రాష్ట్రీయం
ఆదిలాబాద్ గజగజ
S ,7 à 8 RSCA (si SASPAS) et 6 cialis pharmacie cialis rapports de stage.
ఆదిలాబాద్, డిసెంబర్ 19: ఉత్తరాది నుండి వీస్తున్న చలి గాలులతో ఆదిలాబాద్ జిల్లా గజ గజ వణికిపోతోంది. గత నాలుగేళ్ళ రికార్డును బద్దలుకొడుతూ మంగళవారం అత్యల్పంగా 3.8 డిగ్రీల కనిష్ట ఉష్ణోగ్రత నమోదైంది. 2014 డిసెంబర్ 20న ఆదిలాబాద్‌లో 3.9 డిగ్రీల కనిష్ట ఉష్ణోగ్రత నమోదు కాగా ఆ తర్వాత ఈసారి రికార్డును బ్రేక్‌చేస్తూ 3.8 డిగ్రీల కనిష్ట ఉష్ణోగ్రత నమోదైందని, మరో వారం రోజులు చలి గాలుల ప్రభావం తీవ్రంగా ఉంటుందని వాతావరణ పరిశోధన కేంద్రం నిపుణులు డాక్టర్ శ్రీధర్ చౌహన్ ‘ఆంధ్రభూమి’కి వివరించారు. దట్టమైన అడవులు, నల్లరేగడి భూములకు తోడు సముద్ర మట్టానికి 35 5మీటర్ల ఎత్తులో ఆదిలాబాద్ జిల్లా భౌగోళికంగా విస్తరించి ఉండడం వల్లే ఆదిలాబాద్ జిల్లాలో రికార్డుస్థాయిలో కనిష్ట ఉష్ణోగ్రతలు నమోదవుతున్నాయి. ఉదయం 6 గంటల నుండి 7.30 గంటల వరకు ఆదిలాబాద్, ఉట్నూరు, నిర్మల్, మంచిర్యాల జిల్లాల్లో పొగమంచు దట్టంగా కమ్మేస్తోంది. దీంతో ఇంటి నుండి బయటకు వెళ్లాలంటేనే జనం చలిపులిని చూసి బెంబేలెత్తిపోతున్నారు. ఉదయం పూట పాఠశాలలకు వెళ్లే చిన్నారులు, పాలు, కూరగాయలు విక్రయించే చిరు రైతులు, బస్టాండ్‌లు, రైల్వే స్టేషన్‌లలో యాచకులు, వృద్దుల పరిస్థితి కడుదయనీయంగా మారింది. కనీస సౌకర్యాలు లేక కిటికీలు, అద్దాలు లేక ప్రభుత్వ వసతి గృహాల్లో విద్యార్థులు నిద్రకు దూరమై చలితో వణికిపోతున్నారు. ఉదయం, సాయంత్రం ఆదిలాబాద్, నిర్మల్, ఉట్నూరు, ఆసిఫాబాద్ కేంద్రాలు జనసంచారం లేక నిర్మానుషంగా మారగా వ్యాపారం కూడా కొనసాగడం లేదని వ్యాపారస్తులు వాపోతున్నారు. సోమవారం సాయంత్రం 9.6 డిగ్రీల కనిష్ట ఉష్ణోగ్రత నమోదు కాగా వాతావరణ పరిస్థితుల ప్రభావం నేపథ్యంలో ఒకేసారి 3.8 డిగ్రీలకు చలి పడిపోయంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.