రాష్ట్రీయం
ఇక విజయవాడలోనే నియామకాల ప్రక్రియ
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 21: వచ్చే ఏడాది జనవరి 1 నుండి ఆంధ్రప్రదేశ్ పబ్లిక్ సర్వీస్ కమిషన్ (ఏపీపీఎస్సీ) విజయవాడ కేంద్రంగా పూర్తిస్థాయిలో పనిచేస్తుందని కమిషన్ చైర్మన్ పిన్నమనేని ఉదయ్‌భాస్కర్ వెల్లడించారు. ఇక్కడి బందరు రోడ్డులోని ఆర్ అండ్ బి నూతన భవన సముదాయంలో కమిషన్ కార్యాలయం ప్రారంభోత్సవం సందర్భంగా ఆయన గురువారం విలేఖరులతో మాట్లాడుతూ, రాష్ట్ర విభజన తరువాత ఇప్పటివరకు హైదరాబాదు నుండే కమిషన్ కార్యక్రమాలు కొనసాగాయని తెలిపారు. నవరి మొదటి, రెండవ వారాలలో గ్రూప్-2 ఉద్యోగాలకు ధ్రువపత్రాల పరిశీలన కమిషన్ నూతన కార్యాలయంలో జరుగుతుందన్నారు. 2011 నాటి గ్రూప్-1 పోస్టులకు జనవరి 22 నుండి ఇంటర్వ్యూలు నిర్వహిస్తామన్నారు. త్వరలో గ్రూప్-3లో 1,055 పోస్టుల ఫలితాలను వెల్లడిస్తామని తెలిపారు. గత మూడేళ్లలో 34 నోటిఫికేషన్లు జారీ చేశామని, వీటిలో 3 తప్ప మిగతా నోటిఫికేషన్‌లకు నియామకాలు జరిగినట్లు ఉదయ్‌భాస్కర్ తెలిపారు. కోర్టు కేసుల వల్ల నియామకాల ప్రక్రియ ఆలస్యమైందన్నారు. గ్రూప్-2, గ్రూప్-3 నియామకాలకు అభ్యర్థుల నుండి ఆప్షన్ తీసుకుని వచ్చే సంవత్సరం నుంచి క్యాలెండర్ ప్రకారం నోటిఫికేషన్లు జారీ చేస్తామన్నారు. కాగా, డిఎస్సీ పరీక్ష ఆన్‌లైన్‌లోనా లేక ఆఫ్‌లైన్‌లోనా అన్న అంశంపై ప్రాథమికంగా చర్చించామన్నారు. గ్రూప్-2లో మార్కులు ఎక్కువ వచ్చినా, జాబితాలో పేరు లేనివారు తమ వివరాలను కమిషన్‌కు తెలియచేయాలని కోరారు. కేటగిరిల వారీగా ఖాళీల జాబితా ఇవ్వాలని ప్రభుత్వాన్ని కోరామన్నారు. దీనివల్ల ఒక పోస్టుకు 50 మంది బదులు 150 మందికి పరీక్ష నిర్వహించే వీలు కలుగుతుందన్నారు. గ్రూపు-2కు 6 లక్షల మంది దరఖాస్తు చేయగా 41 వేల మందిని ఎంపిక చేశామన్నారు. ఆన్‌లైన్‌లో పరీక్ష నిర్వహించడానికి ఒక్కో అభ్యర్థికి 350 రూపాయలు ఖర్చు అవుతుందన్నారు. కమిషన్ సభ్యులు జి.సీతారామరాజు, జి.రంగా జనార్దన్, విజయ్‌కుమార్, జి.సుజాత, పద్మరాజు, శివరూప, కార్యదర్శి వైవిఎస్‌టి సాయి పాల్గొన్నారు.
చిత్రం..మీడియాతో ఎపీపీఎస్సీ చైర్మన్ ఉదయ్‌భాస్కర్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.