రాష్ట్రీయం
మెట్రోతో మెరుగు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్/ఖైరతాబాద్, నవంబర్ 23: మెట్రో రాకతో నగరంలో ప్రజా రవాణ వ్యవస్థ మెరుగుపడనుంది. సిటీ బస్సుల కోసం నిరీక్షణ, ట్రాఫిక్ కష్టాలు లేకుండా గమ్యస్థానాలకు చేరుకునే వెసులుబాటు మెట్రోతో లభించనుంది. నగరంలో నానాటికీ పెరుగుతున్న జనాభాకు అనుగుణంగా ప్రజారవాణా వ్యవస్థ అందుబాటులో లేకపోవడంతో తీవ్ర ఇబ్బందులు ఎదుర్కొవాల్సిన దుస్థితి. ఇప్పటివరకు అందుబాటులో ఉన్న ఆర్టీసీ బస్సులు, ఎంఎంటిఎస్ రైళ్లు ప్రజల అవసరాలను అంతంత మాత్రమే తీర్చతున్నాయి. రద్దీ సమయాల్లో ఒక్క బస్సులో రెండు బస్సులకు సరిపడా మంది ప్రయాణించాల్సిన దుస్థితి కొనసాగుతోంది. ఎంఎంఎటిఎస్ రైళ్లు పరిస్థితి అంతే.
నిత్యం జీవనోపాధి కోసం నగరానికి వచ్చే వారితో పాటు వివిధ పనుల నిమిత్తం రాజధానికి వచ్చే వారికి ముఖ్య రవాణా వ్యవస్థ ఆర్టీసీనే కావడంతో వాటిపై తీవ్ర భారం ఉండేది. పాత బస్సులతో ఇబ్బందులు రెట్టింపు అయ్యేవి. నిత్యం నగరంలో ఎక్కడో ఒక చోట బస్సులు నిలిచిపోవడంతో ఆయా బస్సుల్లో ప్రయాణించే వారితో పాటు ప్రధాన రహదారిపై ట్రాఫిక్‌కు అంతరాయం ఏర్పడేది. ట్రాఫిక్ కష్టాలకు జంకి ఇంటి నుంచి గంట ముందు బయలుదేరినా కొన్ని సందర్భాల్లో గమ్యస్థానాలకు ఆలస్యంగా చేరుకోవాల్సి వచ్చేది. నగరంలోని అన్ని ప్రాంతాలకు బస్సులను నడుపుతున్నామని ఆర్టీసీ చెబుతున్నా ఆ మేరకు బస్సులు అందుబాటులో లేకపోవడంతో ప్రయాణికులు ప్రైవేట్ వాహనాలను ఆశ్రయించాల్సి వచ్చేంది. ప్రజా రవాణా వ్యవస్థ సక్రమంగా లేకపోవడంతో నగరంలో వ్యక్తిగత వాహనాల సంఖ్య గత పదేళ్లల్లో విపరీతంగా పెరిగాయి. వీటివల్ల మరిన్ని ట్రాఫిక్ కష్టాలతో పాటు కాలుష్యానికి కారణం కాసాగాయి. వీటన్నింటికీ ప్రత్యామ్నాయంగా మెట్రో ప్రయాణం సాగనుంది. కాగా, అత్యాధునిక సౌకర్యాలతో అందుబాటులోకి వస్తున్న మెట్రోరైలు సైతం పూర్తిస్థాయిలో ప్రయాణికులకు ఊరట నివ్వలేదని, మెట్రో వ్యవస్థను అవసరాలకు అనుగుణంగా పెంచుకుంటూ పోవాల్సి ఉంటుందని నిపుణులు పేర్కొంటున్నారు.
ప్రస్తుతం అందుబాటులోకి వస్తున్న మెట్రోరూట్ల వల్ల సుమారు 15 లక్షల మందికి ప్రయోజనం చేకూరినా అంతేమంది ప్రజలు ఇతర మార్గాల ద్వారా ప్రయాణించాల్సి వస్తుందని పేర్కొంటున్నారు. దీనిని దృష్టిలో ఉంచుకొని ప్రభుత్వం పెరుగుతున్న జనాభాకు దృష్టిలో ఉంచుకొని రోడ్ల విస్తీర్ణంతో పాటు ఆధునిక సిగ్నలింగ్ వ్యవస్థను అందుబాటులోకి తెచ్చి రోడ్లపై ఒత్తిడి తగ్గించాలని సూచిస్తున్నారు.
వీటితో పాటు వచ్చే పదేళ్లలో నగరంలో ప్రయాణికుల రద్దీ రెండింతలు పెరిగే అవకాశం ఉన్నందున మెట్రోమార్గాలను సైతం అందుకు అనుగుణంగా పెంచుతూ పోవాలని సూచిస్తున్నారు. ప్రజా రవాణా వ్యవస్థలోని లోపాల వల్లే నగరంలో వ్యక్తిగత వాహనాలు పెరుగుతున్నాయని, వీటిని దృష్టిలో ఉం చుకొని ప్రభుత్వం చర్యలు తీసుకోవాలని అంటున్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.