రాష్ట్రీయం
మేడారం జాతరకు 16 ప్రత్యేక రైళ్లు
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, జనవరి 27: తెలంగాణలో జరిగే మేడారం జాతరకు 16 ప్రత్యేక రైళ్లను నడుపుతున్నట్లు దక్షిణ మధ్య రైల్వే ప్రకటించింది. సికింద్రాబాద్-వరంగల్-హైదరాబాద్ మధ్య 8, కాజీపేట-సిర్పూర్,-కాగజ్‌నగర్ మధ్య 2, సిర్పూర్ కాగజ్‌నగర్-ఖమ్మం-సిర్పూర్,కాగజ్‌నగర్ మధ్య ఆరు ప్రత్యేక రైళ్లను నడుపుతున్నట్లు రైల్వే తెలిపింది. జనవరి 31, ఫిబ్రవరి 1,2,3 తేదీల్లో సికింద్రాబాద్ నుంచి వరంగల్‌కు ప్రత్యేక రైలు మధ్యాహ్నం 12.30కి బయలుదేరి, అదే రోజు మధ్యాహ్నం 3.40 గంటలకు వరంగల్ చేరుకుంటుంది. తిరుగు ప్రయాణంలో వరంగల్ నుంచి అదే రోజుల్లో సాయంత్రం 5.45కి బయలుదేరి అదే రోజు రాత్రి 9.30కి హైదరాబాద్ స్టేషన్‌కు చేరుకుంటుంది. కాజీపేట నుంచి జనవరి 31న రాత్రి 7 గంటలకు ప్రత్యేక రైలు బయలుదేరి అదే రోజు రాత్రి 11 గంటలకు సిర్పూర్ కాగజ్‌నగర్ చేరుకుంటుంది. తిరుగు ప్రయాణంలో ఫిబ్రవరి 4న సిర్పూర్ నుంచి సాయంత్రం 5.30 గంటలకు బయలుదేరి అదే రోజు రాత్రి 9 గంటలకు కాజిపేట చేరుకుంటుంది. ఫిబ్రవరి 1,2,3 తేదీల్లో సిర్పూర్ నుంచి ఉదయం 5.30కి బయలు దేరి అదే రోజు ఉదయం 11.15కి ఖమ్మం చేరుకుంటుంది. అలాగే తిరుగు ప్రయాణంలో అదేరోజు సాయంత్రం 4.45కి ఖమ్మం నుంచి బయలుదేరి రాత్రి 11 గంటలకు సిర్పూర్ చేరుకుంటుందని రైల్వే తెలిపింది. ఈ సౌకర్యాన్ని మేడారం జాతరకు వెళ్లే భక్తులు వినియోగించుకోవాలని విజ్ఞప్తి చేసింది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.