రాష్ట్రీయం
జగన్‌కు అపూర్వ ఆదరణ
S ,7 à 8 RSCA (si SASPAS) et 6 cialis pharmacie cialis rapports de stage.
పొదలకూరు, ఫిబ్రవరి 1: ప్రజా సంకల్పయాత్రలో భాగంగా జగన్ రెండోరోజైన గురువారం నెల్లూరు జిల్లా పొదలకూరు మండలంలో పర్యటించారు. తోడేరు క్రాస్‌రోడ్డు వద్ద బుధవారం రాత్రి బస చేసిన ఆయన ఉదయం తొమ్మిది గంటలకు పాదయాత్ర ప్రారంభించారు. ఈ యాత్రలో ఆయనకు అడుగడుగునా అపూర్వ ఆదరణ లభించింది. మహిళలు పెద్దసంఖ్యలో హారతులిస్తూ నీరాజనాలు పలికారు. ఆయన వెంట ఎంపీలు మేకపాటి రాజమోహనరెడ్డి, వరప్రసాద్, ఎమ్మెల్యేలు కాకాణి గోవర్ధనరెడ్డి, మేకపాటి గౌతమ్‌రెడ్డి, అనిల్‌కుమార్ యాదవ్, కోటంరెడ్డి శ్రీ్ధర్‌రెడ్డి, రామిరెడ్డి ప్రతాప్‌రెడ్డి, కిలివేటి సంజీవయ్య జగన్ వెంట పాదయాత్రలో పాల్గొన్నారు. చాటగొట్ల క్రాస్‌రోడ్డు నుంచి చాటగొట్ల మీదుగా మరుపూరు వరకు ఎనిమిది కిలోమీటర్ల దూరం వరకు పాదయాత్ర నిర్వహించారు. తోడేరు క్రాస్‌రోడ్డు వద్ద సర్వేపల్లి ఎమ్మెల్యే కాకాణి గోవర్ధనరెడ్డి తండ్రి, పొదలకూరు మాజీ సమితి అధ్యక్షులు కాకాణి రమణారెడ్డి జగన్‌ను కలసి మాట్లాడారు. పాదయాత్ర వెయ్యి కిలోమీటర్లు దాటిన సందర్భంగా శుభాకాంక్షలు తెలియజేశారు. తాము తక్కువ వేతనంతో వెట్టి చాకిరీ చేస్తున్నామని, తమను రెగ్యులర్ చేయాలంటూ ఏఎన్‌ఎంల సంఘ నేతలు జగన్‌కు వినతిపత్రాన్ని అందచేశారు. చాటగొట్ల వద్ద జగన్ పార్టీ పతాకాన్ని ఆవిష్కరించారు. మరుపూరు వరకు 8 కిలోమీటర్ల పాదయాత్ర ఉదయం 11 గంటలకు ముగించారు. ఇక్కడ నుంచి వెనుతిరిగి పొదలకూరు మీదుగా రేణిగుంటకు చేరుకుని విమానంలో హైదరాబాద్‌కు పయనమయ్యారు.
చిత్రం..పాదయాత్రలో మహిళల సమస్యలు తెలుసుకుంటున్న జగన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.