రాష్ట్రీయం
అగ్ని..జమదగ్ని
S ,7 à 8 RSCA (si SASPAS) et 6 cialis pharmacie cialis rapports de stage.
బాలాసోర్, ఫిబ్రవరి 20: అణ్వాయుధాలను ప్రయోగించే సామర్థ్యం కలిగిన మధ్యశ్రేణి అగ్ని-2 క్షిపణిని భారత్ మంగళవారం విజయవంతంగా పరీక్షించింది. 2వేల కిలోమీటర్ల దూరంలోని లక్ష్యాన్ని సైతం ఛేదించగలిగే ఈ క్షిపణిని ఒడిశా తీరంలోని అబ్దుల్ కలాం దీవి నుంచి ప్రయోగించినట్టు రక్షణ వర్గాలు తెలిపాయి. ఐటీఆర్ కేంద్రంలో ఏర్పాటు చేసిన క్లాంప్లెక్స్-4 నుంచి ఉపరితల లక్ష్యాలను ఛేదించే ఈ క్షిపణిని ఉదయం ఎనిమిదిన్నర ప్రాంతంలో పరీక్షించామని పేర్కొన్నాయి. ఇప్పటికే ఈ క్షిపణిని సైనిక దళాల అమ్ముల పొదిలో చేర్చామని, నేటి పరీక్షను సైన్యానికి చెందిన వ్యూహాత్మక దళాల కమాండ్ నిర్వహించిందని తెలిపాయి. ఇందుకు సంబంధించిన సాంకేతిక మద్దతును రక్షణ పరిశోధన, అభివృద్ధి సంస్థ (డీఆర్‌డీఓ) అందించిందని పేర్కొన్నాయి. 20 మీటర్ల పొడవైన ఈ క్షిపణి బరువు 17 టన్నులు. రెండు వేల కిలోమీటర్లకు పైగా దూరంలోని లక్ష్యాన్ని వెయ్యి కిలోల బరువైన అణ్వాయుధాలతో ఛేదించే సామర్థ్యం ఈ అత్యాధునిక క్షిపణికి ఉందని తెలిపాయి. ఈ క్షిపణి పనితీరును నిర్థారించుకునేందుకే తాజా పరీక్ష నిర్వహించామని డీఆర్‌డీఓ శాస్తవ్రేత్త ఒకరు తెలిపారు. ఈ తాజా ప్రయోగాన్ని అన్ని కోణాల్లోనూ లోతుగా పరీక్షించామని, ఇందుకోసం ఆధునిక రాడార్లను ఏర్పాటు చేశామని తెలిపారు. డీఆర్‌డీఓతో కలిసి అడ్వాన్స్‌డ్ సిస్టమ్స్ లేబరేటరీ అగ్ని-2 క్షిపణిని రూపొందించింది. ఇందులో హైదరాబాద్‌లోని భారత్ డైనమిక్స్ లిటిటెడ్ క్రియాశీలక భూమిక పోషించింది. దేశానికి వ్యూహాత్మక రక్షణ కవచాన్ని అందించడంలో భాగంగా వివిధ లక్ష్య పరిధులు కలిగిన అగ్ని సిరీస్ క్షిపణులను ప్రభుత్వం రూపొందిస్తోంది.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.