రాష్ట్రీయం
ప్రముఖ పాత్రికేయుడు వెంకటరామారావు కన్నుమూత
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, ఫిబ్రవరి 12: ప్రముఖ విద్యావేత్త, పాత్రికేయుడు జి. వెంకటరామారావు (83) గత రాత్రి కన్నుమూశారు. హైదరాబాద్ ఓల్డ్‌సిటీలోని లాల్‌దర్వాజలో నివసిస్తున్న వెంకటరామారావుకు గుండెనొప్పి రావడంతో ఆయనను ఆసుపత్రికి తీసుకువెళుతుండగా, తుదిశ్వాస విడిచారు. సోమవారం అంత్యక్రియలు జరిగాయి.
రంగారెడ్డి జిల్లా కందుకూరు మండలంలోని మాధాపురం గ్రామానికి చెందిన వెంకటరామారావు విద్యాశాఖలో వివిధ హోదాల్లో పనిచేశారు. జిల్లా ఉపవిద్యాశాఖాధికారిగా పనిచేస్తూ 1993 లో పదవీవిరమణ చేశారు. కనక రత్నమ్మ, గోపాలరావుల కుమారుడైన వెంకటరామారావు భార్యపేరు అహల్య. ఆయనకు ముగ్గురు కూతుళ్లు, ఇద్దరు కుమారులు. వెంకటరామారావు దాదాపు రెండువేల వ్యాసాలు రాశారు. అనేక పుస్తకాలు రాశారు. ఆంధ్రభూమి, ఆంధ్రప్రభ, ఆంధ్రజ్యోతి, ఉదయం, వార్త, కృష్ణాపత్రిక, ప్రజాతంత్ర దినపత్రికలతో పాటు వివిధ పక్ష, మాసపత్రికల్లో ఆయన వ్యాసాలు ప్రచురితం అయ్యాయి. పరిష్కారం (కథానికల సంపుటి), ఆంధ్రప్రదేశ్ చరిత్రపై నాలుగు గ్రంథాలు, భారతదేశ చరిత్ర ప్రధాన సంఘటనలు తెలంగాణ విద్యా సాంస్కృతిక రంగాల చరిత్ర, ప్రధానిగా పి.వి, స్వాతంత్య్ర సమర నిర్మాతలు, పులిజాల రంగారావు జీవిత చరిత్ర, నూకల రామచంద్రారెడ్డి జీవిత చరిత్ర, కోదాటి నారాయణరావు జీవిత చరిత్ర, ఉన్నవ రాజగోపాలకృష్ణయ్య జీవిత చరిత్ర, ఆంధ్రప్రదేశ్ కాంగ్రెస్ చరిత్ర, తరతరాల తెలుగు జాతి చరిత్ర,తెలుగు ప్రముఖులు, సంకీర్ణ ప్రభుత్వాలు తదితర పుస్తకాలు రాశారు. 82 రేడియో ప్రసంగాలు, ఆరు టివి ప్రసంగాలు ప్రసారం అయ్యాయి.
వివిధ సంస్థలు ఆయనను వివిధ సందర్భాలలో సన్మానిస్తూ, పురస్కారాలు అందించాయి. బిఎన్ శాస్ర్తీ ధర్మనిధి పురస్కారం (ఆంధ్రసారస్వత పరిషత్తు, హైదరాబాద్), తెలుగు విశ్వవిద్యాలయం పురస్కారం (జీవిత చరిత్ర రచనారంగం). జైమినీ అకాడమీ పానిపట్ వారి సుభద్రా కుమారీ చౌహాన్ శతజయంతి ఉత్సవ సన్మానం, కృష్ణా జిల్లా ఉత్తమ పాత్రికేయ అవార్డు (2010), గిడుగు పురస్కారం (2013) వెంకటరామారావు అందుకున్నారు.
వెంకటరామారావు మృతిపట్ల బిజెపి నేతలు డాక్టర్ కె. లక్ష్మణ్, ఎన్.వి. సుభాష్, సుధాకర్ శర్మ వజ్జ ఒక ప్రకటనలో సంతాపం తెలియచేశారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.