రాష్ట్రీయం
బీసీలకు పెద్దపీట
S ,7 à 8 RSCA (si SASPAS) et 6 cialis pharmacie cialis rapports de stage.
కోడుమూరు, నవంబర్ 26: రాష్ట్రంలో వైసీపీ అధికారంలోకి వచ్చిన వెంటనే బీసీలకు పెద్దపీట వేస్తామని ఆ పార్టీ అధినేత వైఎస్ జగన్మోహన్ రెడ్డి హామీ ఇచ్చారు. రాష్టవ్య్రాప్తంగా చేపట్టిన జగన్ ప్రజా సంకల్ప యాత్ర 18 రోజు ఆదివారం కర్నూలు జిల్లా కోడుమూరు మండల పరిధిలోని గోరంట్లకు చేరుకుంది. ఈ సందర్భంగా జరిగిన సభల్లో జగన్ సిఎం చంద్రబాబు పాలనపై తీవ్రస్థాయిలో ధ్వజమెత్తారు. కర్నూలు జిల్లాలో అత్యధికంగా వాల్మీకులు (బోయ కులస్థులు) ఉన్నారని, గత ఎన్నికల్లో చంద్రబాబు బోయలను ఎస్టీ జాబితాలో చేర్చుతామని ఇచ్చినా హామీ ఇంతవరకూ అమలు చేయలేదని దుయ్యబట్టారు. ప్రతి ఎన్నికల్లో బాబు వాల్మీకుల ఓట్ల కోసం శుష్క
వాగ్దానాలు చేయడం, తరవాత వారి సంక్షేమాన్ని విస్మరించడం షరా మామూలైందని ఎద్దేవా చేశారు. అందుకే తాను వాల్మీకుల సంక్షేమానికి పాటుపడటమే గాక వచ్చే అసెంబ్లీ ఎన్నికల్లో రెండు స్థానాలను వాల్మీకులకు కేటాయిస్తున్నట్టు ప్రకటించారు. చంద్రబాబు గత నాలుగేళ్ల పాలనలో రాష్ట్రంలో ఏ ఒక్క వర్గానికీ న్యాయం చేయలేదని దుమ్మెత్తిపోశారు. అసమర్థ బాబు పాలనలో బీసీలు సామాజికంగా, ఆర్థికంగా, విద్యాపరంగా ముందడుగు వేయలేకపోయారని విచారం వ్యక్తం చేశారు. రాష్ట్రంలో టీడీపీ ప్రభుత్వం కార్పొరేట్ సంస్థలను పెంచి పోషిస్తోందని ఆగ్రహించారు. గ్రామీణ స్థాయిలో పేద పిల్లలకు ఉన్నత చదువులు భారంగా మారాయన్నారు. దేవుడి కరుణ, ప్రజల ఆశీస్సులుంటే వచ్చే ఎన్నికల్లో తనను గెలిపిస్తే ప్రతి పేద కుటుంబంలోని వారికీ ఉన్నత చదువులు, గౌరవప్రదమైన ఉద్యోగాలు కల్పిస్తామని, ఉన్నత చదువుల్లో రాణించేందుకు తాను ఏటా పేద విద్యార్థులకు రూ. 20వేలు అందిస్తానని హామీ ఇచ్చారు. పింఛన్ల మొత్తాన్ని రెట్టింపు చేస్తానని, 45 ఏళ్లకే పింఛను సౌకర్యం కల్పిస్తానని హామీ ఇచ్చారు. అలాగే రాష్ట్రంలో పశువులకు అత్యవసర పరిస్థితుల్లో వైద్యం అందించేందుకు 102 వాహనం ఏర్పాటు చేస్తానన్నారు. చంద్రబాబు గత ఎన్నికలకు ముందు ప్రజలకిచ్చిన హామీల్లో ఏ ఒక్కటీ సక్రమంగా నెరవేర్చలేదని, కేవలం ప్రజలను మభ్యపెడుతూ పాలన సాగిస్తున్నారని దుయ్యబట్టారు. ప్రజాసంకల్ప యాత్రలో తాను అన్ని వర్గాల ప్రజలకు చేసిన హామీలన్నింటినీ అధికారం చేపట్టిన వెంటనే నెరవేరుస్తానని, అంతేగాక తాను చెప్పకుండా పనులు చేసి చూపిస్తానన్నారు. రాష్ట్రంలో ఉన్న మంత్రులు, ఎమ్మెల్యేలకు పదవులు ఉన్నాయి కానీ వారికి అధికారం చెలాయించే స్వేచ్ఛ లేదన్నారు. రాష్ట్ర ఉప ముఖ్యమంత్రి కెఇ కృష్ణమూర్తికి తన మాట వినని ఆర్టీవోను కూడా బదిలీ చేయించుకునే పరిస్థితి లేదని జగన్ ఎద్దేవా చేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.