రాష్ట్రీయం
తప్పించుకున్న మావోయిస్ట్ ఆర్కే?
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ముంచంగిపుట్టు, ఫిబ్రవరి 12: మావోయిస్ట్ అగ్రనేత రామకృష్ణ అలియాస్ ఆర్కే మరోసారి తప్పించుకున్నాడా? పోలీసులకు, మావోయిస్ట్‌లకు ఆంధ్రా ఒడిశా సరిహద్దు ప్రాంతంలో సోమవారం తెల్లవారుజామున పెదబయలు, చిత్రకొండ మధ్య జగన్నాథపురం గ్రామం వద్ద సుమారు 50 మంది మావోయిస్ట్‌లు సమావేశమయ్యారు. ఇదే సమయంలో ఆంధ్రా, ఒడిశా పోలీసులు జాయింట్ కూంబింగ్ ఆపరేషన్ అక్కడ నిర్వహిస్తున్నారు. పోలీసులు ఎదురుపడిన వెంటనే మావోయిస్ట్‌లు వారిపై కాల్పులు ప్రారంభించారు. ఆత్మ రక్షణ కోసం పోలీసులు కూడా ఎదురు కాల్పులు జరిపారు. గంటకు పైగా ఈ కాల్పులు జరిగినట్టు తెలిసింది. ఇందులో ఆర్కేతోపాటు మావోయిస్ట్‌లు తప్పించుకున్నట్టు విశ్వనీయవర్గాల సమాచారం. సుమారు ఏడాది కిందట ఏవోబీలో జరిగిన ఎదురు కాల్పుల్లో ఆర్కే తీవ్రంగా గాయపడి తప్పించుకున్నాడు. ఆ సమయంలో ఆర్కే కుమారుడు ప్రాణాలు కోల్పోయాడు. మళ్లీ ఇప్పుడు కూడా ఈ ఏవోబీలోనే ఒక సమావేశానికి హాజరై తప్పించుకోవడం గమనార్హం. మావోయిస్ట్‌లు సమావేశమైన ప్రదేశానికి పోలీసులు వెళ్లి పరిశీలించగా, 45 కిట్ బ్యాగ్‌లు, పెద్ద సంఖ్యలో తుపాకులు, బులెట్‌లు లభ్యమ్యాయి. అలాగే పేలుడు పదార్థాలు నింపిన రెండు క్యారేజీలు, ఆరు స్టీల్ క్యారేజీలు, ఏడు జతల ఆలివ్ గ్రీన్ దుస్తులు లభించినట్టు పోలీసులు తెలియచేశారు. ఈ ప్రాంతంలో మావోయిస్టు అగ్రనేతలు ప్లీనరీ నిర్వహించేందుకు ఏర్పాట్లు చేస్తున్నట్టు సమాచారం. ఇదిలా ఉండగా, ఘటనా స్థలం నుంచి ఇద్దరు మావోయిస్ట్‌లు ఒడిశా పోలీసులు అదుపులోకి తీసుకున్నట్టు తెలిసింది. దీనిపై విశాఖ ఎస్పీ రాహుల్‌దేవ్ శర్మ ‘ఆంధ్రభూమి’తో మాట్లాడుతూ ఎదురుకాల్పుల నుంచి ఆర్కే తప్పించుకున్నాడా? లేదా? అన్నది ఇపుడే చెప్పలేమని అన్నారు. ఘటనా స్థలం నుంచి సేకరించిన కిట్ బ్యాగ్‌లు రెండు రోజుల్లో విశాఖకు రానుయని, వాటి ఆధారంగా ఏ స్థాయి నాయకులు ఘటనా స్థలంలో ఉన్నారన్నది తెలుస్తుందని ఎస్పీ చెప్పారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.