రాష్ట్రీయం
మెట్రో.. నా ఘనతే
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, నవంబర్ 29: ‘హైదరాబాద్ అభివృద్ధిలో మా ముద్ర పోయేది కాదు. మెట్రోతోపాటు జీఈఎస్ జరుగుతున్న హెచ్‌ఐసిసి వేదిక, శంషాబాద్ ఎయిర్‌పోర్టు, సైబరాబాద్ ఇవన్నీ టీడీపీ హయాంలో వచ్చినవే. మెట్రోరైల్‌ను నేను ప్రారంభించినా, ప్రారంభించకున్నా హైదరాబాద్‌ను అభివృద్ధి చేశామన్న సంతృప్తి ఉంది’ అని ఏపీ సిఎం చంద్రబాబు వ్యాఖ్యానించారు. బుధవారం అసెంబ్లీ లాబీలో బాబును కలిసిన మీడియా ప్రతినిధులు హైదరాబాద్‌లో మెట్రో రైలు, జీఈఎస్ సదస్సు గురించి ప్రస్తావించారు. మెట్రో ప్రస్తావనపై బాబు ఉత్సాహాన్ని చూపించారు. మెట్రోరైల్ కోసం వాజపేయి హయాంలో తానే పోరాడానని గుర్తు చేశారు. ‘మెట్రో కోసం నేనే పోరాడా. బెంగళూరు, గుజరాత్ ప్రభుత్వాలు మెట్రోను వేగంగా పూర్తి చేశాయి. నేను సీఎంగా ఉన్నప్పుడే ఢిల్లీ మెట్రో శ్రీ్ధరన్‌తో హైదరాబాద్ మెట్రోపై స్డడీ చేయించా. నా తర్వాత వచ్చిన రాజశేఖరరెడ్డి మెట్రోను ఆలస్యం చేశారు. అందుకే ఇంతకాలం పట్టింది’ అని వ్యాఖ్యానించారు. ‘నేను ఆ ప్రారంభోత్సవానికి వెళ్లినా వెళ్లకున్నా హైదరాబాద్‌పై మేం వేసిన ముద్ర చెరిగేది కాదు. అప్పుడు సైబరాబాద్ నగర నిర్మాణం కూడా టీడీపీ హయాంలోనే జరిగింది. అప్పుడు ఏపీని ప్రపంచానికి ప్రమోట్ చేసేందుకు కష్టపడ్డా. ఆ ఫలితాలు ఇప్పుడు అందరూ అనుభవిస్తుండటం మంచిదే. నాకూ అంతకుమించి తృప్తి ఏం కావాలి’ అన్నారు. విద్యార్థుల ఆత్మహత్యలపై మాట్లాడుతూ ఈ విషయంలో గట్టిగా ఉంటామని, యాజమాన్యాలు తప్పుచేస్తే సహించేది లేదని మొన్న వాళ్లకు గట్టిగా వార్నింగ్ ఇచ్చామని గుర్తు చేశారు. ఈ విషయం చెప్పడానికే తాను సభలోకి మాట్లాడానని బాబు చెప్పారు. విద్యార్థులు అధైర్యానికి లోను కావద్దని సూచించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.