజు, పాయం వెంకటేశ్వర్లు, గాదరి కిశోర్ కుమార్‌లు అడిగిన ప్రశ్నలకు విద్యుత్ మంత్రి జగదీష్‌రెడ్డి సమాధానం చెబుతున్నపుడు ముఖ్యమంత్రి చంద్రశేఖరరావు జోక్యం చేసుకుంటూ దళితులకు, బిసిలు, మైనార్టీలకు, గిరిజనులకు కటాఫ్ మార్కులు మేరకు ఎలాంటి పరిమితి లేకుండా విదేశాల్లో చదువుకునేందుకు అవకాశం కల్పిస్తున్నామని అన్నారు. గతంలో కూడా ఈ పథకం ఉండేదని అపుడు కేవలం 10 లక్షలు మాత్రమే ఇచ్చేవారని, నేడు దానిని 26 లక్షలకు పెంచామని, ఇలాంటి పథకం దేశంలో ఏ రాష్ట్రంలోనూ అమలులో లేదని చెప్పారు. మొత్తం రాష్ట్రప్రభుత్వంలో ఉద్యోగుల సంఖ్య సుమారు నాలుగు లక్షలు మాత్రమేనని, ఎప్పటి ఖాళీలు అపుడే భర్తీ చేస్తున్నామని, అయినా ఉద్యోగాలకు సంబంధించి ఎవరైనా నిర్మాణాత్మక పంథాలో సూచనలు చేస్తే వాటిని స్వీకరించేందుకు తాము సిద్ధమేనని అన్నారు. తెలంగాణ పబ్లిక్ సర్వీసు కమిషన్ చైర్మన్ దళితుడని, ఆయన యూనివర్శిటీలో పనిచేశారని, ఆ అనుభవాలతో కమిషన్‌కు మంచి పేరు తెచ్చారని, ఆయన అమలుచేస్తున్న పథకాలను గుర్తించి యుపిఎస్‌సి సైతం స్టాండింగ్ కమిటీకి చైర్మన్‌గా ఆయనను నియమించిందని పేర్కొన్నారు. అంతే తప్ప పరీక్షల్లో అక్రమాలంటూ పాత పద్ధతిలో పాత రాజకీయాలు చేయవద్దని, అవన్నీ బంద్ చేయాలని, పద్ధతిగా వ్యవహరించాలని అన్నారు. సర్వీసు కమిషన్ పరీక్షలు నిర్వహించినపుడు భారీ ఎత్తున అభ్యర్ధులుంటారని, ఇంత పెద్ద వ్యవస్థలో పొరపాట్లు జరిగితే వాటిని ఎప్పటికపుడు సరిదిద్దుకోవడం జరుగుతుందని, అంతే తప్ప దీనిని ఆసరాగా తీసుకుని ఇష్టానుసారం మాట్లాడటం సరికాదని అన్నారు.
సభ్యులు సభా గౌరవాన్ని పెంచుకోవాలని సూచించారు. రానున్న రోజుల్లో ఎస్సీ, ఎస్టీ కాంపొనెంట్ కింద ఈ ప్రభుత్వం ఏం చేసిందో లక్ష పేజీలతో కూడిన సమాచారాన్ని పెన్ డ్రైవ్‌లలో సభ్యులు అందరికీ అందిస్తామని ఆయన వెల్లడించారు. ఇంత వరకూ విదేశీ విద్యకు సదుపాయాన్ని 496 మంది పొందారని, ఎస్సీలకు 36.28 కోట్లు, ఎస్టీలకు 9.85 కోట్లు వెచ్చించామని పేర్కొన్నారు.
చిత్రం..అసెంబ్లీలో మాట్లాడుతున్న సిఎం కెసిఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.