రాష్ట్రీయం
ముఖ్యమంత్రి గారి వియ్యంకుడు
S ,7 à 8 RSCA (si SASPAS) et 6 cialis pharmacie cialis rapports de stage.
అమరావతి, జనవరి 24: తన బావే కదా.. సీట్లో కూర్చుంటే ఏమవుతుందిలే అనుకున్నట్లున్నాడు నందమూరి బాలకృష్ణ. అందుకే ఎవరినీ అడక్కుండా ఎంచక్కా సీఎం సీట్లో కూర్చుని ముఖ్యమంత్రి మాదిరిగా సమీక్ష నిర్వహించేశారు. మామూలు ఎమ్మెల్యే సీఎం సీట్లో కూర్చోవడం, సమీక్ష నిర్వహించడం దుస్సాహసమే! కానీ, సీఎం చంద్రబాబు వియ్యంకుడు, హిందూపురం ఎమ్మెల్యే నందమూరి బాలకృష్ణకు మాత్రం కాదు! బాలకృష్ణ అనగానే ఇదేదో సినిమా సీన్ అనుకోవద్దు. ఈ రియల్ సీన్‌కు విజయవాడ సీఎం క్యాంపు కార్యాలయం వేదికైంది. హిందుపురం టీడీపీ ఎమ్మెల్యే, సీఎం బావమరిది నందమూరి బాలకృష్ణ బుధవారం సీఎం క్యాంపు ఆఫీసులో తన అనంతపురం జిల్లాలో ప్రతి ఏటా నిర్వహించే లేపాక్షి ఉత్సవాలపై సమీక్ష నిర్వహించారు. సమావేశం క్యాంపు ఆఫీసు ప్రారంభంలో ఉన్న మీడియా హాల్‌లో జరిగితే ఎవరూ పట్టించుకునేవారు కాదు. కానీ, ఆయన సీఎం చంద్రబాబు సమీక్షలు నిర్వహించే హాల్‌లో, సీఎం కుర్చీలోనే కూర్చుని అధికారులకు సూచనలు, ఆదేశాలివ్వడమే వివాదమైంది. సీఎం చంద్రబాబు ప్రస్తుతం దావోస్ పర్యటనలో ఉన్నారు. సహజంగా చంద్రబాబు శని, ఆదివారాలు సచివాలయానికి సెలవయినందున, ప్రభుత్వ కార్యక్రమాలు, సమీక్షలన్నీ విజయవాడ క్యాంపు కార్యాలయం నుంచే నిర్వహిస్తుంటారు. మిగిలిన రోజుల్లో సీఎంఓలో పనిచేసే అధికారులు, కింద ఫ్లోర్‌లో ఉన్న శాఖాధిపతులను తప్ప, అక్కడికి ఎవరినీ అనుమతించరు. అయితే, గత కొద్దికాలం నుంచి విజయవాడకు చెందిన అధికార పార్టీ ఎమ్మెల్యేలు, కార్పొరేషన్ చైర్మన్లు ఆఫీసు ప్రారంభంలో ఉన్న మీడియా హాల్‌లో విలేకరుల సమావేశాలు నిర్వహిస్తున్నారు. అది వేరే విషయం! ఇప్పుడు ఒక ఎమ్మెల్యే ఏకంగా క్యాంపు ఆఫీసులో ఉన్న సీఎం సీట్లో కూర్చుని, అధికారులతో సమీక్ష నిర్వహించడం విమర్శలకు తెరలేచినట్టయింది. క్యాంపు ఆఫీసు పైకి వెళ్లాలంటే ముందస్తు అనుమతి తీసుకోవలసి ఉంటుంది. కింద ఉన్న సెక్యూరిటీకి పైనుంచి ఆదేశాలు వస్తేనే ఎవరినైనా అనుమతిస్తుంటారు. అలాంటిది ఒక సాధారణ ఎమ్మెల్యే అయిన బాలకృష్ణను పైకి అనుమతించడంతోపాటు, ఏకంగా సీఎం సీట్లో కూర్చుని సమీక్ష నిర్వహిస్తున్నా ఎవరూ అభ్యంతరం చెప్పకపోవడం విమర్శలపాలయింది. పైగా సదరు సమావేశానికి మంత్రి దేవినేని ఉమ, సీనియర్ ఐఏఎస్ అధికారులు నీరభ్‌కుమార్, ముఖేష్‌కుమార్ మీనా, ఇతర అధికారులు హాజరయి, బాలయ్య ఆదేశాలను శ్రద్ధగా నోట్ చేసుకుంటున్న ఫొటోలు ప్రభుత్వానికి అప్రతిష్ఠ తెచ్చాయన్న వ్యాఖ్యలు వినిపిస్తున్నాయి. బాలకృష్ణ సీఎం సీట్లో కూర్చున్న ఫొటోలు నిమిషాల్లోనే సోషల్‌మీడియాలో వచ్చి, వైరల్ అవడంతో దానిపై విపరీతమైన వ్యతిరేక వ్యాఖ్యలు మొదలయ్యాయి. చాలామంది నెటిజన్లు ప్రజలకు బాలకృష్ణ క్షమాపణ చెప్పాలని, బావమరిది అయితే సీఎం సీట్లో కూర్చోవచ్చా అన్న ప్రశ్నలు సంధించారు. ఏదేమైనా ఈ వ్యవహారం ప్రతిపక్షాలకు అస్త్రంగా మారి, టీడీపీకి తలనొప్పిగా పరిణమించే అవకాశం కనిపిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.