రాష్ట్రీయం
ఏపీ నిట్‌లో ర్యాగింగ్ కలకలం
S ,7 à 8 RSCA (si SASPAS) et 6 cialis pharmacie cialis rapports de stage.
తాడేపల్లిగూడెం, ఫిబ్రవరి 3: ఏపీ నిట్‌లో ర్యాగింగ్ కలకలం రేకెత్తించింది. నిట్ కళాశాలకు చెందిన ద్వితీయ, తృతీయ సంవత్సర సీనియర్ ఆంధ్రా విద్యార్థులు మొదటి సంవత్సరానికి చెందిన బీహార్ విద్యార్థిపై ర్యాగింగ్‌కు పాల్పడటంతో ఈ కలకలం రేగింది. శుక్రవారం సాయంత్రం మొదటి సంవత్సరం చదువుతున్న బీహార్‌కు చెందిన ముకుల్ కుమార్‌ను ఐదుగురు సీనియర్ విద్యార్థులతో పాటు మరికొంతమంది ర్యాగింగ్ చేసినట్టుగా సమాచారం. వీరి మధ్య ఘర్షణ తలెత్తడంతో ముకుల్ కుమార్‌పై సీనియర్ విద్యార్థులు దాడి చేశారు. అడ్డు వచ్చిన సెక్యూరిటీ గార్డుపై కూడా చేయి చేసుకున్నట్టుగా తెలుస్తోంది. ఈ సంఘటనతో పెదతాడేపల్లి వాసవీ ఇంజనీరింగ్ కళాశాలలో ఉన్న నిట్ ప్రాంగణంలో తీవ్ర ఉద్రిక్తత చోటు చేసుకుంది. కళాశాల యాజమాన్యం, పోలీసులు రంగంలోకి దిగారు. ర్యాగింగ్‌కు, భౌతిక దాడులకు పాల్పడిన సీనియర్ విద్యార్థులపై చర్యలు తీసుకోవాలని డిమాండ్ చేస్తూ విద్యార్థులు ఆందోళనకు దిగారు. కళాశాల బయట బైఠాయించి ఆందోళన చేశారు. ఈ ఘటనకు పాల్పడిన ప్రధాన వ్యక్తులైన ఐదుగురిపై సస్పెన్షన్ వేటు వేశారు. పోలీసులకు ఫిర్యాదు చేయడంతో కళాశాలకు చేరుకుని ప్రాథమిక విచారణ చేపట్టారు. మూడవ సంవత్సరానికి చెందిన గుణసాయిప్రకాష్, రెండవ సంవత్సరానికి చెందిన సుశాంత్ జోయల్, సాకేత్, పృథ్వీరాజ్, శ్రీనివాస్‌లతో పాటుగా మరో పది మందిపై కేసు నమోదు చేశారు. ఈ సందర్భంగా నిట్ కో-ఆర్డినేటర్ శ్రీనివాసరావు మాట్లాడుతూ ర్యాగింగ్‌కు పాల్పడిన వారిపై ఘర్షణ చర్యల్లో భాగంగా ఐదుగురిని సస్పెండ్ చేశామన్నారు. ఈ ఘటనపై కమిటీని నియమించామన్నారు. తాడేపల్లిగూడెం రూరల్ సీఐ ఎన్ రాజశేఖర్ మాట్లాడుతూ ఈ వ్యవహారంపై పదిహేను మంది విద్యార్థులపై కేసు నమోదు చేసినట్టు పేర్కొన్నారు. విచారణ అనంతరం చర్యలు చేపడతామన్నారు.
నిట్ ప్రాంగణంలో ఆందోళనకు దిగిన విద్యార్థులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.