రాష్ట్రీయం
డీడీల ఫోర్జరీ కేసులో మాజీ ఎమ్మెల్యేకు జైలు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ అనంతపురం, నవంబర్ 15: నకిలీ డీడీల కేసులో అనంతపురం జిల్లా కదిరి మాజీ ఎమ్మెల్యే, నియోజకవర్గం ఇన్‌చార్జి కందికుంట వెంకటప్రసాద్‌కు ఐదేళ్ల జైలుశిక్ష పడిం ది. పదేళ్లపాటు విచారణ అనంతరం బుధవారం హైదరాబాద్‌లోని నాంపల్లి సిబిఐ కోర్టు శిక్ష ఖరారు చేసింది. 2003లో ఎస్‌బీఐ నకిలీ డీడీల కుంభకోణం వెలుగు చూసింది. కదిరి ఎస్‌బీఐ మేనేజర్ నరసింహరావుతో కుమ్మక్కై లక్షలాది రూపాయలు అక్రమంగా డ్రా చేసినట్లు ఆరోపణలు వచ్చాయి. ఈ కేసులో అప్పటి బ్యాంక్ బ్రాంచ్ మేనేజర్ నరసింహారావు, ఇన్స్పెక్టర్ మోహన్ నిందితులుగా ఉన్నారు. కేసును వేగవంతం చేయడంలో భాగంగా 2007లో సిబిఐకి అప్పగించారు. నాంపల్లిలోని సిబిఐ కోర్టు సుదీర్ఘంగా విచారణ జరిపి కేసు పూర్వాపరాలను విచారించింది. బెంగళూరులో నకిలీ డీడీలు తయారుచేసి వాటిని బ్యాంకులో అక్రమంగా మార్చుకున్నట్లు రుజువైంది. దీంతో కేసులో ప్రధాన నిందితులైన మాజీ ఎమ్మెల్యేతోపాటు నకిలీ డీడీల అక్రమాలకు సహకరించిన ఎస్‌బీఐ అసిస్టెంట్ మేనేజర్ నర్సింగరావుకు కూడా ఐదేళ్ల జైలు, ఇన్స్పెక్టర్ వెంకటమోహన్‌కు మూడేళ్ల జైలు శిక్షతోపాటు వీరికి రూ.5.10 లక్షల జరిమానా కూడా విధిస్తూ నాంపల్లి సీబీఐ కోర్టు బుధవారం తీర్పు వెలువరించింది. హైదరాబాద్ హుస్సేని ఆలం ఎస్‌బీఐలో నకిలీ డీడీలతో మోసానికి పాల్పడినట్టు ఆరోపణలు ఎదుర్కొంటున్నారు. కాగా కందికుంట వెంకటప్రసాద్ గతంలో పంజాబ్ నేషనల్ బ్యాంకు నకిలీ డీడీల కుంభకోణం కేసులో కూడా ఏడేళ్ల శిక్ష అనుభవించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.