రాష్ట్రీయం
డామిట్..కథ అడ్డం తిరిగింది
S ,7 à 8 RSCA (si SASPAS) et 6 cialis pharmacie cialis rapports de stage.
నిజామాబాద్, డిసెంబర్ 2: బీజేపీ మాజీ నాయకుడు భరత్‌రెడ్డి ఇద్దరు దళిత యువకుల పట్ల దాష్టీకానికి పాల్పడిన కేసు రోజుకో మలుపు తిరుగుతోంది. కిడ్నాప్‌కు గురైనట్టు భావిస్తున్న ఇద్దరు యువకులు రాజేశ్వర్, లక్ష్మణ్ ఆచూకీని ఎట్టకేలకు పోలీసులు పసిగట్టి వారిని సురక్షితంగానే ఇళ్లకు చేర్చినప్పటికీ, బాధిత యువకులు మీడియా సమక్షంలో చేస్తున్న పరస్పర విరుద్ధ ప్రకటనలతో మరింత గందరగోళ పరిస్థితి నెలకొంది. నిజామాబాద్ జిల్లా నవీపేట మండలం అభంగపట్నం శివారులో లక్ష్మణ్, రాజేశ్వర్ మొరం తవ్వకాలను అడ్డుకున్నారని భరత్‌రెడ్డి వారిపై దాడి చేసి మురుగునీటి గుంతలో మునకలు వేయించడం, ముక్కు నేలకు రాయించిన దృశ్యాలతో కూడిన వీడియోలు సోషల్ మీడియాలో వైరల్ అయిన విషయం విదితమే. అప్పటినుండి అజ్ఞాతంలోకి వెళ్లిన భరత్‌రెడ్డి, తన వెంట బాధిత యువకులను కూడా హైదరాబాద్‌కు తీసుకెళ్లాడు. రెడ్డిపై నవీపేట పోలీస్ స్టేషన్‌లో ఎస్సీ, ఎస్టీ అట్రాసిటీతో పాటు కిడ్నాప్ కేసు నమోదైంది. 18 రోజుల అనంతరం ఎట్టకేలకు శుక్రవారం హైదరాబాద్‌లో పోలీసులు వారి ఆచూకీని తెలుసుకుని, తమ ఆధీనంలోకి తీసుకున్నారు. అయతే భరత్‌రెడ్డి తమపై దాడి చేయలేదని, దొరల రాజ్యం పేరుతో తీస్తున్న సినిమా షూటింగ్ కోసం తాము మురుగు నీటి గుంతలో మునిగిన సన్నివేశాల్లో నటించామని చెప్పారు. బాధితులను పోలీసులు శుక్రవారం రాత్రే వారి వారి కుటుంబ సభ్యులకు అప్పగించారు. ఇది జరిగి కొన్ని గంటలు గడవకముందే లక్ష్మణ్, రాజేశ్వర్ శనివారం మళ్లీ తమ కథనాన్ని మార్చివేశారు. భరత్‌రెడ్డి తమపై దౌర్జన్యానికి పాల్పడింది ముమ్మాటికీ వాస్తవమేనని మీడియా సమక్షంలో వెల్లడించారు. భరత్‌రెడ్డి చెర నుండి సురక్షితంగా బయటపడేందుకే తాము ‘సినిమా షూటింగ్’ కట్టు కథ అల్లామని పేర్కొన్నారు. మొరం తవ్వకాలను అడ్డుకున్నామనే రెండు మాసాల క్రితం భరత్‌రెడ్డి తమ పట్ల అమానవీయంగా ప్రవర్తించాడని, ఈ వీడియోలు సోషల్ మీడియాలో బయటకు పొక్కిన వెంటనే తమను పది నిమిషాలు మాట్లాడేది ఉందంటూ గ్రామ శివారు ప్రాంతానికి పిలిపించాడని తెలిపారు. అక్కడి నుండి బలవంతంగా వాహనంలో హైదరాబాద్‌కు వెంట తీసుకెళ్లి రహస్య ప్రాంతంలో ఉంచాడని వివరించారు. తమ వెంట గ్రామానికి చెందిన రాజన్న అనే వ్యక్తిని కూడా తీసుకువచ్చి మూడు రోజుల తరువాత పంపించివేశాడని తెలిపారు. ఐదు రోజుల అనంతరం హైకోర్టులో పిటిషన్ అని చెప్పి తమచే ఏవేవో కాగితాలపై సంతకాలు తీసుకున్నాడని అన్నారు. భరత్‌రెడ్డి చెర నుండి బయటపడేందుకు అతను సూచించిన విధంగానే సినిమా షూటింగ్‌లో నటించిన సన్నివేశాలుగా అబద్ధం చెప్పాల్సి వచ్చిందన్నారు. తమకు భరత్‌రెడ్డి నుండి ప్రాణభయం ఉన్నందున రక్షణ కల్పించాలని బాధిత యువకులు వేడుకున్నారు. ఇకముందు తమకు ఎలాంటి ఇబ్బంది కలుగకుండా చూడాలని, ఒకవేళ తమకేదైనా హాని వాటిల్లితే భరత్‌రెడ్డిదే బాధ్యత అని అన్నారు. కాగా, దళిత సంఘాల నాయకులు శనివారం అభంగపట్నం చేరుకుని లక్ష్మణ్, రాజేశ్వర్‌లను పరామర్శించి ధైర్యం చెప్పారు. పూర్తిస్థాయిలో న్యాయం జరిగే వరకు తామంతా అండగా నిలుస్తామని భరోసా కల్పించారు. వారిని నవీపేట పోలీస్ స్టేషన్‌కు చేరుకుని ఎస్‌ఐ నరేష్‌కు జరిగిన సంఘటనల పరిణామాలపై బాధిత యువకులతో వివరింపజేస్తూ లిఖితపూర్వకంగా ఫిర్యాదు చేయించారు.
చిత్రం..కిడ్నాప్‌కు గురై 18 రోజుల అనంతరం ఇళ్లకు చేరుకుని కుటుంబ సభ్యులను కలుసుకున్న బాధిత యువకులు రాజేశ్వర్, లక్ష్మణ్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.