రాష్ట్రీయం
రాజన్న రాజ్యం తెస్తా
S ,7 à 8 RSCA (si SASPAS) et 6 cialis pharmacie cialis rapports de stage.
ధర్మవరం, డిసెంబర్ 18: రాష్ట్రంలో రాజన్న రాజ్యం తెచ్చి ప్రజలను కష్టాల కడలి నుంచి గట్టెక్కిస్తామని వైసీపీ అధినేత జగన్మోహన్రెడ్డి హామీ ఇచ్చారు. ప్రజా సంకల్పయాత్ర 38వ రోజు సోమవారం అనంతపురం జిల్లా ధర్మవరం మండలంలో కొనసాగింది. నడిమిగడ్డపల్లి క్రాస్‌నుంచి బిల్వంపల్లి, నేలకోటతండా, నేలకోట గ్రామాల్లో మహిళలు జగన్‌ను చుట్టుముట్టి సమస్యలు విన్నవించారు. వారితో మాట్లాడుతూ రాష్ట్రంలో మోసపూరిత పాలన కొనసాగుతోందన్నారు. చంద్రబాబులా ఇచ్చిన హామీలు తప్పనన్నారు. మన ప్రభుత్వం వచ్చిన వెంటనే మీ కష్టాలన్నీ తీరుస్తానని హామీ ఇచ్చారు. మహిళలకు వడ్డీలేని రుణాలు రాకపోవడానికి చంద్రబాబే కారణమన్నారు. అలాగే రుణమాఫీ పేరుతో మహిళలను మోసం చేశారని, ఇస్తామన్న రూ.10 వేలు కూడా ఎవరికిచ్చారో అర్థం కాని పరిస్థితి నెలకొందన్నారు. ఏడాది ఓపిక పట్టండి, ఎన్నికల అనంతరం మన ప్రభుత్వం వస్తుంది. రాజశేఖరరెడ్డి సీఎంగా ఉన్న సమయంలో అమలుచేసిన ప్రతి పథకం అమలుచేస్తామన్నారు. ఎన్ని లక్షలు ఖర్చైనా పిల్లలను ప్రభుత్వమే ఉచితంగా చదివిస్తుందన్నారు. చదువుకునే రోజుల్లో ఖర్చుల నిమిత్తం రూ.20 వేలు ఇస్తుందని తెలిపారు. అలాగే పొదుపు సంఘాలకు ఎంత అప్పు వున్నా నాలుగు దఫాలుగా మహిళల చేతికే నగదు అందిస్తామన్నారు. వీటికి తోడు మద్యం వాసనే గ్రామాల్లో లేకుండా చేస్తానన్నారు. 45 ఏళ్లకే పెన్షన్ అందిస్తామన్నారు. చంద్రబాబు ముఖ్యమంత్రి అయి నాలుగేళ్లు అవుతున్నా కట్టిన ఇళ్లకే బిల్లులు చెల్లించలేదని మహిళలు చెబుతున్నారన్నారు. ఇక కొత్త ఇళ్లు ఎక్కడా కట్టించిన దాఖలాలు లేవన్నారు. అధికారంలోకి వచ్చిన వెంటనే అర్హులైన ప్రతి ఒక్కరికీ ఇళ్లు కట్టిస్తామన్నారు. నవరత్నాల్లో పేర్కొన్న ప్రతి పథకం అమలుచేస్తామన్నారు. అంతకంటే మెరుగ్గా ఉపయోగంగా ఉండే పథకాలు తీసుకొచ్చేందుకే పాదయాత్ర చేస్తూ మీ ముందుకు వచ్చానన్నారు. సూచనలు, సలహాలు ఇవ్వాలని రైతులు, మహిళలను కోరారు. మన ప్రభుత్వం అధికారంలోకి రావాలని పూజలు చేయాలని మహిళలకు పిలుపునిచ్చారు.
ఎస్సీ, ఎస్టీల ఇళ్లకు ఉచిత విద్యుత్
అధికారంలోకి వచ్చిన వెంటనే రాష్టవ్య్రాప్తంగా ఎస్సీ, ఎస్టీల ఇళ్లకు ఒక్క పైసా విద్యుత్ బిల్లు చెల్లించే పనిలేకుండా ఉచితంగా కరెంట్ అందిస్తానని జగన్మోహన్రెడ్డి నేలకోటతండాలో హామీ ఇచ్చారు. 2004కు మునుపు పాదయాత్ర చేపట్టిన రాజశేఖరరెడ్డి రైతుల కష్టాలు తెలుసుకుని రాష్టవ్య్రాప్తంగా ఉచిత విద్యుత్ అందించారని గుర్తుచేశారు. అప్పట్లో రైతాంగం ఎంతో ప్రయోజనం పొందిందన్నారు.
చిత్రం..ప్రజా సంకల్పయాత్రలో ప్రజలు, మహిళలతో మాట్లాడుతున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.