రాష్ట్రీయం
భయం లేదు!
S ,7 à 8 RSCA (si SASPAS) et 6 cialis pharmacie cialis rapports de stage.
విశాఖపట్నం, ఫిబ్రవరి 26: ఆంధ్రలో పెట్టుబడులకు సంకోచం అవసరం లేదని, మీ పెట్టుబడులకు నాదీ హామీ అని పారిశ్రామికవేత్తలకు గవర్నర్ ఈఎస్‌ఎల్ నరసింహన్ భరోసానిచ్చారు. విశాఖలో మూడు రోజులపాటు జరిగిన సీఐఐ భాగస్వామ్య సదస్సు ముగింపు సమావేశంలో ముఖ్య అతిథిగా నరసింహన్ మాట్లాడుతూ రాష్ట్రంలో పెట్టుబడులు పెడితే, తమ డబ్బు ఏమవుతుందోనని చాలా మంది భయపడతారు కానీ మిషన్.. విజన్.. ఎగ్జిక్యూషన్‌ను సమర్థవంతంగా చేయగలిన నాయకుడు చంద్రబాబు ఉన్న రాష్ట్రంలో అటువంటి భయాలకు తావులేదన్నారు. ఈజ్ ఆఫ్ డూయింగ్ బిజినెస్‌లో దేశంలోనే రాష్ట్రం నెంబర్ స్థానంలో ఉందన్నారు. ప్రజల్లో సంతోషాన్ని చూడాలన్నది ఆయన లక్ష్యమన్నారు. రాష్ట్రంలో వరుసగా మూడోసారి ఇటువంటి సదస్సులు జరగడం ముదావహమంటూ, రాష్ట్రానికి పరిశ్రమలు వస్తే పేదరిక నిర్మూలన సాధ్యపడుతుందన్నారు. 2022 నాటికి మనం సరికొత్త ఆంధ్రను చూడగలుగుతామని గవర్నర్ అన్నారు. రాష్ట్రంలో రోడ్, రైల్, ఎయర్ పోర్టు కనెక్టివిటీ సమృద్ధిగా ఉందని, పెట్టుబడిదారులు కోరుకునే వౌలిక సదుపాయాలన్నీ రాష్ట్రంలో ఉన్నట్టేనన్నారు. ఇక్కడికి వచ్చే పెట్టుబడిదారులతో అధికారులు స్నేహపూర్వకంగా మెలుగుతున్నారని, ఇది రాష్ట్భ్రావృద్థికి ఎంతో దోహదపడుతుందన్నారు. అన్నింటికీ మించి దేశంలో సహజసిద్ధమై నిఘా వ్యవస్థ ఉందని దీనివలన పారిశ్రామికవేత్తలు సురక్షిత వాతావరణంలో ఇక్కడ ఉండచ్చని అన్నారు. ‘వికాస్ కా నారా... ఆంధ్రప్రదేశ్ హమారా.. అని గవర్నర్ తన ప్రసంగాన్ని ముగించారు. కేంద్ర వాణిజ్య మంత్రి సురేష్ ప్రభు మాట్లాడుతూ రాష్ట్భ్రావృద్ధికి చంద్రబాబు కలలు కంటూ వాటిని నిజం చేసుకుంటున్నారన్నారు. భవిష్యత్‌లో పరిశ్రమలన్నీ ఏపీకే తరలి రానున్నాయన్నారు.
మారిషస్ ఉపాధ్యక్షుడు పరమశివం పిళ్లై మాట్లాడుతూ చంద్రబాబును మారిషస్‌కు ఆహ్వానించాలని ఇక్కడికి వచ్చానని, అంతేకాకుండా ఏపీతో అనేక ఒప్పందాలు చేసుకున్నామని చెప్పారు. బీహార్, ఏపీ, తమిళనాడు, మహారాష్ట్రాల్లో మారిషస్ ప్రజానీకం విస్తరించి ఉన్నారన్నారు. సింగపూర్ దేశ వాణిజ్య మంత్రి ఈశ్వరన్ మాట్లాడుతూ సింగపూర్, ఆంధ్రల మధ్య ద్వైపాక్షిక సంబంధాలు అనేకం జరిగాయన్నారు. అలాగే భారతలో సింగపూర్ కంపెనీలు పెద్దఎత్తున పెట్టుబడులు పెడుతున్నాయన్నారు. రాష్ట్రంలో అమరావతి అనతికాలంలోనే అంతర్జాతీయస్థాయి గుర్తింపు పొందుతుందని ఈశ్వరన్ అన్నారు. సీఐఐ డైరక్టర్ జనరల్ చంద్రజిత్ బెనర్జీ మాట్లాడుతూ రాష్ట్రంలో సీఐఐ యూనివర్శిటీ ఏర్పాటు చేస్తామని చెప్పారు. అమరావతిలో స్టార్టప్ సెంటర్లను పెద్దఎత్తున నెలకొల్పనున్నామన్నారు. ఇక్కడై సీఐఐ కేంద్ర కార్యాలయాన్ని కూడా నెలకొల్పనున్నామని చెప్పారు. అదేవిధంగా అమరావతిలో ఇంటర్నేషనల్ కనె్వన్షన్ సెంటర్‌ను. ఫిన్‌టెక్ సెంటర్‌ను ఏర్పాటు చేస్తామని చెప్పారు.
చిత్రం..సదస్సులో మాట్లాడుతున్న గవర్నర్ నరసింహన్
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.