రాష్ట్రీయం
ధర్మపురిలో బ్రహ్మోత్సవాలు ప్రారంభం
S ,7 à 8 RSCA (si SASPAS) et 6 cialis pharmacie cialis rapports de stage.
ధర్మపురి, ఫిబ్రవరి 26: దక్షిణకాశీగా, హరిహరక్షేత్రంగా, నవనారసింహ క్షేత్రాలలో నొకటిగా పేరెన్నికగన్న ధర్మపురి క్షేత్రంలో 13రోజులపాటు నిర్వహించనున్న బ్రహ్మోత్సవ వేడుకలు సోమవారం వైభవోపేతంగా ప్రారంభమయ్యాయి. క్షేత్రంలోని ప్రధానాలయాలైన శ్రీయోగానంద, ఉగ్ర లక్ష్మీనరసింహ, శ్రీవేంకటేశ్వర స్వాముల దేవాలయాలలో ప్రారంభం రోజు ఫాల్గుణ శుద్ధ ఏకాదశి పర్వదినాన ప్రత్యేక పూజలు చేశారు. దేవస్థానం ఏసీ, ఈఓ నాయిని సుప్రియ ఆధ్వర్యంలో, డాక్టర్ శ్రీకాంత్‌రెడ్డి నేతృత్వంలోని ధర్మకర్తల పర్యవేక్షణలో, దేవస్థాన ఆస్థాన పౌరాణికులు కందాళై పురుషోత్తమాచార్యులు, వేదపండితులు బొజ్జా రమేశశర్మ, ముత్యాల శర్మ, ప్రధానార్చకులు నంబి రఘునాథాచార్య, శ్రీనివాసాచార్య, హరినాథాచార్య, రమణాచార్య, అశ్విన్ కుమార్, అర్చక పురోహితులు సంతోష్ శర్మ, సంపత్ శర్మ ప్రభృతులు ఫాల్గుణ శుద్ధ ఏకాదశి ఉదయం శుభ ముహూర్తంలో సంప్రదాయరీతిలో ముందుగా అవబృథ పర్యంత సంకల్పాలు, అంకురార్పణ, కలశస్థాపన, విశ్వక్సేనారాథన, వాసుదేవ పుణ్యాహ వాచనాలు, భగవత్, భాగవత సమారాధనలు, ఉత్సవ మూర్తుల రక్షాబంధనం, నాందీముఖం, వరాహతీర్థం తదితర ప్రత్యేక పూజలు చేశారు. బ్రహ్మోత్సవాల సందర్భంగా దేవతలందరినీ ఆహ్వానించి, మాతృకా పూజలు నిర్వహించి, అన్ని ఆలయాలలో బ్రహ్మకలశ స్థాపనలు చేశారు. ఇఓ సుప్రియ, దేవస్థానం చైర్మన్ శ్రీకాంత్‌రెడ్డి, కమిటీ సభ్యులు, అర్చకులకు దీక్షా వస్త్రాలను బహూకరించారు. సాయంత్రం శ్రీయోగానంద, ఉగ్ర నారసింహ శఠారిలను వేదపండితుల మంత్రోచ్ఛారణల మధ్య మంగళ వాద్యాలు తోడురాగా పురవీధులగుండా ఊరేగింపు జరిపి వరాహ తీర్థం, తిరుమల తిరుపతి దేవస్థాన ధర్మశాల ప్రాంతాలకు వెళ్ళి, ఉత్సవాన్ని నిర్వహించి మృత్తికా సంగ్రహణం, పుట్టబంగారం కార్యక్రమాలను సంప్రదాయ ప్రకారం నిర్వహించారు. దేవస్థానం ఏసీ, ఈఓ సుప్రియ, చైర్మన్ శ్రీకాంత్ రెడ్డి, సునీల్ కుమార్, నటరాజ్, వెంకటేశ్వర్‌రావు, లింగన్న, తిరుపతి, రాజన్న, సిబ్బంది ప్రత్యేక ఏర్పాట్లను గావించారు. ధర్మపురి సీఐ లక్ష్మీబాబు, సబ్ ఇన్‌స్పెక్టర్ లక్ష్మీనారాయణ పర్యవేక్షణలో పోలీసు బందోబస్తు ఏర్పాట్లు చేశారు.
చిత్రం..ఆస్థాన పురోహితులు పురుషోత్తమాచార్యను ఆహ్వానిస్తున్న ఈఓ సుప్రియ, చైర్మన్ శ్రీకాంత్‌రెడ్డి తదితరులు.
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.