రాష్ట్రీయం
తెలుగుకు పండగ
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, నవంబర్ 30: ప్రపంచ తెలుగు మహాసభలను తెలుగు భాషాభివృద్ధికి పాటుపడుతున్న సాహితీవేత్తలందరి సమక్షంలో అంగరంగ వైభవంగా నిర్వహించాలని సిఎం కె చంద్రశేఖర్‌రావు సూచించారు. మహాసభల సందర్భంగా హైదరాబాద్ నగరంలో పండుగ శోభ సంతరించుకోవాలన్నారు. ప్రారంభోత్సవ కార్యక్రమానికి ఉప రాష్టప్రతి వెంకయ్యనాయుడు, ముగింపు కార్యక్రమానికి రాష్టప్రతి రామ్‌నాథ్ కోవింద్ హాజరవుతారన్నారు. అలాగే ప్రారంభోత్సవ కార్యక్రమానికి మారిషస్ వైస్ ప్రెసిడెంట్ పరమశివమ్, మహారాష్ట్ర గవర్నర్ సిహెచ్ విద్యాసాగర్‌రావు హాజరు కాబోతున్నారని, తోటి తెలుగు రాష్ట్రం ఏపీ సీఎం చంద్రబాబును కూడా దీనికి ఆహ్వానిస్తామని సీఎం కేసీఆర్ వెల్లడించారు. ప్రపంచ తెలుగు మహాసభల ఏర్పాట్లపై ప్రగతి భవన్‌లో గురువారం సీఎం ఉన్నతస్థాయి సమావేశం నిర్వహించారు. మహాసభల కోసం రూపొందించిన వేదిక నమునా, లోగోలను పరిశీలించి ఆమోదం తెలిపారు. ప్రారంభ, ముగింపు సభలు రెండూ ఎల్‌బి స్టేడియంలోనే నిర్వహించాలని నిర్ణయించారు. మిగతా వేదికల వద్ద ప్రతీ రోజు ఉదయం నుంచి సాయంత్రం వరకు వివిధ కార్యక్రమాలు నిర్వహించి, సాయంత్రం ఆరు గంటల నుంచి తొమ్మిది గంటల వరకు ప్రధాన కార్యక్రమాలు నిర్వహించాలని సూచించారు. ఎల్‌బి స్టేడియంలో తెలంగాణ వంటకాల స్టాల్స్‌తో పాటు వివిధ కళా ప్రక్రియలకు సంబంధించిన స్టాళ్లు ఏర్పాటు చేయాలన్నారు. తెలంగాణ ఆహార్యం, సంస్కృతి, చరిత్ర, సంప్రదాయాలను ప్రతిబింభించేలా లేజర్ షోలు నిర్వహించాలన్నారు. పెద్ద ఎత్తున బాణాసంచా కాల్చడంతో పాటు నగరాన్ని అందంగా ముస్తాబు చేసి పండుగ శోభను తీసుకురావాలన్నారు. తెలుగు సాహితీమూర్తుల పేర్లతో తోరణాలు ఏర్పాటు చేయాలన్నారు. తెలుగు భాషా ప్రక్రియలతో పాటు హైదరాబాద్ సంస్కృతి ఉట్టిపడేలా ఉర్దూలో కవి సమ్మేళనాలు, కవ్వాలీవంటి కార్యక్రమాలు నిర్వహించాలని సూచించారు. తెలుగు భాషాభివృద్ధి, సంగీత, సాహిత్య, కళారంగాలకు చెందిన ప్రముఖులను గౌరవించుకోవాలన్నారు.
ఇతర రాష్ట్రాలు, దేశాల నుంచి వచ్చే ప్రతినిధులకు మంచి వసతి, భోజనం, రవాణా ఏర్పాట్లు చేయాలన్నారు. మహాసభల సందర్భంగా ప్రత్యేక పోస్టల్ స్టాంపులు విడుదల చేయాలన్నారు. ఎయిర్‌పోర్టు, బస్టాండ్లు, రైల్వే స్టేషన్లలో విచారణ కేంద్రాలు ఏర్పాటు చేయాలన్నారు. ప్రముఖ క్రీడాకారులు సైనా నెహ్వాల్, సానియా మీర్జా, మిథాలీరాజ్, పివి సింధు తదితరులను ఆహ్వానించాలని సూచించారు. తెలుగు పండుగలు, సంవత్సరాలు, నెలలు, కార్తెలతో కూడిన పుస్తకాలను ముద్రించి పంపిణీ చేయాలని సీఎం కేసీఆర్ అధికారులకు సూచించారు.
చిత్రాలు..ప్రపంచ తెలుగు మహాసభల కోసం సీఎం కేసీఆర్ ఆమోదించిన వేదిక నమూనా
*ప్రపంచ తెలుగు మహాసభల నిర్వహణపై నిర్వహించిన ఉన్నతస్థాయ సమీక్షలో మాట్లాడుతున్న సీఎం కేసీఆర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.