రాష్ట్రీయం
రెండేళ్లలో 3 లక్షల ఉద్యోగాలు
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, నవంబర్ 23: రానున్న రెండేళ్లలో రాష్ట్రంలో ఐటీ, ఎలక్ట్రానిక్ రంగాల్లో 3 లక్షల మందికి ఉద్యోగావకాశాలు కల్పిస్తామని ఏపీ ఐటీ, పంచాయతీరాజ్, గ్రామీణాభివృద్ధి శాఖల మంత్రి నారా లోకేశ్ అన్నారు. కృష్ణా జిల్లా గన్నవరం మండలం కేసరపల్లి వద్ద మేథా టవర్స్ ప్రాంగణంలో 150కోట్ల రూపాయలతో నిర్మించే న్యూ ఐటీ టవర్‌కు గురువారం భూమిపూజ సందర్భంగా ఆయన మాట్లాడుతూ, ఐటీ రంగం అభివృద్ధికి ముఖ్యమంత్రి చంద్రబాబు ఇమేజ్ బ్రాండ్‌నేమ్‌గా ఉపయోగపడుతోందన్నారు. విజయవాడ, విశాఖపట్నం, తిరుపతిలో ఐటీ పార్కులను అభివృద్ధి చేస్తున్నామని, ఇప్పటికే 30వేల మందికి ఉద్యోగావకాశాలు కల్పించామని చెప్పారు. విశాఖలో ఫైనాన్షియల్ టెక్నాలజీస్ సంస్థలను ప్రోత్సహిస్తున్నామని, అగ్రిటెక్ సదస్సును ఇటీవలే నిర్వహించి వ్యవసాయ రంగంలో సాంకేతిక అభివృద్ధికి కృషి చేస్తున్నామన్నారు. స్కిల్ డెవలప్‌మెంట్ కార్పొరేషన్ ద్వారా నైపుణ్య శిక్షణ కార్యక్రమాలు నిర్వహిస్తున్నామని, ఐటీ రంగానికి సంబంధించి కూడా ఈ కార్పొరేషన్ ద్వారా అవసరమైన స్కిల్స్‌పై శిక్షణ ఇవ్వనున్నామన్నారు. కేసరిపల్లి వద్ద 5 లక్షల చదరపు అడుగుల వైశాల్యంలో న్యూ ఐటీ టవర్ నిర్మాణం 8 నెలల్లో పూర్తి చేస్తామని చెప్పారు. దీనిద్వారా 4వేల మందికి ఉద్యోగావకాశాలు రానున్నాయని మంత్రి లోకేష్ వివరించారు. రాష్ట్ర క్రీడల శాఖ మంత్రి కొల్లు రవీంద్ర, మచిలీపట్నం ఎంపీ కొనకళ్ల నారాయణ, గన్నవరం శాసనసభ్యుడు వల్లభనేని వంశీమోహన్, ఐటీ శాఖ ప్రిన్సిపల్ సెక్రటరీ కె విజయానంద్, ఏపీఎన్‌ఆర్టీ సొసైటీ చైర్మన్ డా. రవికుమార్, నూజివీడు రెవిన్యూ డివిజనల్ అధికారి చెరుకూరి రంగయ్య, తహశీల్దార్ ఎం మాధురి, ఐటీ సంస్థల ప్రతినిధులు పాల్గొన్నారు.
చిత్రం..కొత్త ఐటీ టవర్ నిర్మాణానికి భూమిపూజ చేసి సభలో మాట్లాడుతున్న మంత్రి నారా లోకేశ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.