రాష్ట్రీయం
జలవనరుల అభివృద్ధికి ప్రాధాన్యత
S ,7 à 8 RSCA (si SASPAS) et 6 cialis pharmacie cialis rapports de stage.
విజయవాడ: రాష్ట్ర అభివృద్ధికి నీరు ప్రధాన ఆధారంగా భావించిన రాష్ట్ర ప్రభుత్వం జలవనరుల అభివృద్ధికి పెద్దపీట వేసిందని రాష్ట్ర జలవనరుల శాఖ మంత్రి దేవినేని ఉమామహేశ్వరరావు అన్నారు. భూగర్భ జలాల మెరుగుదలకు ప్రాధాన్యతనిస్తూ హెచ్చుతగ్గులను ఎప్పటికప్పుడు పరిశీలించేందుకు గాను ఫిజో మీటర్లను ఏర్పాటుచేసి పర్యవేక్షించటం జరుగుతుందన్నారు. 60 ఏళ్లలో ఎన్నడూ లేని విధంగా నెల్లూరు జిల్లాలో ఈ ఏడాది 10.5 లక్షల ఎకరాలకు తాగునీరు అందిస్తున్నామన్నారు. ఇదంతా ఉపరితలంలోని వాన నీటిని భూగర్భంలోకి ఇంకింపచేయటంతో పాటు ప్రాధాన్యతా క్రమంలో చేపట్టిన ప్రాజెక్టులను పూర్తిచేయటం వలనే సాధ్యమవుతోందన్నారు.
ఉపరితల, భూగర్భ నీటివనరుల సమన్వయం వినియోగంపై స్థానిక సిద్ధార్థ కళాశాల ఆడిటోరియంలో రెండురోజులపాటు జరుగనున్న జాతీయ సదస్సును మంత్రి దేవినేని ఉమ గురువారం ప్రారంభించారు. ఈ సందర్భంగా ఆయన మాట్లాడుతూ రాష్ట్రాన్ని కరువు రహితంగా చేయాలనే ముఖ్యమంత్రి చంద్రబాబు సంకల్పం మేరకు తమ శాఖ ద్వారా పలు కార్యక్రమాలు చేపట్టామన్నారు. నీరు-చెట్టు పథకం నుంచి 1500 కోట్ల క్యూబిక్ మీటర్ల మట్టిని తొలగించామన్నారు. ఈ మట్టిని రైతులు స్వచ్ఛందంగా తమ పొలాలకు మళ్లించుకున్నారన్నారు. దీనివలన రాయలసీమ జిల్లాలోని చెరువులు పూర్తి సామర్థ్యంతో ఇటీవల కురిసిన భారీ వర్షాలకు నిండాయన్నారు. ఫలితంగా భూగర్భ జలాలు మెరుగుపడ్డాయన్నారు.
గత ఏడాది మహారాష్ట్ర, కర్ణాటక రాష్ట్రాల్లో వర్షాభావ పరిస్థితుల వల్ల కృష్ణానదికి రావాల్సిన 700 టిఎంసిల నీటి ప్రవాహం 66 టిఎంసిలకు తగ్గిందన్నారు. అయితే నీటి లభ్యత లేని ప్రాంతాల్లో ప్రత్యామ్నాయ మార్గాలను అనే్వషిస్తున్నామన్నారు. దీనిలో భాగంగానే సముద్రంలో వృథాగా పోతున్న గోదావరి జలాలను పట్టిసీమ ఎత్తిపోతల ద్వారా 8.92 టిఎంసిల కృష్ణాకు తరలించటం వలన కృష్ణాడెల్టాలోని 8.5 లక్షల ఎకరాల్లోని 2400 కోట్ల విలువైన పంటను కాపాడగలిగామన్నారు. పైగా కుడి ప్రధాన కాలువ పరిసరాల్లో ఈ నీటి ప్రవాహం వలన భూగర్భ జలాలు 3 నుంచి 8 అడుగుల మేర పెరిగాయన్నారు. కేవలం 170 రోజుల్లో పట్టిసీమ పథకాన్ని పూర్తిచేసిన ఘనత ఒక్క చంద్రబాబుకే దక్కుతుందన్నారు. రాష్ట్రంలో 10 లక్షల ఫారం పాండ్లను రైతుల పొలాల్లో నిర్మిస్తున్నట్లు రైతులు తెలిపారు. రెయిన్ గన్స్‌ను వినియోగించి వర్షాభావ పరిస్థితులేర్పడినప్పుడు ఆ పొలంలోనే పంటకు తడులిచ్చే ఏర్పాటు చేస్తామన్నారు. ఈ సమావేశంలో జలవనరులశాఖ కార్యదర్శి శశిభూషణ్‌కుమార్, ఎపి నీటిరంగ అభివృద్ధి పథకం ప్రాజెక్టు డైరక్టర్ వి.వెంకట్రామయ్య, జలవనరులశాఖ ఇంజనీర్ ఇన్ చీఫ్ రవికుమార్, భూగర్భ జలవనరులశాఖ డెప్యూటీ డైరక్టర్ ఎ.వరప్రసాద్, నీటిపారుదల సంఘం సభ్యులు ఆళ్ల గోపాలకృష్ణ, ప్రముఖ ఇంజనీర్లు చెరుకూరి వీరయ్యచౌదరి, డాక్టర్ అమర్‌సింగే, తదితరులు ప్రసంగించారు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.