రాష్ట్రీయం
విడదీయని బంధం
S ,7 à 8 RSCA (si SASPAS) et 6 cialis pharmacie cialis rapports de stage.
నెల్లూరు, ఫిబ్రవరి 25: ఆంధ్రుల అతిలోకసుందరి, అభిమాన తార శ్రీదేవి మరణం అందరినీ దిగ్భ్రాంతికి గురిచేసింది. ముఖ్యంగా నెల్లూరు జిల్లాతో శ్రీదేవి బంధం ప్రత్యేకమైనది. నెల్లూరంటేనే తనకు అంత ఇష్టంలేని ప్రదేశంగా శ్రీదేవి భావించే పరిస్థితి నెలకొంది. గతంలోకి వెళితే.. ప్రముఖ సిటీనటుడు కృష్ణ హీరోగా రాఘవేంద్రరావు దర్శకత్వంలో శ్రీదేవి హీరోయిన్‌గా నటించిన వజ్రాయుధం షూటింగ్ శ్రీదేవికి చేదు అనుభవాన్ని మిగిల్చిందనేది కొందరికే తెలుసు. 1985లో వజ్రాయుధం షూటింగ్ జిల్లాలోని సోమశిల డ్యాం వద్ద 22 రోజుల పాటు జరిగింది. ఈ షూటింగ్‌లో పాల్గొనేందుకు నిత్యం చెన్నై నుండి గూడూరు వరకూ శ్రీదేవి రైలులో వచ్చి అక్కడ్నుంచి కారులో సోమశిలకు వచ్చేవారు. కొందరు అల్లరిమూకలు గూడూరు నుండి సోమశిలకు వెళుతున్న సమయంలో శ్రీదేవి ప్రయాణిస్తున్న కారును అడ్డగించి ఆమెను చూడాలని ప్రయత్నించే క్రమంలో ఆమెతో అసభ్యంగా ప్రవర్తించారు. ఈ హఠాత్పరిణామానికి హతాశురాలైన శ్రీదేవి ఎలాగో వారి నుండి తప్పించుకోగలిగారు. ఈ సంఘటన అప్పట్లో రాష్ట్రంలో సంచలనమైంది. నిందితులపై పోలీసులు కేసు కూడా నమోదు చేశారు. ఈ సంఘటన కారణంగా కొద్ది రోజుల పాటు సోమశిలలో సినిమా షూటింగ్‌కు అంతరాయం కలిగింది.
హీరో కృష్ణకు సెక్యూరిటీ ఏర్పాటు చేసిన చిత్రయూనిట్ శ్రీదేవికి సెక్యూరిటీ ఏర్పాటు చేయకపోవడమే ఈ బాధాకరమైన సంఘటనకు కారణమని అప్పట్లో ఆరోపణలు వ్యక్తమయ్యాయి. అప్పట్నుంచి నెల్లూరన్నా అక్కడ ఏదైనా కార్యక్రమాల్లో పాల్గొనాలన్నా శ్రీదేవి అంతగా ఆసక్తి చూపేవారు కాదంటారు. 1992లో ముఖ్యమంత్రిగా నెల్లూరు జిల్లాకు చెందిన నేదురుమల్లి జనార్ధన్‌రెడ్డి ఉన్న సమయంలో నంది అవార్డుల ఫంక్షన్‌ను నెల్లూరులో ఏర్పాటు చేశారు. 1991 సంవత్సరానికి క్షణ క్షణం సినిమాకు నంది అవార్డు అందుకోవాల్సిన శ్రీదేవి నెల్లూరులో 1992లో ఏర్పాటు చేసిన నంది అవార్డుల కార్యక్రమానికి రాలేదు. అప్పట్లో తమిళనాడు ముఖ్యమంత్రిగా ఉన్న జయలలిత సైతం ఈ కార్యక్రమానికి హాజరయ్యారు. కానీ శ్రీదేవి మాత్రం రాకపోవడంపై గతంలో తనపై జరిగిన అఘాయిత్యంతో నెల్లూరుకు రావడం ఆమెకు ఇష్టం లేదని అందరూ భావించారు. కానీ శ్రీదేవికి నెల్లూరు జిల్లాలో లెక్కకు మించి అభిమానులున్నారు. అతిలోక సుందరి హఠాత్తుగా మరణించడాన్ని వారు జీర్ణించుకోలేకపోతున్నారు. నగరంలో పలుచోట్ల ఆమె చిత్రపటానికి పూలమాలలు వేసి కళాకారులు శ్రద్ధాంజలి ఘటించారు.
చిత్రం..వజ్రాయుధం సినిమా షూటింగ్ సందర్భంగా శ్రీదేవి విడిది చేసిన సోమశిలలోని అతిథిగృహం ఇదే
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.