రాష్ట్రీయం
ఉరిశిక్ష ఖరారై నేటితో ఏడాది
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, డిసెంబర్ 18: హైదరాబాద్ దిల్‌సుఖ్‌నగర్ జంట పేలుళ్ల కేసులో ఐదుగురు ఉగ్రవాదులకు ఉరిశిక్ష విధించి నేటితో ఏడాది పూర్తయింది. గతేడాది డిసెంబర్ 19న జాతీయ దర్యాప్తు సంస్థ (ఎన్‌ఐఏ) ప్రత్యేక కోర్టు నిందితులకు ఉరిశిక్ష ఖరారు చేసింది. దిల్‌సుఖ్‌నగర్‌లో 21 ఫిబ్రవరి 2013లో జరిగిన బాంబు దాడిలో 18 మంది మృతి చెందగా 131 మంది గాయపడిన విషయం తెలిసిందే. ఉగ్రవాదులు రెండు సైకిళ్లకు ఎల్‌ఈడీలు అమర్చి పేలుళ్లకు పాల్పడ్డారు.
ఈ కేసులో ఇండియన్ ముజాహిద్దీన్‌కు చెందిన యాసిన్ భత్కల్ (పాకిస్తాన్) సహా జియా-ఉర్-రహమాన్, అసదుల్లా అఖ్తర్, తహసీన్ అఖ్తర్, ఎజాజ్ షేక్‌లను జాతీయ దర్యాప్తు సంస్థ ప్రత్యేక కోర్టు దోషులుగా ప్రకటించింది. మూడున్నరేళ్లు పాటు సాగిన విచారణ అనంతరం కోర్టు వీరిని దోషులుగా నిర్ధారించి ఉరిశిక్ష ఖరాలు చేసింది. కాగా నిందితులకు శిక్ష పడి ఏడాది పూర్తయినప్పటికీ శిక్ష అమలు కాలేదు. అయితే నిందితులపై దేశంలోని పలు కోర్టుల్లో కేసులు ఉండడంతో నిందితులు విచారణ ఎదుర్కొంటున్నారు. జంటపేలుళ్ల కేసులో ఎన్‌ఐఏ కోర్టు ఆరుగురిని దోషులుగా గుర్తించింది. అయితే వీరిలో ఒకరు యాసిన్ భత్కల్ సోదరుడు రియాజ్ భత్కల్ పోలీసులకు చిక్కలేదు. పరారీలో ఉన్న రియాజ్ పాకిస్తాన్ వెళ్లిపోయినట్టు తెలుస్తోంది.
పేలుళ్లకు పాల్పడిన నిందితులు యాసిన్ భత్కల్‌పై సరూర్‌నగర్‌లో కేసు నమోదు కాగా, ఎన్‌ఐఏకు బదిలీ చేశారు. ఆగస్టు 2013లో బీహార్‌లో అతణ్ని అరెస్టు చేశారు. జియా-ఉర్-రహమాన్‌ను 2014లో ఢిల్లీ ఇంటెలిజెన్స్ పోలీసులు రాజస్థాన్‌లో అరెస్టు చేశారు. ఎజాజ్ షేక్ ఉత్తర్‌ప్రదేశ్‌లో సెప్టెంబర్ 5న పోలీసులు అరెస్టు చేసి వీరిపై కేసులు నమోదు చేశారు. 201 ఆధారాలతో 158 సాక్షులను విచారించిన ఎన్‌ఐఏ ప్రత్యేక కోర్టు ఉరిశిక్ష విధించింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.