రాష్ట్రీయం
హైకోర్టు కోసం ‘అనంత’లో హైవే దిగ్బంధం
S ,7 à 8 RSCA (si SASPAS) et 6 cialis pharmacie cialis rapports de stage.
అనంతపురం, మార్చి 2: హైకోర్టు రాయలసీమలో ఏర్పాటు చేయాలని డిమాండ్ చేస్తూ గత 40 రోజులుగా కొనసాగిస్తున్న ఆందోళనలో భాగంగా అనంతపురంలో న్యాయవాదులు శుక్రవారం జాతీయ రహదారిని దిగ్బంధించారు. న్యాయవాదులకు సంఘీభావం ప్రకటిస్తూ ఆందోళనలో బీజేపీ, సీపీఐ, సీపీఎం, విద్యార్థిసంఘాలు ఎస్‌ఎఫ్‌ఐ, డీవైఎస్‌ఐ, రాయలసీమ విద్యార్థి వేదిక నాయకులు కూడా పాల్గొన్నారు. ఉదయం 10 గంటలకు తపోవనంలోని జాతీయ రహదారిపైకి చేరుకుని రాస్తారోకో చేపట్టారు. దీంతో కొద్దిసేపు వాహనాల రాకపోకలకు అంతరాయం కలిగింది. వెంటనే రంగంలోకి దిగిన పోలీసులు ఆందోళనకారుల్ని పోలీసులు అరెస్టు చేసి, 4వ పట్టణ పోలీసు స్టేషన్‌కు తరలించారు.
అనంతరం సొంత పూచీకత్తుపై విడుదల చేశారు. ఆందోళనలో న్యాయవాదులు భరత్‌భూషన్‌రెడ్డి, రాచమల్లు హరినాథ్‌రెడ్డి, ఐ.రవీంద్ర, గడియారం మల్లికార్జునశర్మ, సీపీఐ జిల్లా కార్యదర్శి జగదీష్, సీపీఎం ఉత్తర జిల్లా కార్యదర్శి రాంభూపాల్ తదితరులు పాల్గొన్నారు.
చిత్రం..అనంతపురంలో జాతీయ రహదారిపై ఆందోళన చేస్తున్న న్యాయవాదులు, వివిధ పార్టీల నాయకులు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.