రాష్ట్రీయం
12 రోజులు.. 67.48 గంటలు
S ,7 à 8 RSCA (si SASPAS) et 6 cialis pharmacie cialis rapports de stage.
గుంటూరు/విజయవాడ, డిసెంబర్ 2: ఆంధ్రప్రదేశ్ శాసనసభ శీతాకాల సమావేశాలు శనివారంతో ముగిసాయి.. గత నెల 10వ తేదీ నుండి సమావేశాలు ప్రారంభం కాగా 12 రోజుల పనిదినాల్లో మొత్తం 67 గంటల 48 నిముషాల పాటు సాగాయి.. సమావేశ వివరాలను శాసనసభ స్పీకర్ కోడెల శివప్రసాదరావు వివరించారు. మొత్తం 94 ప్రశ్నలకు సమాధానాలు మరో 22 ప్రశ్నలు టేబుల్ ఐటమ్‌గా స్వీకరించారు. 13 షార్ట్ నోటీసులకు సమాధానాలు ఇవ్వగా మరో 8 టేబుల్ ఐటమ్‌గా అందాయి. రూల్ 74 కింద 7, 344 కింద 6 అంశాలపై చర్చించారు. మంత్రులు ఇచ్చిన స్టేట్‌మెంట్లు ఒకటి రికార్డు కాగా 16 బిల్లులు సభ ముందు ఉంచారు. రెండు బిల్లులు ఉపసంహరించుకున్నారు. మిగిలిన 16 బిల్లులు ఆమోదం పొందాయి. కాపులకు బీసీ రిజర్వేషన్‌తో సహా 5 తీర్మానాలను శాసనసభ ఆమోదించింది. సమావేశాల్లో 382 సార్లు శాసనసభ్యులకు వివిధ అంశాలపై చర్చించే అవకాశం లభించింది. ఒక నివేదికతో పాటు పది లఘు ప్రశ్నలపై సభ్యులు చర్చించారు. శాసనసభ సమావేశాల్లో తొలిసారిగా ప్రతిపక్షం లేకుండా సుదీర్ఘ సమయంపాటు చర్చించటం విశేషం. బీజేపీ ఫ్లోర్‌లీడర్ విష్ణుకుమార్‌రాజు ఒకరే ఒకింత ప్రతిపక్ష పాత్ర పోషించారు. సమావేశాలు ఆసాంతం ముఖ్యమంత్రి చంద్రబాబునాయుడు, మంత్రి లోకేష్‌లను అమాంతం పొగడ్తలతో ఎమ్మెల్యేలు ముంచెత్తటం మరో విశేషం. చివరిరోజున యువత- ఉపాధి అంశంపై జరిగిన లఘు చర్చలో సైతం సీఎంను అపర భగీరథుడిగా.. అభినవ అంబేద్కర్‌గా కీర్తిస్తూ సభ్యులు చర్చను పొడిగించడంతో స్పీకర్ కోడెల శివప్రసాదరావు సంబంధిత అంశంపైనే చర్చ సాగాలని సున్నితంగా చురకలంటించటం కొసమెరుపు.
51 గంటల పాటు సమావేశమైన మండలి
రాష్ట్ర శాసన మండలి 29వ సెషన్‌లో 51 గంటలపాటు సమావేశమైంది. గత నెల 10న ప్రారంభమైన సమావేశాలు శనివారంతో ముగిశాయి. 12 రోజుల పాటు జరిగిన సమావేశాల్లో 100 స్టార్డ్ ప్రశ్నలకు, 7 అన్-స్టార్డ్ ప్రశ్నలకు సమాధానాలు చెప్పారు. 16 బిల్లును ఆమోదించగా, ఆరు షార్టు డిస్కషన్స్, నాలుగు తీర్మానాలను మండలిలో చేశారని డిప్యూటీ చైర్మన్ రెడ్డి సుబ్రహ్మణ్యం ప్రకటించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.