రాష్ట్రీయం
తెలుగు వెలుగు దేదీప్యమానం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 17: ప్రపంచ తెలుగు మహాసభలు దేదీప్యమానంగా వెలిగిపోతున్నాయని ముఖ్యమంత్రి కె. చంద్రశేఖరరావు పేర్కొన్నారు. ప్రపంచ తెలుగు మహాసభల సందర్భంగా తెలంగాణ సారస్వత పరిషత్‌లో ఆదివారం అవధాని జిఎం రామశర్మ చేసిన శతావధానం సందర్భంగా సిఎం మాట్లాడుతూ, ప్రపంచ వ్యాప్తంగా ఉన్న తెలుగు వారు హర్షించేలా సభల చివరిరోజు తీర్మానాలు చేస్తామన్నారు. ప్రపంచ తెలుగు మహాసభలకు అద్భుతమైన స్పందన రావడంతో తనకు చాలా సంబురంగా ఉందని కెసిఆర్ పేర్కొన్నారు. ఈ సభలకు 42 దేశాలు, 17 రాష్ట్రాలు, ఒక కేంద్ర పాలిత ప్రాంతం నుండి ప్రతినిధులు హాజరవుతున్నారన్నారు. సభల సందర్భంగా ఏర్పాటు చేసిన అన్ని వేదికలు కూడా ప్రతినిధుల హడావుడితో కళకళలాడుతున్నాయన్నారు. ప్రపంచ తెలుగు మహాసభల ద్వారా సాహిత్యానికి పూర్వవైభవం వస్తుందని పేర్కొన్నారు. కవి సమ్మేళనాలు, చర్చలు చాలా ఆసక్తికరంగా సాగుతున్నాయన్నారు. సాహిత్య కార్యక్రమాలకు ఇటీవల కొద్దిగా ఆదరణ తగ్గిందని,
ఇక నుండి సాహిత్యానికి, తెలుగు భాషకు పెద్దపీఠ వేస్తానని ప్రకటించారు. తెలంగాణలోని సాహితీ వేత్తలను తగినంత గుర్తింపు ఇస్తామన్నారు. తాను పుట్టిన గడ్డకు చెందిన డాక్టర్ జిఎం రామశర్మ శతావధానం చేయడం తనకు గర్వకారణంగా ఉందన్నారు. తాను ఇంజనీర్ లేదా డాక్టర్ కావాలంటూ తన తండ్రికి కోరికగా ఉండేదని, అయితే తన గురువుల కారణంగా తనకు సాహితీరంగంలో ప్రవేశం కలిగిందన్నారు. చదువుకునే రోజుల్లో దాదాపు 3000 పద్యాలను కంఠస్తం చేశానని గుర్తు చేశారు. ప్రపంచ తెలుగు మహాసభల సందర్భంగా ప్రతినిధులకు వసతి, భోజన సదుపాయాలు చాలా బాగా ఉన్నాయని, ఇందుకోసం కృషి చేసిన ప్రభుత్వ ప్రధాన కార్యదర్శి ఎస్‌పి సింగ్‌ను సిఎం అభినందించారు. తెలంగాణ ప్రభుత్వం చేపట్టిన సంక్షేమ కార్యక్రమాలను శ్లాఘిస్తూ, అవధాని రామశర్మ ఆశువుగా చెప్పిన పద్యం ఆహుతులను ఆకట్టుకుంది. రామశర్మను ఈ సందర్భంగా ముఖ్యమంత్రి ఘనంగా సన్మానించారు. ఆయన నిర్వహించిన శతావధానం సందర్భంగా కెసిఆర్ తన ప్రసంగంలో చదివిన రెండు పద్యాలు ఆహుతులను ఆకట్టుకున్నాయి.
చిత్రం..ప్రపంచ తెలుగు మహాసభల్లో భాగంగా ఆదివారంనాటి కార్యక్రమంలో మాట్లాడుతున్న సీఎం కె చంద్రశేఖర్ రావు. వేదికపై నిర్వాహకులు, తెలుగు పండితులు
*
రామశర్మ శతావధానంలో
కేసీఆర్ చదివిన
రెండు పద్యాలు
*
‘‘అటజని గాంచె భూమిసురు డంబరచుంబి శిరస్సరజరీ
పటల ముహుర్ముహుర్లుఠ దభంగ తరంగ మృదంగ నిస్స్వన
స్ఫుట నటనానుకూల పురిఫుల్ల కలాప కలాపి జాలమున్
గటక చరత్కరేణు కర కంపిత సాలము శీతశైలమున్’’
*
‘‘నను భవదీయ దాసుని మనంబున నెయ్యపుకిన్క బూని
తాచిన, యది నీకు మన్ననయ, చెల్వగు నీ పదపల్లవంబు
మత్తను పులకాగ్ర కంటక వితానము తాకిన నొచ్చునంచు నే
ననియెద నల్క మానవుగదా యికనైన నరాళకుంతలా!’’
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.