రాష్ట్రీయం
స్వచ్చంద సంస్థల సహకారంతోనే ప్రజలకు మెరుగైన వైద్యం
S ,7 à 8 RSCA (si SASPAS) et 6 cialis pharmacie cialis rapports de stage.
హైదరాబాద్, మార్చి 3: ప్రజలకు మెరుగైన వైద్యం అందించేందుకు స్వచ్చంద సంస్థలు ముందుకు రావాల్సిన అవసరం ఎంతైనా ఉందని ఏపీ సీఎం చంద్రబాబు నాయుడు అభిప్రాయపడ్డారు. శనివారం బసవతారకం ఇండో అమెరికన్ క్యాన్సర్ ఆసుపత్రిలో నూతనంగా అందుబాటులోకి తెచ్చిన టోమో థెరపీ వైద్య సేవలను ఆసుపత్రి సీఇఓ, ఎమ్మెల్యే బాలకృష్ణతో కలిసి ప్రారంభించారు. క్యాన్సర్ రోగులకు బసవతారకం ఆసుపత్రి అందిస్తున్న సేవలు అద్బుతమని కొనియాడారు. క్యాన్సర్ వ్యాధి భారిన పడ్డ తన భార్య ఇబ్బందులు గమనించిన స్వర్గీయ ఎన్‌టీఆర్ ఇక్కడి రోగులకు మెరుగైన వైద్యం అందించాలన్న సంకల్పం నుంచి ఈ ఆసుపత్రి అందుబాటులోకి వచ్చిందని చెప్పారు. ప్రపంచవ్యాప్తంగా క్యాన్సర్ వైద్య విధానంలో వస్తున్న అత్యాధునిక చికిత్స పద్దతులను ప్రవేశపెడుతూ ఇక్కడి రోగులకు నాణ్యమైన వైద్యాన్ని అందించడంలో బసవతారకం ముందంజలో ఉండటం గర్వకారణమన్నారు. ప్రజలకు వైద్యం అందించేందుకు ప్రభుత్వం చేస్తున్న కృషికి స్వచ్చంద సంస్థల సహాకం తోడైతే మరింత సమర్థవంతంగా చికిత్సలు అందించగలుగుతామని అన్నారు.త్వరలో అమరావతిలో క్యాన్సర్ ఆసుపత్రిని అందుబాటులోకి తేనున్నట్టు బాలకృష్ణ తెలిపారు. ఆసుపత్రి నిర్మాణానికి ఏపీ ప్రభుత్వం ఇప్పటికే 15 ఏకరాల స్థలాన్ని కేటాయించిందని చెప్పారు. ఒక్క సంవత్సరంలో నిర్మాణాలను పూర్తి చేసి సేవలు ప్రారంభిస్తామని తెలిపారు.
చిత్రం..బసవతారకం ఇండో అమెరికన్ క్యాన్సర్ ఆసుపత్రిలో టోమో థెరపీ వైద్య సేవలను ప్రారంభిస్తున్న చంద్రబాబు
Related Articles
శ్రీశైలం: శ్రీశైల మహాక్షేత్రంలో శ్రీ భ్రమరాంబ, మల్లికార్జున స్వామివార్లకు పరోక్ష ఆర్జిత సేవలను ప్రవేశపెట్టినట్లు ఈఓ రామారావు తెలిపారు. సోమవారం ఎమ్మెల్యే శిల్పా చక్రపాణిరెడ్డి, ఈఓ పరోక్ష ఆర్జితసేవలో పాల్గొన్నారు.
విజయవాడ, ఏప్రిల్ 13: రాష్ట్రంలో కోవిడ్-19 నివారణ చర్యల్లో భాగంగా వైఎస్సార్ టెలీమెడిసిన్‌ను ముఖ్యమంత్రి జగన్మోహన్ రెడ్డి ప్రారంభించారు. తాడేపల్లిలోని సీఎం క్యాంప్ కార్యాలయంలో ఆయన సోమవారం ఈ సేవలను లాంఛనంగా ప్రారంభించారు. ఇందులో భాగంగా టోల్ ఫ్రీ నెంబర్ - 14410ని అందుబాటులోకి తెచ్చారు.
విజయవాడ, ఏప్రిల్ 13: కరోనా ప్రభావంతో గత 20రోజులుగా వారణాసి పుణ్యక్షేత్రంలో చిక్కుకుపోయిన వెయ్యి మంది తెలుగు యాత్రికులు ఎట్టకేలకు దాదాపు 20 బస్సుల్లో సోమవారం బయలుదేరి వస్తున్నారు. ఆదివారం అర్ధరాత్రి దాటిన తర్వాత 12 బస్సులు, సోమవారం ఉదయం మరో 8 బస్సులలో వారు స్వరాష్ట్రాలకు బయలుదేరినట్లు సమాచారం.
విశాఖపట్నం, ఏప్రిల్ 13: కరోనా నేపథ్యంలో విధించిన లాక్‌డౌన్ కారణంగా విశాఖలో చిక్కుకున్న జపాన్ దేశానికి చెందిన పలువురు సోమవారం నగరం నుంచి బయలుదేరారు. లాక్‌డౌన్‌కు ముందు విశాఖ చేరుకున్న ఆరుగురు జపాన్ దేశస్తులు కరోనా కారణంగా అంతర్జాతీయ విమాన సర్వీసులు రద్దు కావడంతో విశాఖలో చిక్కుకుపోయారు.
తిరుపతి: ఆధ్యాత్మిక క్షేత్రం తిరునగరిలో భక్తుల గోవింద నామస్మరణలు లేవు. వాహనాల శబ్ధాలు లేవు....రైలు కూతలు లేవు.వీధుల్లో జనసంచారం లేదు. దుకాణాలు తెరుచుకోలేదు. బ్యాంకుల్లో వ్యాపార వాణిజ్యాలు నడవలేదు. ఏ వీధిచూసినా, ఏ వాడ చూసినా రోడ్లు నిర్మానుష్యంగా మారి తిరుమల, తిరుపతిలో నిశ్శబ్దం రాజ్యమేలింది.