రాష్ట్రీయం
ధర్మ ప్రచారానికి కొత్త ఊపిరి
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ, డిసెంబర్ 22: హిందూ ధర్మ ప్రచార వ్యాప్తికోసం రాష్ట్రంలోని హిందూ దేవాలయాలన్నింటా ధర్మ ప్రచార పరిషత్‌ల ఏర్పాటుకు చర్యలు తీసుకోనున్నామని రాష్ట్ర దేవాదాయ మంత్రి పైడికొండల మాణిక్యాలరావు అన్నారు. రాష్ట్రంలో టీటీడీ తర్వాత రెండో ప్రధాన దేవస్థానంగా దినదినాభివృద్ధి చెందుతున్న విజయవాడ శ్రీకనకదుర్గా మల్లేశ్వరస్వామివార్ల ఆలయ ప్రాంగణంలో ఎంతో విశాలమైన కళావేదిక నిర్మాణానికి చర్యలు తీసుకుంటామన్నారు. స్థానిక పిబి సిద్ధార్థ కళాశాల ఆడిటోరియంలో శుక్రవారం జరిగిన శ్రీకనకదుర్గ ధర్మ ప్రచార పరిషత్ ప్రథమ వార్షికోత్సవ సభలో మంత్రి మాణిక్యాలరావు ముఖ్య అతిధిగా పాల్గొని ప్రసంగించారు. ప్రజలందరికీ హైందవ ధర్మాన్ని తెలియచేయాలన్న సంకల్పంతో ఏడాది క్రితం ఏర్పాటైన ఈ సంస్థ వివిధ కార్యక్రమాలను నిర్వహిస్తుండటం హర్షదాయకమని అన్నారు. ఆలయ కార్యనిర్వహణాధికారిణి ఏ.సూర్యకుమారి మాట్లాడుతూ ధార్మిక, సామాజిక కార్యకలాపాలతో తమ దేవాలయం ముందుకు సాగుతున్నదని అన్నారు. హైందవ ధర్మాన్ని చాటిచెప్పాలనే లక్ష్యంతో శ్రీ కనకదుర్గ ధర్మ ప్రచార పరిషత్‌తో పాటు శ్రీనారాయణతీర్థ ప్రాజెక్టును, శ్రీక్షేత్రయ్య ప్రాజెక్టును ఏర్పాటుచేసి కృష్ణాతీరంలో నారాయణ, శ్రీసిద్దేంద్రయోగిల విశిష్టతను చాటి చెబుతున్నారని అన్నారు. దుర్గగుడి చైర్మన్ యలమంచిలి గౌరంగబాబు ఈ సందర్భంగా ఏర్పాటైన ఫొటో ఎగ్జిబిషన్‌ను ప్రారంభించారు. పరిషత్ డైరక్టర్ డాక్టర్ వేదాం తం రాజగోపాల చక్రవర్తి అధ్యక్షతన జరిగిన ఈ సభలో దుర్గగుడి పాలకవర్గ సభ్యులు, తదితరులు పాల్గొన్నారు.
ఆలయాల్లో కొత్త ఏడాది వేడుకలకు చెక్
ఆంగ్లేయుల పాలనలో ప్రారంభమైన జనవరి 1 నూతన సంవత్సర వేడుకలను అన్ని ఆలయాల్లో నిషేధిస్తున్నట్లు హిందూ ధర్మ పరిరక్షణ ట్రస్ట్ కార్యదర్శి చిలకపాటి విజయ రాఘవాచార్యులు ప్రకటించారు. భారతీయ వైదిక విధానం ప్రకారం కేవలం ఉగాదే నూతన సంవత్సరంగా భావించాలని అంటూ, దీనికి సంబంధించి రాష్ట్రంలోని అన్ని దేవాలయాలకు దేవాదాయ కమిషనర్ సూచనలు జారీ చేశారన్నారు. గుంటూరు జిల్లా సీతానగరంలోని ట్రస్ట్ కార్యాలయంలో శుక్రవారం మీడియాతో మాట్లాడుతూ ఆంగ్లేయ సంప్రదాయాలను విడనాడాలన్నారు. కమిషనర్ సూచనలను అమలు పరచాలని రాష్ట్రంలోని అన్ని దేవాలయాల కార్యనిర్వహణాధికార్లుకు, సహాయ కమిషనర్లకు, ఉపకమిషనర్లకు తెలిపామన్నారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.